| e-texts navigator |
| Wylie |
266b1 ཕྱིར། །ཐམས་ཅད་རྐྱེན་གྱིས་བྱས་པ་ཡིན། །བྱས་པ་རྣམས་ནི་བདག་ཡོད་མིན། །དངོས་པོས་དངོས་པོ་མི་སྐྱེད་དེ། །དངོས་པོ་གཉིས་ཡོད་སྐྱོན་ཕྱིར་དང་། །དངོས་པོ་གཉིས་མེད་སྐྱོན་གྱི་ཕྱིར། །དངོས་པོ་རྣམས་ནི་གཉིས་སུ་མེད། །འདུས་བྱས
266b2 ཆོས་རྣམས་རབ་བརྟགས་ཏེ། །དམིགས་བྱེད་དམིགས་བྱ་ཡོངས་སྤངས་ན། །དེ་ནི་སེམས་མེད་སེམས་ཙམ་སྟེ། །སེམས་ཙམ་དུ་ཡང་ངས་བཤད་དོ། །ཙམ་ནི་ངོ་བོ་ཉིད་ཀྱི་གནས། །རྐྱེན་དངོས་གཉི་ག་སྤངས་པ་སྟེ། །དངོས་པོ་མཐར་ཐུག
266b3 དག་གི་མཆོག་། སེམས་ཙམ་ཞེས་ནི་ངས་བཤད་དོ། །ཀུན་རྫོབ་བདག་ཅེས་ཉེར་བརྟགས་པ། །དེ་ནི་རྫས་སུ་ཡོད་མ་ཡིན། །ཕུང་པོ་ཕུང་པོ་ཞེས་བཏགས་པ། །དངོས་མེད་པ་ཡང་དེ་བཞིན་ནོ། །མཉམ་པ་ཉིད་ནི་རྣམ་བཞི་སྟེ། །མཚན་ཉིད
266b4 དང་རྒྱུ་དངོས་ལས་བྱུང་། །གསུམ་པ་བདག་མེད་མཉམ་པ་སྟེ། །བཞི་པ་རྣལ་འབྱོར་རྣལ་འབྱོར་པ། །རྣམ་རྟོག་བག་ཆགས་གཡོས་པས་ན། །སེམས་ནི་རྣམས་པ་སྣ་ཚོགས་སྐྱེས། །ཡུལ་རྣམས་ཕྱི་རོལ་སྣང་བར་གྱུར། །དེ་ནི་འཇིག
266b5 རྟེན་སེམས་ཙམ་མོ། །ཕྱི་རོལ་སྣང་བ་ཡོད་མིན་ཏེ། །སེམས་ནི་སྣ་ཚོགས་རྣམས་སུ་སྣང་། །ལུས་དང་ལོངས་སྤྱོད་རྣམས་གཞག་པ། །སེམས་ཙམ་དུ་ནི་ངས་བཤད་དོ། །ལྟ་བ་ཐམས་ཅད་ཡོངས་སྤོངས་ཤིང་། །རྟོག་དང་བརྟག་བྱ་བྲལ
266b6 བ་སྟེ། །དམིགས་མེད་སྐྱེ་བ་མེད་པ་ནི། །སེམས་ཙམ་དུ་ཡང་ངས་བཤད་དོ། །དངོས་མེད་དངོས་མེད་མ་ཡིན་པ། །དངོས་དང་དངོས་མེད་སྤངས་པས་ན། །སེམས་དེ་རྣམ་པར་གྲོལ་ཞེས་པ། །སེམས་ཙམ་དུ་ཡང་ངས་བཤད་དོ། །དེ་བཞིན་ཉིད
266b7 དང་ཡང་དག་མཐའ། །མྱ་ངན་འདས་དང་ཆོས་ཀྱི་དབྱིངས། །སྣ་ཚོགས་ཡིད་ཀྱི་ལུས་རྣམས་ནི། །སེམས་ཙམ་དུ་ཡང་ངས་བཤད་དོ། །དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
266b8 འདི་ལྟར་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ངག་དང་དོན་ལ་མཁས་པར་བྱའོ། །ཞེས་གསུངས་ན། ཇི་ལྟར་ན་བྱང་ཆུབ་སེམས་དཔའ་ངག་དང་དོན་ལ་མཁས་པ་ལགས། དེ་ལ་ངག་ནི་ཇི
iiif viewer powered by OpenSeadragon
