| e-texts navigator |
| Wylie |
241b1 རང་གི་སེམས་སྣང་བ་ཙམ་དུ་ཁོང་དུ་མི་ཆུད་དོ། །དཔེར་ན་མེ་ལོང་རབ་ཏུ་ཕྱིས་པའི་ནང་དུ་རྐྱེན་ཇི་ལྟ་བ་བཞིན་དུ་རྣམ་པར་རྟོག་པ་མེད་པར་གཟུགས་བརྙན་ཐམས་ཅད་སྣང་སྟེ། དེ་དག་ནི་གཟུགས་ཀྱང་མ་ཡིན། གཟུགས
241b2 མ་ཡིན་པ་ཡང་མ་ཡིན་ཡང་གཟུགས་དང་གཟུགས་མ་ཡིན་པར་མཐོང་བར་རྣམ་པར་རྟོག་པའི་བྱིས་པ་རྣམས་གཟུགས་ཀྱི་འདུ་ཤེས་སུ་བྱེད་དོ། །དེ་བཞིན་དུ་མུ་སྟེགས་ཅན་ལྟ་བ་ངན་པ་པ་རང་གི་སེམས་སྣང་བའི་གཟུགས
241b3 ལ་རྣམ་པར་རྟོག་པས་མངོན་པར་ཞེན་པ་རྣམས་ཀྱང་གཅིག་པ་དང་། ཐ་དད་པ་དང་། གཉི་ག་དང་། གཉི་ག་མ་ཡིན་པ་དང་། ཡོད་པ་དང་། མེད་པ་དང་། ཡོད་པ་ཡང་མ་ཡིན་མེད་པ་ཡང་མ་ཡིན་རྟག་པ་དང་། མི་རྟག་པར་ལྟ་བ་ལ
241b4 རབ་ཏུ་རྟེན་ཏོ། །དཔེར་ན་རླུང་དང་འབབ་ཆུ་ཕྲད་པ་ལས་སྒྲ་འབྱུང་ཡང་དེ་ནི་དངོས་པོ་ཡང་མ་ཡིན། དངོས་པོ་མ་ཡིན་པ་ཡང་མ་ཡིན་ནོ། །དེ་བཞིན་དུ་མུ་སྟེགས་ཅན་གྱི་ལྟ་བ་ངན་པའི་རྟོག་གེ་པ་རྣམས་ཀྱང
241b5 གཅིག་པ་དང་། ཐ་དད་པ་དང་། གཉི་ག་དང་། གཉི་ག་མ་ཡིན་པ་དང་། ཡོད་པ་དང་། མེད་པ་དང་། ཡོད་པ་ཡང་མ་ཡིན། མེད་པ་ཡང་མ་ཡིན་པ་དང་། རྟག་པ་དང་། མི་རྟག་པར་ལྟ་བ་ལ་རབ་ཏུ་རྟེན་ཏོ། །དཔེར་ན་རྩཝ་དང་། ཤིང་མེད
241b6 པའི་ས་ཕྱོགས་ཆེན་པོར་ཉི་མ་ཤིན་དུ་ཚ་བའི་འོད་ཀྱིས་སྨིག་རྒྱུའི་དབའ་རླབས་རབ་ཏུ་གཡོ་ཡང་དེ་ནི་དངོས་པོ་ཡང་མ་ཡིན། དངོས་པོ་མེད་པ་ཡང་མ་ཡིན་ཏེ། ཆགས་པ་དང་། ཆགས་པ་མེད་པའི་ཕྱིར་རོ། །དེ་བཞིན་དུ
241b7 བྱིས་པ་སོ་སོའི་སྐྱེ་བོ་ཐོག་མ་མེད་པའི་དུས་ཀྱིས་རྣམ་པར་སྤྲོས་པའི་བག་ཆགས་ཀྱིས་བསྒོས་པ། རྣམ་པར་རྟོག་པས་སྐྱེ་བ་དང་། གནས་པ་དང་། འཇིག་པ་ལ་མངོན་པར་ཞེན་པ་རྣམས་ཀྱང་གཅིག་པ་དང་།
241b8 ཐ་དད་པ་དང་། གཉི་ག་དང་གཉི་ག་མ་ཡིན་པ་དང་། ཡོད་པ་དང་། མེད་པ་དང་། ཡོད་པ་ཡང་མ་ཡིན། མེད་པ་ཡང་མ་ཡིན་པ་དང་། རྟག་པ་དང་། མི་རྟག་པ་ལ་རབ་ཏུ་རྟེན་པས་སོ་སོ་རང་གིས་རིག་ནས་པར་བྱ་བའི་དངོས་པོའི
iiif viewer powered by OpenSeadragon
