| e-texts navigator |
| Wylie |
244b1 གྱི་བརླབས་སོ། །དེ་ལ་བློ་གྲོས་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་བྱང་ཆུབ་སེམས་དཔའི་ས་དང་པོ་ལ་སངས་རྒྱས་ཀྱི་བྱིན་གྱི་བརླབས་ལ་རབ་ཏུ་གནས་ཏེ། འདི་ལྟར་བྱང་ཆུབ་སེམས་དཔའ་ཐེག་པ་ཆེན་པོ་རབ
244b2 ཏུ་སྣང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་འཇུག་ཅིང་། ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་ཕྱོགས་བཅུའི་འཇིག་རྟེན་ན་བཞུགས་པའི་སངས་རྒྱས་རྣམས་ཀྱི་བྱིན་གྱི་བརླབས་ཀྱི་མཐུས་ཀུན་དུ་སྐུ་དང་། ཞལ་དང་།
244b3 གསུང་ཐམས་ཅད་རབ་ཏུ་སྟོན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོ་དང་། ཡོན་ཏན་དེ་ལྟ་བུའི་མཚན་ཉིད་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་གཞན་དག་ལ་ཇི་ལྟ་བ་བཞིན་ནོ། །བློ་གྲོས
244b4 ཆེན་པོ་འདི་ནི་བྱང་ཆུབ་སེམས་དཔའི་ས་དང་པོ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དག་ཏིང་ངེ་འཛིན་ལ་སྙོམས་པར་འཇུག་པར་བྱིན་གྱིས་བརླབས་པ་རབ་ཏུ་ཐོབ་པ་ཞེས་བྱ་སྟེ། བསྐལ་པ་བརྒྱ་སྟོང་དུ་དགེ་བའི་རྩ་བ
244b5 བསགས་པ་ལས་མངོན་པར་གྲུབ་པའོ། །རིམ་གྱིས་ས་རྣམས་ཀྱིས་གཉེན་པོ་དང་མི་མཐུན་པའི་ཕྱོགས་ཀྱི་མཚན་ཉིད་རྟོགས་པར་ཁོང་དུ་ཆུད་པས་ས་ཆོས་ཀྱི་སྤྲིན་ལ་འཇུག་སྟེ། པད་མ་ཆེན་པོའི་གཞལ་མེད་ཁང་ཁྱད་པར
244b6 ཅན་ན་གནས་ཤིང་པད་མ་ཆེན་པོ་རིན་པོ་ཆེའི་སེང་གེའི་སྟན་ལ་འདུག་ནས། སྐལ་བ་མཉམ་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་འཁོར་གྱིས་ཡོངས་སུ་བསྐོར་བ་ལ་རིན་པོ་ཆེ་སྣ་ཚོགས་ཀྱི་ཕྲེང་བས་ལུས་རབ
244b7 ཏུ་བརྒྱན་པས་གསེར་བཙོ་མ་དང་། མེ་ཏོག་ཙམ་པ་ཀ་དང་། ཉི་མ་དང་། ཟླ་བའི་འོད་ཟེར་ཇི་ལྟ་བ་བཞིན་ནོ། །ཕྱོགས་བཅུ་ནས་གཤེགས་པའི་རྒྱལ་བ་རྣམས་པད་མ་ཆེན་པོའི་གཞལ་མེད་ཁང་ན་སྟན་ལ་འདུག་པ་དེ་ལ་སྤྱི་བོ་ནས་དབང
244b8 བསྐུར་བར་མཛད་དེ། ཇི་ལྟར་དབང་ཕྱུག་དང་། འཁོར་ལོས་སྒྱུར་བའི་རྒྱལ་པོ་དང་། ལྷའི་དབང་པོའི་བུ་བཞིན་དུ་སྤྱི་བོར་དབང་བསྐུར་བ་མཛད་པས་འདི་ནི་བྱང་ཆུབ་སེམས་དཔའ་རྣམས་ཀྱི་ཕྱག་གིས་དབང་བསྐུར་བའི་བྱིན་གྱི་བརླབས
iiif viewer powered by OpenSeadragon
