| e-texts navigator |
| Wylie |
257a1 འདི་ལྟ་སྟེ། སྨྲ་བར་བྱ་བའི་དངོས་པོ་དེ་དག་ཉིད་སྨིག་རྒྱུ་ལྟ་བུ་ལ་མཚན་ཉིད་སྣ་ཚོགས་སུ་མངོན་པར་ཞེན་པས་མངོན་པར་ཞེན་ཏེ། འདི་ལྟ་སྟེ། སྲ་བ་དང་། གཤེར་བ་དང་། ཚ་བ་དང་། གཡོ་བའི་མཚན་ཉིད་དུ་དངོས་པོ་ཐམས
257a2 ཅད་ལ་རྣམ་པར་རྟོག་པ་དེ་ནི་མཚན་ཉིད་ཀྱི་རྣམ་པར་རྟོག་པ་ཞེས་བྱའོ། །བློ་གྲོས་ཆེན་པོ་ནོར་གྱི་རྣམ་པར་རྟོག་པ་གང་ཞེ་ན། གསེར་དང་། དངུལ་དང་། ནོར་རིན་པོ་ཆེ་རྣམ་པ་སྣ་ཚོགས་ལ་མངོན་པར་ཆགས་པ་དེ་ནི་ནོར་གྱི་རྣམ་པར་རྟོག
257a3 པ་ཞེས་བྱའོ། །བློ་གྲོས་ཆེན་པོ་རང་བཞིན་གྱི་རྣམ་པར་རྟོག་པ་གང་ཞེ་ན། འདི་ལྟ་སྟེ། དངོས་པོའི་ངོ་བོ་ཉིད་དུ་འཛིན་ཅིང་འདི་ནི་འདི་བཞིན་གྱི་གཞན་དུ་མ་ཡིན་ནོ་ཞེས་ལོག་པར་ལྟ་བའི་རྣམ་པར་རྟོག་པ་དང་། ཐ་མི་དད་པ་དེ་ནི་རང
257a4 བཞིན་གྱི་རྣམ་པར་རྟོག་པ་ཞེས་བྱའོ། །བློ་གྲོས་ཆེན་པོ་རྒྱུའི་རྣམ་པར་རྟོག་པ་གང་ཞེ་ན། འདི་ལྟ་སྟེ། རྒྱུ་དང་རྐྱེན་གང་གིས་ཡོད་པ་དང་། མེད་པའི་རྣམ་པར་རྟོག་པའི་རྒྱུའི་མཚན་ཉིད་སྐྱེད་པ་དེ་ནི་རྒྱུའི་རྣམ་པར་རྟོག་པ་ཞེས་བྱའོ
257a5 བློ་གྲོས་ཆེན་པོ་ལྟ་བའི་རྣམ་པར་རྟོག་པ་གང་ཞེ་ན། འདི་ལྟ་སྟེ། ཡོད་པ་དང་། མེད་པ་དང་། གཅིག་པ་དང་། ཐ་དད་པ་དང་། གཉི་ག་དང་། གཉི་ག་མ་ཡིན་པར་ལོག་པར་ལྟ་བའི་མུ་སྟེགས་ཅན་གྱི་རྣམ་པར་རྟོག་པ་ལ་མངོན་པར་ཞེན
257a6 པའི་རྣམ་པར་རྟོག་པ་དེ་ནི་ལྟ་བའི་རྣམ་པར་རྟོག་པ་ཞེས་བྱའོ། །བློ་གྲོས་ཆེན་པོ་རིགས་པའི་རྣམ་པར་རྟོག་པ་གང་ཞེ་ན། འདི་ལྟ་སྟེ། བདག་དང་བདག་གི་མཚན་ཉིད་རིགས་པས་བརྩད་དེ་སྨྲ་བ་ནི་རིགས་པའི་རྣམ་པར་རྟོག་པ་ཞེས
257a7 བྱའོ། །བློ་གྲོས་ཆེན་པོ་སྐྱེ་བར་རྣམ་པར་རྟོག་པ་གང་ཞེ་ན། འདི་ལྟ་སྟེ། རྐྱེན་རྣམས་ཀྱིས་ཡོད་པ་དང་། མེད་པའི་དངོས་པོ་སྐྱེ་བར་མངོན་པར་ཞེན་པ་དེ་ནི་སྐྱེ་བར་རྣམ་པར་རྟོག་པ་ཞེས་བྱའོ། །བློ་གྲོས་ཆེན་པོ་མི་སྐྱེ་བར་རྣམ
257a8 པར་རྟོག་པ་གང་ཞེ་ན། འདི་ལྟ་སྟེ། དངོས་པོ་ཐམས་ཅད་ནི་སྔ་ནས་སྐྱེ་བ་མེད་དེ། ས་བོན་མེད་པ་ལས་རྒྱུ་དང་རྐྱེན་གྱིས་རྒྱུ་མེད་པའི་ལུས་བསྐྱེད་པའོ། །ཞེས་འཛིན་པ་དེ་ནི་མི་སྐྱེ་བར་རྣམ་པར་རྟོག་པ་ཞེས་བྱའོ། །བློ་གྲོས་ཆེན་པོ་འབྲེལ
iiif viewer powered by OpenSeadragon
