| e-texts navigator |
| Wylie |
264a1 ང་རྒྱལ་ཅན་ནི་རྣམ་པར་འཇིག་པར་བྱེད་པ་ཡིན་ནོ། །རང་དང་སྤྱིའི་མཚན་ཉིད་དུ་ལྟུང་བའི་བསམ་པ་ཅན་དག་རང་གི་སེམས་སྣང་བ་ཙམ་དུ་མི་ཤེས་པས་ཕྱི་རོལ་གྱི་དངོས་པོ་རྣམས་མི་རྟག་ཅིང་སྐད་ཅིག་མ་གཅིག་ནས
264a2 གཅིག་ཏུ་རྣམ་པར་འཇིག་པར་མཐོང་ནས། ཕུང་པོ་དང་། ཁམས་དང་། སྐྱེ་མཆེད་རྣམས་ནི་རྒྱུན་མི་འཆད་ཅིང་རྣམ་པར་འགྱུར་བ་དང་། ཡི་གེའི་མཚན་ཉིད་དང་བྲལ་བར་རྣམ་པར་རྟོག་ན་ཡང་རྣམ་པར་འཇིག་པར་བྱེད་པ་ཡིན་ནོ།
264a3 དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །ཡོད་དང་མེད་པ་མཐའ་གཉིས་ཏེ། །ཅི་ཙམ་སེམས་ཀྱི་སྤྱོད་ཡུལ་རྣམས། །སྤྱོད་ཡུལ་དེ་དག་རབ་སྤངས་ན། །སེམས་མཉམ
264a4 རབ་དབེན་ཞི་བར་འགྱུར། །ཡུལ་གྱི་དངོས་ལ་འཛིན་མེད་པས། །འགོག་པ་མེད་པ་མ་ཡིན་ཏེ། །ཡོད་པའི་དངོས་རྣམས་དེ་བཞིན་ཉིད། །འཕགས་པའི་སྤྱོད་ཡུལ་ཇི་བཞིན་ནོ། །རྒྱུ་མེད་པ་ལས་སྐྱེ་འགྱུར་ཞིང་། །བྱུང་ནས་དེ་ནི་འགག
264a5 པར་འགྱུར། །རྒྱུ་རྐྱེན་ཡོད་དང་མེད་ཅེས་པ། །ང་ཡི་བསྟན་ལ་དེ་མི་གནས། །མུ་སྟེགས་ཅན་དང་སངས་རྒྱས་དང་། །ང་དང་གཞན་གྱིས་བྱས་མིན་ཏེ། །རྒྱུ་རྐྱེན་འདུས་ལས་བར་བྱུང་ཡིན་ན། །ཇི་ལྟ་བུར་ན་མེད་པར་འགྱུར། །རྒྱུ་རྐྱེན
264a6 ཡོད་པ་སུས་བསགས་ན། །མེད་པ་ཞེས་ནི་རྗོད་པར་བྱེད། །ལོག་ལྟ་སྨྲ་བ་ཆོས་སྐྱེ་བ། །རྣམ་པར་རྟོག་པས་ཡོད་མེད་བརྟགས། །གང་གིས་ཅུང་ཟད་སྐྱེ་མེད་དང་། །འགག་པ་མེད་པར་རབ་ཤེས་པ། །འཇིག་རྟེན་དབེན་པར་མཐོང་བས་ན། །
264a7 ཡོད་མེད་གཉིས་ལས་རྣམ་པར་འགྲོལ། །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་དང་བྱང་ཆུབ་སེམས་དཔའ་གཞན
264a8 རྣམས་ལ་གྲུབ་པའི་མཐའི་ཚུལ་གྱི་མཚན་ཉིད་བཤད་དུ་གསོལ། གྲུབ་པའི་མཐའི་ཚུལ་གྱི་མཚན་ཉིད་རབ་ཏུ་དབྱེ་བ་ལ་མཁས་པར་གྱུར་ན་བདག་དང་བྱང་ཆུབ་སེམས་དཔའ་རྣམས་དེའི་མཚན་ཉིད་རྟོགས་པར་འགྱུར་ཏེ། དེའི་མཚན
iiif viewer powered by OpenSeadragon
