| e-texts navigator |
| Wylie |
253a1 ལན་ཅིག་ཕྱིར་འོང་བ་ཞེས་བྱའོ། །བློ་གྲོས་ཆེན་པོ་ཇི་ལྟར་ན་ཕྱིར་མི་འོང་བ་ཡིན་ཞེ་ན། འདི་ལྟ་སྟེ། འདས་པ་དང་། མ་འོངས་པ་དང་། ད་ལྟར་བྱུང་བའི་གཟུགས་ཀྱི་མཚན་ཉིད་ཀྱི་དངོས་པོ་རྣམས་དངོས་པོ་མེད་པ
253a2 དང་། ལྟ་བའི་ཉེས་པ་སྐྱེས་པའི་ཉོན་མོངས་པའི་རྣམ་པར་རྟོག་པ་མི་སྐྱེ་བའི་ཕྱིར་དང་། ཀུན་དུ་སྦྱོར་བ་སྤངས་པའི་ཕྱིར་ཕྱིར་མི་འོང་བ་ཞེས་བྱའོ། །བློ་གྲོས་ཆེན་པོ་དགྲ་བཅོམ་པ་ནི་འདི་ལྟ་སྟེ། བསམ་གཏན་དང་། ཏིང་ངེ་འཛིན
253a3 དང་། རྣམ་པར་ཐར་པ་དང་། སྟོབས་དང་། རིག་པ་དང་། ཉོན་མོངས་པ་དང་། སྡུག་བསྔལ་རྣམ་པར་རྟོག་པའི་དངོས་པོ་མེད་པས་དེའི་ཕྱིར་དགྲ་བཅོམ་པ་ཞེས་བྱའོ། །བློ་གྲོས་ཆེན་པོས་བཅོམ་ལྡན་འདས་ལ་གསོལ་པ།
253a4 བཅོམ་ལྡན་འདས་ཀྱིས་དགྲ་བཅོམ་པ་རྣམ་པ་གསུམ་དུ་བཀའ་སྩལ་ན། འདིར་དགྲ་བཅོམ་པ་གང་དག་ལ་བགྱི་བར་བཀའ་སྩལ། ཅི་བཅོམ་ལྡན་འདས་ཞི་བ་ཕྱོགས་གཅིག་པ་ཐེག་པ་གཅིག་གིས་ལམ་རབ་ཏུ་ཐོབ་པ་འམ།
253a5 འོན་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ཀྱིས་དེ་ལྟར་སྟོན་པའི་དགྲ་བཅོམ་པའམ། དེ་སྟེ་སངས་རྒྱས་ཀྱི་འཕྲུལ་པས་སྤྲུལ་པ་ཞིག་ལགས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན
253a6 པོ་ཞི་བ་ཕྱོགས་གཅིག་པ་ཐེག་པ་གཅིག་གི་ལམ་དུ་ཐོབ་པའི་ཉན་ཐོས་ཡིན་གྱི། གཞན་དག་ནི་མ་ཡིན་ནོ། །གཞན་ནི་བྱང་ཆུབ་སེམས་དཔའི་སྤྱད་པ་སྤྱོད་པ་དང་། སངས་རྒྱས་ཀྱི་འཕྲུལ་པས་སྤྲུལ་པ་རྣམས་ཏེ།
253a7 ཐབས་ལ་མཁས་པ་དང་། སྔོན་གྱི་སྨོན་ལམ་གྱི་དབང་གིས་འཁོར་གྱི་དཀྱིལ་འཁོར་དུ་སྐྱེ་བ་སྟོན་ཏེ། སངས་རྒྱས་འཁོར་གྱི་དཀྱིལ་འཁོར་མཛེས་པར་བྱ་བའི་ཕྱིར་རོ། །བློ་གྲོས་ཆེན་པོ་རྣམ་པར་རྟོག་པ་འཇུག་པའི
253a8 གནས་སུ་རྣམ་པ་སྣ་ཚོགས་ཀྱི་ཆོས་བསྟན་པ་ནི་འདི་ལྟ་སྟེ། འབྲས་བུ་འཐོབ་པར་བྱ་བ་དང་། བསམ་གཏན་འཐོབ་པར་བྱ་བའོ། །དེ་ལ་བསམ་གཏན་ནི་བསམ་གཏན་ལ་ཞུགས་པ་ན། རབ་ཏུ་དབེན་པའི་ཕྱིར་དང་།
iiif viewer powered by OpenSeadragon
