| e-texts navigator |
| Wylie |
249b1 སྤང་བའི་ཕྱིར་ཏེ། བྱིས་པ་སོ་སོའི་སྐྱེ་བོ་ལྟ་བ་ངན་པའི་མཚན་ཉིད་དུ་ལྷུང་བའི་བསམ་པ་ཅན་རང་གི་སེམས་སྣང་བའ་ཙམ་དུ་མ་གཏོགས་པས། རྒྱུ་དང་རྐྱེན་དང་བྱེད་པའི་རང་གི་མཚན་ཉིད་དུ་མངོན་པར་ཞེན་པ་རྣམས
249b2 རྣམ་པར་གཞག་པའི་ཕྱིར་ཆོས་ཐམས་ཅད་སྒྱུ་མ་དང་རྨི་ལམ་གྱི་རང་བཞིན་དང་མཚན་ཉིད་དུ་བསྟན་ཏོ། །ཅི་ནས་ཀྱང་བྱིས་པ་སོ་སོའི་སྐྱེ་བོ་ལྟ་བ་ངན་པའི་བསམ་པ་ཅན། བདག་དང་གཞན་དང་། ཆོས་ཐམས་ཅད་ལ་མངོན
249b3 པར་ཞེན་པ། ཡང་དག་པ་ཇི་ལྟ་བ་བཞིན་གྱི་གནས་སུ་མཐོང་བ་དག་ལོག་པར་སྨྲ་བར་མི་བྱ་བའི་ཕྱིར་ཏེ། བློ་གྲོས་ཆེན་པོ་ཆོས་ཐམས་ཅད་ཀྱི་ཡང་དག་པར་གནས་པ་ཇི་ལྟ་བ་བཞིན་དུ་མཐོང་བ་ནི་འདི་ལྟ་སྟེ། རང་གི
249b4 སེམས་སྣང་བ་ཙམ་ལས་འདས་པའོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་བསྟན་པའི་ཕྱིར་ཚིགས་སུ་བཅད་པ་འདི་གསུངས་སོ། །སྐྱེ་མེད་བྱེད་པ་དངོས་མ་ཡིན། །དངོས་པོས་འཁོར་བ་ཀུན་སྡུད་དེ། །སྒྱུ་མ
249b5 ལ་སོགས་འདྲ་མཐོང་ན། །མཚན་ཉིད་ལ་ནི་རྣམ་མི་རྟོག་།གཞན་ཡང་བློ་གྲོས་ཆེན་པོ་མིང་དང་། ཚིག་དང་། ཡི་གེའི་ཚོགས་ཀྱི་མཚན་ཉིད་དུ་རབ་ཏུ་བཤད་པར་བྱ་སྟེ། མིང་དང་། ཚིག་དང་། ཡི་གེའི་ཚོགས་རབ་ཏུ་རྟོགས
249b6 པའི་བྱང་ཆུབ་སེམས་དཔའ་སེམས་དཔའ་ཆེན་པོ་གང་གིས་དོན་དང་། ཚིག་དང་། ཡི་གེའི་ཚོགས་ཀྱི་རྗེས་སུ་ཞུགས་པ་ནི་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་སྟེ། མངོན
249b7 པར་རྫོགས་པར་སངས་རྒྱས་ནས་སེམས་ཅན་ཐམས་ཅད་ཀྱང་དེ་བཞིན་དུ་ཁོང་དུ་ཆུད་པར་བྱེད་དོ། །བློ་གྲོས་ཆེན་པོ་དེ་ལ་མིང་གི་ཚོགས་ཤེས་བྱ་བ་ནི་འདི་ལྟ་སྟེ། དངོས་པོ་གང་ལ་བརྟེན་ནས་མིང་དུ་གདགས་པ་ནི་མིང
249b8 གི་ཚོགས་ཤེས་བྱའོ། །བློ་གྲོས་ཆེན་པོ་ཚིག་གི་ཚོགས་ནི་འདི་ལྟ་སྟེ། ཚིག་གང་དོན་གྱི་ཚོགས་དང་ལྡན་པ་དང་། རང་གི་ངོ་བོ་ཉིད་གདོན་མི་ཟ་བ་དང་། མཐར་ཐུག་པ་དེ་ནི་ཚིགས་གིས་ཚོགས་ཤེས་བྱའོ། །བློ་གྲོས་ཆེན་པོ
iiif viewer powered by OpenSeadragon
