| e-texts navigator |
| Wylie |
259b1 ལས་ཀྱི་བག་ཆགས་མ་སྤངས་པའི་ཕྱིར་ཉན་ཐོས་དང་། རང་སངས་རྒྱས་ཐམས་ཅད་ལ་ཐེག་པ་གཅིག་ཏུ་མ་བཤད་དོ། །ཆོས་བདག་མེད་པར་མ་རྟོགས་ཤིང་དངོས་པོ་དང་བཅས་པའི་འཆི་འཕོ་མ་སྤངས་པའི་ཕྱིར་ཐེག་པ་གསུམ་དུ
259b2 བསྟན་ཏེ། བློ་གྲོས་ཆེན་པོ་དེ་དག་ནམ་ཉེས་པའི་བག་ཆགས་ཐམས་ཅད་སྤངས་ཤིང་ཆོས་བདག་མེད་པར་རྟོགས་པ་དེ་ན་དེ་དག་ཉོན་མོངས་པའི་ཉེས་པ་ཐམས་ཅད་སྐྱེད་པའི་བག་ཆགས་སྤངས་ཏེ། ཏིང་ངེ་འཛིན་གྱི་བདེ་བ་ལ་རོ་མྱོང
259b3 བའི་དངོས་པོ་མེད་པར་གྱུར་ནས་ཟག་པ་མེད་པའི་དབྱིངས་ལས་སད་དེ། སད་ནས་ལང་འཇིག་རྟེན་ལས་འདས་པར་ཞུགས་ཏེ། གོང་ནས་གོང་དུ་ཟག་པ་མེད་པའི་དབྱིངས་སུ་ཚོགས་རྣམས་ཡོངས་སུ་བསྐངས་ནས། དེ་བཞིན
259b4 གཤེགས་པའི་ཆོས་ཀྱི་སྐུ་བསམ་གྱིས་མི་ཁྱབ་པ་ལ་དབང་བྱེད་པ་རབ་ཏུ་འཐོབ་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །ལྷ་རྣམས་དང་ནི
259b5 ཚངས་པའི་ཐེག་། ཉན་ཐོས་རང་རྒྱལ་ཐེག་པ་དང་། །དེ་བཞིན་གཤེགས་པ་རྣམས་ཀྱི་ཐེག་།ང་ཡིས་ཐེག་པ་དེ་དག་ནི། །ཇི་སྲིད་སེམས་རྣམས་འཇུག་པའི་བར། །དེ་དག་མཐར་ཕྱིན་མིན་པར་བཤད། །གལ་ཏེ་སེམས་དེ་ཟད
259b6 གྱུར་ན། །ཐེག་པ་མེད་ཅིང་གདེག་པ་མེད། །ཐེག་པ་རྣམ་པར་གཞག་མེད་པས། །ཐེག་པ་གཅིག་ཏུ་ངས་བསྟན་ཏོ། །སེམས་ཅན་རྣམས་ནི་དྲང་བའི་ཕྱིར། །ཐེག་པ་ཐ་དད་ངས་བཤད་དེ། །རྣམ་པར་གྲོལ་བ་རྣམ་གསུམ་ཡོད། །
259b7 ཆོས་ལ་བདག་མེད་དེ་ཉིད་དང་། །ཉོན་མོངས་ཤེས་རབ་ལ་སོགས་པས། །རྣམ་པར་གྲོལ་ན་སྟོང་པར་འགྱུར། །རྒྱ་མཚོ་ལ་ནི་ཤིང་འཕྱོ་བ། །རྟག་ཏུ་རླབས་ཀྱིས་གཡེང་བ་ལྟར། །ཉན་ཐོས་རྨོངས་པའང་དེ་བཞིན་ཏེ། །མཚན་ཉིད
259b8 རླུང་གིས་རྣམ་པར་གཡེངས། །ཀུན་ནས་ལྡང་ལས་དེ་ལོག་ཀྱང་། །ཉོན་མོངས་བག་ཆགས་གཞན་གྱིས་རྨོངས། །ཏིང་ངེ་འཛིན་གྱི་བདེ་བས་མོས། །ཟག་པ་མེད་པའི་དབྱིངས་ལ་གནས། །མཐར་ཕྱིན་ཚུལ་ནི་དེ་ལ་མེད། །ཕྱིར
iiif viewer powered by OpenSeadragon
