| e-texts navigator |
| Wylie |
229a1 སྤྱོད་ཡུལ་ཡིན་ཏེ། དེ་ལ་ཁྱོད་དང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་བསླབ་པར་བྱའོ། །གཞན་ཡང་བློ་གྲོས་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོས་བདག་མེད་པ
229a2 གཉིས་ཀྱི་མཚན་ཉིད་རབ་ཏུ་དབྱེ་བ་ལ་མཁས་པར་བྱའོ། །དེ་ལ་བདག་མེད་པ་གཉིས་ཀྱི་མཚན་ཉིད་གང་ཞེ་ན། འདི་ལྟ་སྟེ། གང་ཟག་ལ་བདག་མེད་པ་དང་། ཆོས་ལ་བདག་མེད་པའོ། །གང་ཟག་ལ་བདག་མེད་པ
229a3 གང་ཞེ་ན། འདི་ལྟ་སྟེ། བདག་དང་བདག་གི་དང་བྲལ་བ། ཕུང་པོ་དང་། ཁམས་དང་། སྐྱེ་མཆེད་འདུས་པ་མི་ཤེས་པ་དང་། ལས་དང་སྲེད་པ་ལས་སྐྱེས་པ། མིང་དང་གཟུགས་ལ་སོགས་པར་འཛིན་པ་ལ་མངོན
229a4 པར་ཞེན་པ་ལས་རྣམ་པར་ཤེས་པ་སྐྱེ་བ། འདི་ལྟར་དབང་པོ་ཐམས་ཅད་དང་། རང་གི་སེམས་སྣང་བའི་སྣོད་དང་། ལུས་དང་། གཞི་ནི་རང་གི་རྣམ་པར་རྟོག་པས་བརྟགས་པས་རབ་ཏུ་ཕྱེ་བ། འབབ་ཆུ་དང་། ས་བོན
229a5 དང་། མར་མེ་དང་། རླུང་དང་། སྤྲིན་དང་མཚུངས་པར་སྐད་ཅིག་མ་གཅིག་ནས་གཅིག་ཏུ་འཇིག་པར་འགྱུར་བ། སྤྲེའུ་ལྟར་རབ་ཏུ་གཡོ་བ། སྦྲང་མ་ལྟར་མི་གཙང་བའི་གནས་ལ་རབ་ཏུ་མོས་པ། རབ་ཏུ་འབར
229a6 བའི་མེ་ལྟར་ཆོག་མི་ཤེས་པ། ཐོག་མ་མེད་པའི་དུས་ནས་སྤྲོས་པའི་གནས་ངན་ལེན་གྱི་བག་ཆགས་རྒྱུར་གྱུར་པ། ཟོ་ཆུན་གྱི་འཁོར་ལོ་ལྟར་འཁོར་བར་འགྲོ་བའི་སྲིད་པའི་འཁོར་ལོར་གྱུར་པ། ལུས་རྣམ་པ་སྣ་ཚོགས
229a7 ཀྱི་གཟུགས་འཆང་བ། སྒྱུ་མ་དང་། རིག་སྔགས་དང་། འཁྲུལ་འཁོར་ལྟ་བུར་འཇུག་ཅིང་འབྱུང་སྟེ། གང་མཚན་ཉིད་འདི་ལ་མཁས་པའི་ཤེས་པ་དེ་ནི་གང་ཟག་ལ་བདག་མེད་པར་ཤེས་པ་ཞེས་བྱའོ། །
229a8 དེ་ལ་ཆོས་བདག་མེད་པར་ཤེས་པ་གང་ཞེ་ན། འདི་ལྟ་སྟེ། ཕུང་པོ་དང་། ཁམས་དང་། སྐྱེ་མཆེད་རྣམས་ཀྱི་ཀུན་བརྟགས་པའི་མཚན་ཉིད་ཀྱིས་རང་བཞིན་ཚོགས་པ་སྟེ། ཇི་ལྟར་ཕུང་པོ་དང་། ཁམས
iiif viewer powered by OpenSeadragon
