| e-texts navigator |
| Wylie |
261a1 དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་ཇི་སྐད་དུ་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་མཚམས་མེད་པ་ལྔའི་ལས་སྤྱོད
261a2 ཀྱང་མནར་མེད་པའི་དམྱལ་བར་ལྷུང་བར་མི་འགྱུར་བའི་ཕྱིར་དང་། སྤྲོ་བ་རབ་ཏུ་བསྐྱེད་པའི་ཕྱིར་བྱིན་གྱི་བརླབས་ཀྱིས་སྤྲུལ་པ་དག་མངོན་པར་རྟོགས་པར་རབ་ཏུ་སྟོན་ཏོ། །མཚམས་མེད་པའི་དངོས་པོ་བྱས་པ་རྣམས་མངོན་པར
261a3 རྟོགས་པ་མི་འཐོབ་པར་གཅིག་ཏུ་ངེས་པ་ཡང་མེད་དེ། རང་གི་སེམས་སྣང་བ་ཙམ་དུ་ཁོང་དུ་ཆུད་པ་དང་། ལུས་དང་ལོངས་སྤྱོད་དུ་རྣམ་པར་རྟོག་པ་དང་། བདག་དང་བདག་གིར་འཛིན་པ་དང་བྲལ་བ་དང་། གལ་ཏེ་བརྒྱ་ལམ་ན་དགེ་བའི
261a4 བཤེས་གཉེན་དང་ཕྲད་ནས་འགྲོ་བ་གཞན་དུ་མཚམས་སྦྱོར་བའི་རྣམ་པར་རྟོག་པ་ལས་གྲོལ་བར་འགྱུར་བ་ནི་མ་གཏོགས་སོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས
261a5 སོ། །འདོད་པའི་སྲེད་པ་མ་ཞེས་བྱ། །མ་རིག་པ་ནི་ཕ་ཡིན་ནོ། །ཡུལ་རིག་རྣམ་ཤེས་སངས་རྒྱས་ཏེ། །བག་ལ་ཉལ་ནི་དགྲ་བཅོམ་པ། །ཕུང་པོ་འདུས་པ་དགེ་འདུན་ཡིན། །མཚམས་མེད་རིམ་གྱིས་བཅད་པས་ན། །དེ་ན་མཚམས་མེད
261a6 ལྔ་ཡིན་ཏེ། །མནར་མེད་དམྱལ་བར་ལྟུང་མི་འགྱུར། །དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སངས་རྒྱས་རྣམས་ཀྱི་སངས་རྒྱས་པ་ཉིད་བདག་ལ
261a7 བཀའ་སྩལ་དུ་གསོལ། །བཅོམ་ལྡན་འདས་ཇི་ལྟར་ན་སངས་རྒྱས་རྣམས་ཀྱི་སངས་རྒྱས་པ་ཉིད་ལགས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་གང་ཟག་དང་ཆོས་ལ་བདག་མེད་པར་རྟོགས་པ་དང་། སྒྲིབ་པ་གཉིས
261a8 ཡོངས་སུ་ཤེས་ཤིང་ཁོང་དུ་ཆུད་པ་དང་། ཤི་འཕོ་རྣམ་པ་གཉིས་དང་བྲལ་བ་དང་། ཉོན་མོངས་པ་རྣམ་པ་གཉི་ག་སྤངས་པ་དེ་ནི་སངས་རྒྱས་རྣམས་ཀྱི་སངས་རྒྱས་པ་ཉིད་ཅེས་བྱའོ། །བློ་གྲོས་ཆེན་པོ་ཉན་ཐོས་དང་། རང་སངས་རྒྱས་རྣམས
iiif viewer powered by OpenSeadragon
