| e-texts navigator |
| Wylie |
233a1 ཐམས་ཅད་ནི་གྲིབ་མ་དང་། ཚ་བ་དང་། རིང་པོ་དང་། ཐུང་ངུ་དང་། ནག་པོ་དང་། དཀར་པོ་ལྟ་བུ་དག་སྟེ། བློ་གྲོས་ཆེན་པོ་ཆོས་ཐམས་ཅད་ནི་གཉིས་སུ་མེད་པས་མྱ་ངན་ལས་འདས་པ་ལས་གཞན་མ་ཡིན་ལ། འཁོར
233a2 བ་ལས་ཀྱང་མྱ་ངན་ལས་འདས་པ་གཞན་མ་ཡིན་ན་ཐ་དད་པའི་མཚན་ཉིད་ཀྱི་རྒྱུས་དངོས་པོ་ཡོད་པའི་ཕྱིར་གཉིས་སུ་མེད་པ་ཞེས་བྱ་སྟེ། མྱ་ངན་ལས་འདས་པ་དང་། འཁོར་བ་ཇི་ལྟ་བར་ཆོས་ཐམས་ཅད་ཀྱང་དེ་བཞིན
233a3 ནོ། །དེ་བས་ན་སྟོང་པ་ཉིད་དང་། སྐྱེ་བ་མེད་པ་དང་། གཉིས་སུ་མེད་པ་དང་། རང་བཞིན་དང་བྲལ་བའི་མཚན་ཉིད་ལ་རབ་ཏུ་བརྩོན་པར་བྱའོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད
233a4 པ་འདི་དག་གསུངས་སོ། །ངས་ནི་རྟག་ཏུ་སྟོང་ཉིད་ཆོས། །རྟག་ཆད་ཡོངས་སྤངས་འཁོར་བ་ནི། །སྒྱུ་མ་རྨི་ལམ་འདྲར་བཤད་ཀྱང་། །ལས་ནི་འཇིག་པར་མི་འགྱུར་རོ། །ནམ་མཁའ་མྱ་ངན་འདས་པ་དང་། །འགོག
233a5 པ་གཉིས་ཀྱང་དེ་བཞིན་ཏེ། །བྱིས་པ་དག་གིས་རྣམ་པར་བརྟགས། །འཕགས་པ་རྣམས་ནི་ཡོད་མེད་སྤོངས། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་ཆེན་པོ་ལ་བཀའ
233a6 སྩལ་པ། བློ་གྲོས་ཆེན་པོ་སྟོང་པ་ཉིད་དང་། སྐྱེ་བ་མེད་པ་དང་། གཉིས་སུ་མེད་པ་དང་། རང་བཞིན་དང་བྲལ་བའི་མཚན་ཉིད་ནི་སངས་རྒྱས་རྣམས་ཀྱི་མདོ་སྡེ་ཐམས་ཅད་ཀྱི་ནང་དུ་འཇུག་སྟེ། མདོ་སྡེ་གང་དུ་ཡང་དོན་འདི་དག
233a7 སྟོན་ཏོ། །མདོ་སྡེ་རྣམས་ནི་སེམས་ཅན་གྱིས་བསམ་པ་བཞིན་དུ་རྣམ་པར་ཕྱེ་སྟེ། དོན་རབ་ཏུ་བསྟན་པའི་ཕྱིར་དེ་ཁོ་ན་ཉིད་ནི་བརྗོད་པ་ལ་ཡོད་པ་མ་ཡིན་ནོ། །དཔེར་ན་རི་དགས་སྐོམ་པའི་རྣམ་པར་རྟོག་པས་སྨིག་རྒྱུ་རི
233a8 དགས་སླུ་བར་བྱེད་པ་དེའི་མཚན་ཉིད་ལ་ཆུའི་དངོས་པོར་མངོན་པར་ཞེན་པར་བྱེད་ཀྱང་དེ་ལ་ཆུ་མེད་དོ། །དེ་བཞིན་དུ་མདོ་སྡེ་ཐམས་ཅད་ལས་ཆོས་རྣམས་བསྟན་པ་ཡང་བྱིས་པ་སོ་སོའི་སྐྱེ་བོ་རྣམས་མགུ་བ་རབ་ཏུ་བསྐྱེད
iiif viewer powered by OpenSeadragon
