| e-texts navigator |
| Wylie |
244a1 མི་འཇིག་མི་འཆི་སྟེ། གལ་ཏེ་མྱ་ངན་ལས་འདས་པ་འཆི་བ་ཞིག་ཡིན་ན་ནི་ཡང་སྐྱེ་བའི་རྒྱུན་ལེན་པར་འགྱུར་རོ། །ཅི་སྟེ་འཇིག་པ་ཞིག་ཡིན་ན་ནི་འདུས་བྱས་ཀྱི་མཚན་ཉིད་དུ་ལྟུང་བར་འགྱུར་ཏེ། དེའི་ཕྱིར་མྱ་ངན
244a2 ལས་འདས་པ་ནི་འཇིག་པ་དང་འཆི་བ་དང་། བྲལ་བས་ན་རྣལ་འབྱོར་པ་རྣམས་སྐབས་སུ་འགྲོ་བ་ཡིན་ནོ། །གཞན་ཡང་བློ་གྲོས་ཆེན་པོ་མྱ་ངན་ལས་འདས་པ་ནི་སྤངས་པ་མ་ཡིན་པ་དང་། ཐོབ་པ་མ་ཡིན་པ་དང་། ཆད་པ་མ་ཡིན་པ་དང་།
244a3 རྟག་པ་མ་ཡིན་པ་དང་། དོན་གཅིག་པ་མ་ཡིན་པ་དང་། དོན་སྣ་ཚོགས་མ་ཡིན་པ་ནི་མྱ་ངན་ལས་འདས་པ་ཞེས་བྱའོ། །གཞན་ཡང་བློ་གྲོས་ཆེན་པོ་ཉན་ཐོས་དང་། རང་སངས་རྒྱས་ཀྱི་མྱ་ངན་ལས་འདས་པ་ནི་རང་དང་སྤྱིའི་མཚན་ཉིད
244a4 ཁོང་དུ་ཆུད་པ་དང་། ཡུལ་གྱི་འདུ་འཛི་མེད་པ་དང་། ཕྱིན་ཅི་ལོག་པར་མཐོང་བས་རྣམ་པར་རྟོག་པ་མི་སྐྱེ་བ་སྟེ། དེ་དག་གིས་དེ་ལ་མྱ་ངན་ལས་འདས་པའི་བློར་འགྱུར་རོ། །གཞན་ཡང་བློ་གྲོས་ཆེན་པོ་རང་བཞིན་གྱི་མཚན་ཉིད་ནི་རྣམ་པ
244a5 གཉིས་ཏེ། གཉིས་གང་ཞེ་ན། འདི་ལྟ་སྟེ། བརྗོད་པའི་རང་བཞིན་གྱི་མཚན་ཉིད་ལ་མངོན་པར་ཞེན་པ་དང་། དངོས་པོའི་རང་བཞིན་གྱི་མཚན་ཉིད་ལ་མངོན་པར་ཞེན་པའོ། །དེ་ལ་བརྗོད་པའི་རང་བཞིན་གྱི་མཚན་ཉིད་ལ་མངོན་པར་ཞེན་པ
244a6 ནི་ཐོག་མ་མེད་པའི་དུས་ཀྱི་ཚིག་ཏུ་སྤྲོས་པའི་བག་ཆགས་ལ་མངོན་པར་ཞེན་པ་ལས་བྱུང་ངོ་། །དངོས་པོའི་རང་བཞིན་གྱི་མཚན་ཉིད་ལ་མངོན་པར་ཞེན་པ་ནི་རང་གི་སེམས་སྣང་བ་ཙམ་དུ་ཁོང་དུ་མ་ཆུད་པ་ལས་འབྱུང་ངོ་། །གཞན་ཡང
244a7 བ་ལོ་གྲོས་ཆེན་པོ་དེ་བཞིན་གཤེགས་པ་རྣམས་ནི་བྱིན་གྱི་བརླབས་རྣམ་པ་གཉིས་རྣམ་པར་གཞག་པས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སངས་རྒྱས་རྣམས་ཀྱི་ཞབས་ལ་མགོ་བོས་གཏུག་ཅིང་དྲི་བ་ཡོངས་སུ
244a8 འདྲིའོ། །བྱིན་གྱི་བརླབས་རྣམ་པ་གཉིས་རྣམ་པར་གཞག་པ་གང་ཞེ་ན། འདི་ལྟ་སྟེ། ཏིང་ངེ་འཛིན་ལ་སྙོམས་པར་འཇུག་པ་དང་། སྐུ་དང་། ཞལ་དང་། གསུང་ཐམས་ཅད་རབ་ཏུ་སྟོན་པའི་བྱིན་གྱི་བརླབས་དང་། ཕྱག་གིས་དབང་བསྐུར་བའི་བྱིན
iiif viewer powered by OpenSeadragon
