| e-texts navigator |
| Wylie |
255a1 ལ་ནི་འབྱུང་བ་ཆེན་པོ་བཞིའི་རྟེན་ཡོད་ཀྱི། འབྱུང་བ་ཆེན་པོ་བཞི་པོ་དག་གི་རྐྱེན་ནི་མ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟ་སྟེ། དངོས་པོ་དང་། དབྱིབས་དང་། མཚན་ཉིད་དང་། གནས་དང་། བྱ་བ་དང་། སྦྱོར་བ་རྣམས་དངོས
255a2 པོ་མེད་པས་འབྱུང་བ་ཆེན་པོ་རྣམས་མི་སྐྱེའོ། །བློ་གྲོས་ཆེན་པོ་དངོས་པོ་དང་། དབྱིབས་དང་། མཚན་ཉིད་དང་། གནས་དང་། བྱ་བ་དང་། སྦྱོར་བ་རྣམས་འདུས་པ་ལས་སྐྱེ་བས། དབྱིབས་མེད་པ་མ་ཡིན་ནོ། །དེ་ལྟ་བས་ན་བློ་གྲོས་ཆེན
255a3 པོ་འབྱུང་བ་ཆེན་པོ་དང་། འབྱུང་བ་ལས་གྱུར་པའི་མཚན་ཉིད་ནི་མུ་སྟེགས་ཅན་རྣམས་ཀྱིས་རྣམ་པར་བརྟགས་པ་ཡིན་གྱི་ངས་ནི་མ་ཡིན་ནོ། །གཞན་ཡང་བློ་གྲོས་ཆེན་པོ་ཕུང་པོ་རྣམས་ཀྱི་རང་གི་ངོ་བོའི་མཚན་ཉིད་རབ་ཏུ་བསྟན་པར
255a4 བྱའོ། །ཕུང་པོ་རྣམས་ཀྱི་རང་གི་ངོ་བོའི་མཚན་ཉིད་ཇི་ལྟ་བུ་ཞེ་ན། འདི་ལྟ་སྟེ། ཕུང་པོ་ལྔ་རྣམས་སོ། །ཕུང་པོ་ལྔ་གང་ཞེ་ན་འདི་ལྟ་སྟེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་སོ། །དེ་ལ
255a5 ཕུང་པོ་བཞི་རྣམས་ནི་གཟུགས་མེད་དེ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་རྣམས་སོ། །བློ་གྲོས་ཆེན་པོ་གཟུགས་ནི་འབྱུང་བ་ཆེན་པོ་བཞི་དང་། འབྱུང་བ་ལས་གྱུར་པ་ཕན་ཚུན་དུ་མི་འཐུན་པའི་མཚན
255a6 ཉིད་དོ། །བློ་གྲོས་ཆེན་པོ་གཟུགས་མེད་པ་ལ་བཞིར་བགྲང་དུ་མེད་དེ། ནམ་མཁའ་བཞིན་ནོ། །དཔེར་ན་ནམ་མཁའ་ནི་གྲངས་ཀྱི་མཚན་ཉིད་ལས་འདས་ཏེ། བགྲང་བ་དང་བྲལ་མོད་ཀྱི། རྣམ་པར་རྟོག་པས་ནམ་མཁའ་ཞེས་བརྗོད
255a7 དོ། །བློ་གྲོས་ཆེན་པོ་དེ་བཞིན་དུ་ཕུང་པོ་རྣམས་ཀྱང་གྲངས་ཀྱི་མཚན་ཉིད་ལས་འདས་ཏེ་བགྲང་བ་དང་བྲལ་བས་དངོས་པོ་དང་། དངོས་པོ་མེད་པ་རྣམ་པར་སྤངས་པ། མཐའ་བཞི་དང་བྲལ་བའོ། །གྲངས་དང་། བགྲང་བའི་མཚན་ཉིད
255a8 ནི་བྱིས་པས་རབ་ཏུ་བརྗོད་པ་ཡིན་གྱི། འཕགས་པ་རྣམས་ཀྱིས་ནི་མ་ཡིན་ནོ། །བློ་གྲོས་ཆེན་པོ་འཕགས་པ་རྣམས་ཀྱིས་ནི་སྒྱུ་མ་ལྟ་བུར་གཟུགས་རྣམ་པ་སྣ་ཚོགས་གཅིག་པ་དང་། ཐ་དད་པ་རྣམ་པར་སྤངས་པར་ཉེ་བར་འདོགས་སོ། །
iiif viewer powered by OpenSeadragon
