| e-texts navigator |
| Wylie |
252b1 དང་། བདེ་བ་འདོད་པའི་ཕྱིར་སྐྱེ་བ་གཉེར་བར་བྱེད་དོ། །དེ་དེ་ལྟར་མི་སྙེམས་པ་ཡང་གཞན་དུ་ན་འདི་ལྟར་ཡོངས་སུ་སྔོ་བར་བྱེད་དེ། སོ་སོ་རང་གིས་རིག་པའི་ཁྱད་པར་རྣམ་པར་རྟོག་པ་དང་བྲལ་བ་ཟག་པ་མེད་པའི་ཆོས་ཀྱི་མཚན་ཉིད
252b2 ལ་རབ་ཏུ་སྦྱོར་བའི་ཕྱིར་ཚུལ་ཁྲིམས་ཀྱི་ཡན་ལག་ཡང་དག་པར་ལེན་ཅིང་སྲུང་བར་བྱེད་དི། འདི་ནི་རྒྱུན་དུ་ཞུགས་པའི་ཚུལ་ཁྲིམས་དང་། བརྟུལ་ཞུགས་སྤངས་པའི་མཚན་ཉིད་ཡིན་ནོ། །རྒྱུན་དུ་ཞུགས་པས་ཀུན་དུ་སྦྱོར་བ
252b3 གསུམ་སྤངས་པ་ལ་ནི་འདོད་ཆགས་དང་། གཏི་མུག་མི་འབྱུང་སྟེ། གལ་ཏེ་རྒྱུན་དུ་ཞུགས་པ་འདི་སྙམ་དུ་ཀུན་དུ་སྦྱོར་བ་འདི་རྣམས་ནི་བདག་ལ་མངོན་པར་མ་གྲུབ་བོ་སྙམ་དུ་སེམས་ནི་ཉེས་པ་རྣམས་གཉིས་ཡོད་པར་འགྱུར
252b4 ཏེ། འཇིག་ཚོགས་ལ་ལྟ་བར་སོང་བ་དང་། ཀུན་དུ་སྦྱོར་བ་རྣམས་མ་སྤོངས་པའོ། །བློ་གྲོས་ཆེན་པོས་བཅོམ་ལྡན་འདས་ལ་གསོལ་པ། བཅོམ་ལྡན་འདས་ཀྱིས་ནི་འདོད་ཆགས་ཀྱི་རྣམ་པ་མང་དུ་གསུངས་ན། དེས་འདོད
252b5 ཆགས་གང་ཞིག་སྤངས་ལགས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་བུད་མེད་ལ་སྲེད་ཅིང་འདོད་པ་དང་། མངོན་པར་ཆགས་ཤིང་ཞེན་པའི་ཐབས་རྣམ་པ་སྣ་ཚོགས་ལས་བྱུང་བ། ལུས་དང་ངག་གི
252b6 ལས་ཁ་ན་མ་ཐོ་བ་དང་བཅས་པ་དེས་ད་ལྟར་གྱི་བདེ་བ་ལ་སྲེད་ཅིང་མ་འོངས་པ་ན་སྡུག་བསྔལ་སྐྱེ་བར་འགྱུར་བ་དེ་དག་དེ་ལ་མི་འབྱུང་ངོ་། །དེ་ཅིའི་ཕྱིར་ཞེ་ན། ཏིང་ངེ་འཛིན་གྱི་བདེ་བ་ལ་གནས་པ་ཐོབ་པས་དེའི་ཕྱིར་དེ་སྤངས་པ་ཡིན
252b7 ཏེ། མྱ་ངན་ལས་འདས་པ་རྟོགས་པར་བྱ་བའི་འདོད་ཆགས་སྤངས་པ་ནི་མ་ཡིན་ནོ། །བློ་གྲོས་ཆེན་པོ་ལན་ཅིག་ཕྱིར་འོང་བའི་མཚན་ཉིད་གང་ཞེ་ན། འདི་ལྟ་སྟེ། གཟུགས་ཀྱི་མཚན་ཉིད་ཅིག་སྣང་ཞིང་རྣམ་པར་རྟོག་པ་སྐྱེ་བའི
252b8 མཚན་ཉིད་དུ་མཐོང་བའི་མཚན་ཉིད་མི་སྐྱེ་བ་དང་། བསམ་གཏན་གྱི་མཚན་ཉིད་རབ་ཏུ་མཐོང་བའི་ཕྱིར་འཇིག་རྟེན་འདིར་འོངས་ནས་ཅིག་ཅར་སྡུག་བསྔལ་མཐར་བྱས་ཏེ་མྱ་ངན་ལས་འདས་པ་འཐོབ་པར་བྱེད་པས་དེའི་ཕྱིར
iiif viewer powered by OpenSeadragon
