| e-texts navigator |
| Wylie |
265a1 རང་རིག་བསྟན་པ་སྟེ། །གང་གིས་མཐོང་ཞིང་རབ་འབྱེད་ན། །དེ་དག་རྟོག་པའི་དབང་མི་འགྲོ། །ཇི་ལྟར་བྱིས་པ་རྟོག་པ་བཞིན། །ཡང་དག་དངོས་པོ་ཡོད་མིན་ན། །ཅི་ཕྱིར་རྟོག་པ་ཅན་རྣམས་ཀྱིས། །དངོས་པོ་མེད་ལ་ཐར་པར་འདོད། །
265a2 འདུས་བྱས་སོ་སོར་རྟོག་པའི་ཚེ། །སྐྱེ་འཇིག་ལ་སོགས་འབྲེལ་མཐོང་བ། །ལྟ་བ་གཉིས་པོ་རྒྱས་པར་བྱེད། །ཕྱིན་ལོག་ཤེས་པ་མེད་པ་ཡིན། །གཅིག་པ་དེ་ནི་ཡང་དག་བདེན། །ཉེས་མེད་དེ་ནི་མྱ་ངན་འདས། །འཇིག་རྟེན་རྣམ་རྟོག་རབ་བརྟགས་ན།
265a3 སྒྱུ་མ་རྨི་ལམ་ཆུ་ཤིང་བཞིན། །འདོད་སྡང་གཏི་མུག་ཡོད་ཀྱང་ནི། །ཡང་དག་གང་ཟག་ཡོད་པ་མིན། །སྲེད་པ་ལས་ནི་ཕུང་པོ་འབྱུང་། །སྲིད་པ་སྒྱུ་མ་རྨི་ལམ་འདྲ། །དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་བཅོམ་ལྡན་འདས་ལ་འདི
265a4 སྐད་ཅེས་གསོལ་ཏོ། །བཅོམ་ལྡན་འདས་ཡང་དག་པ་མ་ལགས་པ་ཡོངས་སུ་རྟོག་པའི་མཚན་ཉིད་བདག་ལ་བཤད་དུ་གསོལ། ཡང་དག་པ་མ་ལགས་པའི་ཡོངས་སུ་རྟོག་པ་རྣམས་ཇི་ལྟར་འབྱུང་བར་འགྱུར། ཇི་ལྟ་བུ་ལ
265a5 ཡང་དག་པ་མ་ལགས་པའི་ཡོངས་སུ་རྟོག་པ་ཞེས་བགྱི། ཆོས་གང་ཞིག་ལ་ཡང་དག་པ་མ་ལགས་པ་ཡོངས་སུ་རྟོག་ལགས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་ལེགས་སོ་ལེགས་སོ། །དེ་བཞིན་གཤེགས་པ་ལ
265a6 དེ་ལྟ་བུའི་དོན་འདྲི་བར་སེམས་པ་ནི་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། ལྷ་དང་། མི་ཕལ་པོ་ཆེའི་དོན་དང་། ཕན་པ་དང་བདེ་བའི་ཕྱིར་ཞུགས་པ་ཡིན་ཏེ། དེའི་ཕྱིར་ཤིན་དུ་ལེགས་པར་ཉོན་ལ
265a7 ཡིད་ལ་ཟུང་ཤིག་དང་། ངས་ཁྱོད་ལ་བཤད་དོ། །བློ་གྲོས་ཆེན་པོས་བཅོམ་ལྡན་འདས་ལ་གསོལ་པ། ལེགས་སོ་ལེགས་སོ། །བཅོམ་ལྡན་འདས་དེ་བཞིན་དུ་འཚལ་ལོ་ཞེས་བཀའ་མཉན་པ་དང་། བཅོམ་ལྡན་འདས་ཀྱིས་བཀའ་སྩལ་པ། བློ
265a8 གྲོས་ཆེན་པོ་དོན་རྣམ་པ་ཐ་དད་པ་སྣ་ཚོགས་དང་། ཡང་དག་པ་མ་ཡིན་པའི་རྣམ་པར་རྟོག་པ་སྣ་ཚོགས་ལས་མངོན་པར་ཞེན་པའི་རྣམ་པར་རྟོག་པ་འབྱུང་སྟེ། བློ་གྲོས་ཆེན་པོ་གཟུང་བ་དང་། འཛིན་པ་ལ་མངོན་པར་ཞེན་པ་དང་། རང་གི་སེམས
iiif viewer powered by OpenSeadragon
