| e-texts navigator |
| Wylie |
257b1 བའི་རྣམ་པར་རྟོག་པ་གང་ཞེ་ན། འདི་ལྟ་སྟེ། གསེར་དང་། སྐུད་པ་ཇི་ལྟ་བ་བཞིན་དུ་དེ་དང་ལྷན་ཅིག་པའི་མཚན་ཉིད་དུ་འབྲེལ་བ་དེ་ནི་འབྲེལ་བའི་རྣམ་པར་རྟོག་པ་ཞེས་བྱའོ། །བློ་གྲོས་ཆེན་པོ་བཅིངས་པ་དང་། མ་བཅིངས་པའི་རྣམ་པར
257b2 རྟོག་པ་གང་ཞེ་ན། འདི་ལྟ་སྟེ། འཆིང་བའི་རྒྱུ་དང་། བཅིང་བར་བྱ་བ་ལ་མངོན་པར་ཞེན་པ་སྟེ། ཇི་ལྟར་སྐྱེས་བུ་ཐམས་ཅད་དང་ལྡན་པས་ལག་པ་ལ་མདུད་པ་འདོར་བ་དང་འགྲོལ་བ་ལྟ་བུ་ནི་བཅིངས་པ་དང་། མ་བཅིངས་པའི་རྣམ་པར
257b3 རྟོག་པ་ཞེས་བྱའོ། །བློ་གྲོས་ཆེན་པོ་ཀུན་བརྟགས་པའི་རང་བཞིན་རབ་ཏུ་དབྱེ་བའི་ཚུལ་གྱི་མཚན་ཉིད་དེ་ལ་བྱིས་པ་སོ་སོའི་སྐྱེ་བོ་ཐམས་ཅད་ཡོད་པ་དང་མེད་པར་མངོན་པར་ཞེན་ཏོ། །བློ་གྲོས་ཆེན་པོ་གཞན་གྱི་དབང་ལ་མངོན
257b4 པ་ཨར་ཞེན་པས་མངོན་པར་ཞེན་པར་གྱུར་པ་དག་ཡོངས་སུ་བརྟགས་པའི་རང་བཞིན་སྣ་ཚོགས་ལ་མངོན་པར་ཞེན་པས་སྒྱུ་མ་བཞིན་དུ་ལུས་སྣ་ཚོགས་སྟོན་པ་ལ་བྱིས་པ་རྣམས་ཀྱི་རྣམ་པར་རྟོག་པས་སྒྱུ་མ་ལས་གཞན་དུ
257b5 རྣམ་པ་སྣ་ཚོགས་སུ་མཐོང་སྟེ། བློ་གྲོས་ཆེན་པོ་སྒྱུ་མ་དང་སྣ་ཚོགས་ནི་ཐ་དད་པ་ཡང་མ་ཡིན། ཐ་མི་དད་པ་ཡང་མ་ཡིན་ནོ། །གལ་ཏེ་ཐ་དད་ན་ནི་སྒྱུ་མ་ནི་སྣ་ཚོགས་ཀྱི་རྒྱུ་མ་ཡིན་པར་འགྱུར་རོ། །ཅི་སྟེ་ཐ་མི་དད་ན་ནི་སྒྱུ་མ་དང
257b6 སྣ་ཚོགས་བྱེ་བྲག་མེད་པར་འགྱུར་ཏེ། དེའི་བྱེ་བྲག་མཐོང་བས་ན་དེའི་ཕྱིར་གཅིག་པ་ཡང་མ་ཡིན། ཐ་དད་པ་ཡང་མ་ཡིན་ནོ། །དེ་ལྟ་བས་ན་བློ་གྲོས་ཆེན་པོ་ཁྱོད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་གཞན
257b7 དག་གིས་སྒྱུ་མ་ལྟ་བུའི་གཞན་གྱི་དབང་དང་། ཀུན་བརྟགས་པའི་རང་བཞིན་ལ་ཐ་དད་པ་དང་། ཐ་དད་པ་མ་ཡིན་པ་དང་། ཡོད་པ་དང་མེད་པར་མངོན་པར་ཞེན་པར་མི་བྱའོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན
257b8 པའི་ཕྱིར་ཚིགས་སུ་བཅད་པ་འདི་དག་གསུངས་སོ། །སེམས་ནི་ཡུལ་གྱིས་ཀུན་དུ་བཅིངས། །རྟོག་པ་རིག་ལས་ཡེ་ཤེས་འཇུག་།སྣང་བ་མེད་དང་ཁྱད་པར་ལས། །ཤེས་རབ་མཉམ་པར་རབ་ཏུ་བསྐྱེད། །བརྟགས་པའི
iiif viewer powered by OpenSeadragon
