| e-texts navigator |
| Wylie |
224a1 བ་དང་། སྟོང་པ་དང་། བདག་མེད་པའི་ལུས་ཀྱི་ཡང་དག་པའི་བདེན་པ་དང་། འདོད་པ་སྤངས་ཤིང་རབ་ཏུ་དབེན་པ་དང་། ཕུང་པོ་དང་། ཁམས་དང་། སྐྱེ་མཆེད་རྣམས་གཏན་དུ་ཞི་བ་དང་། རང་དང་སྤྱིའི་མཚན
224a2 ཉིད་ལ་འཇུག་ཅིང་ཕྱི་རོལ་གྱིས་མི་འཇིགས་པའི་མཚན་ཉིད་དང་། ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་ནས། སེམས་རབ་ཏུ་ཞི་བ་འཐོབ་བོ། །སེམས་རབ་ཏུ་ཞི་བར་གྱུར་ནས་བསམ་གཏན་དང་། རྣམ་པར་ཐར་པ
224a3 དང་། ཏིང་ངེ་འཛིན་དང་། ལམ་དང་། འབྲས་བུ་དང་། སྙོམས་པར་འཇུག་པ་དང་། རྣམ་པར་གྲོལ་བ་དང་། བག་ཆགས་དང་། བསམ་གྱིས་མི་ཁྱབ་པའི་རྣམ་པར་འགྱུར་བའི་ཤི་འཕོ་དང་མ་བྲལ་བ། འཕགས་པ་སོ་སོ
224a4 རང་གིས་རིག་པའི་བདེ་བ་ལ་གནས་པ་ཐོབ་པའི་ཉན་ཐོས་དེ་ནི་འཕགས་པ་སོ་སོ་རང་གིས་རིག་པའི་ཁྱད་པར་གྱི་མཚན་ཉིད་ཐོབ་པའི་ཉན་ཐོས་ཤེས་བྱའོ། །བློ་གྲོས་ཆེན་པོ་འཕགས་པ་སོ་སོ་རང་གིས་རིག་པའི་ཁྱད
224a5 པར་གྱི་བདེ་བ་ལ་གནས་པ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་འགོག་པའི་སྒོའི་བདེ་བ་དང་། མཉམ་པར་བཞག་པའི་བདེ་བ་ལ་གནས་པར་མི་བྱེད་དེ། སེམས་ཅན་ལ་སྙིང་བརྩེ་བར
224a6 བལྟ་བ་དང་། སྔོན་གྱི་སྨོན་ལམ་གྱིས་མངོན་དུ་མི་བྱེད་དོ། །བློ་གྲོས་ཆེན་པོ་འདི་ནི་ཉན་ཐོས་ཀྱི་འཕགས་པ་སོ་སོ་རང་གིས་རིག་པའི་ཁྱད་པར་གྱི་མཚན་ཉིད་ཀྱི་བདེ་བ་ཐོབ་པ་ཞེས་བྱ་སྟེ། བྱང་ཆུབ་སེམས་དཔའ
224a7 སེམས་དཔའ་ཆེན་པོས། དེ་དག་གིས་ཐོབ་པའི་འཕགས་པ་སོ་སོ་རང་གིས་རིག་པའི་ཁྱད་པར་གྱིས་མཚན་ཉིད་ཀྱི་བདེ་བ་ལ་བསླབ་པར་མི་བྱའོ། །བློ་གྲོས་ཆེན་པོ་དངོས་པོར་རྣམ་པར་རྟོག་པའི་རང་བཞིན་ལ་མངོན
224a8 པར་ཞེན་པའི་མཚན་ཉིད་ཀྱི་ཉན་ཐོས་གང་ཞེ་ན། འདི་ལྟ་སྟེ། འབྱུང་བ་ཆེན་པོ་དང་། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། སྲ་བ་དང་། གཤེར་བ་དང་། དྲོ་བ་དང་། གཡོ་བ་རྣམས་བྱེད་པ་མེད་པར་སྐྱེ་བ་དང་།
iiif viewer powered by OpenSeadragon
