| e-texts navigator |
| Wylie |
223b1 ཀྱི་རང་བཞིན་གྱི་མཚན་ཉིད་དང་བྲལ་བ་རང་གིས་རིག་པ་འཕགས་པས་དམིགས་པར་བྱ་བའི་སྤྱོད་ཡུལ་རྣམ་པར་གཞོག་གོ། །བློ་གྲོས་ཆེན་པོ་སྤྲུལ་པས་སྤྲུལ་པའི་སངས་རྒྱས་ནི་སྦྱིན་པ་དང་། ཚུལ་ཁྲིམས་དང་། བཟོད
223b2 པ་དང་། བརྩོན་འགྲུས་དང་། བསམ་གཏན་དང་། སེམས་དང་། ཡེ་ཤེས་དང་། ཤེས་རབ་དང་། ཕུང་པོ་དང་། ཁམས་དང་། སྐྱེ་མཆེད་དང་། བྲལ་བ་དང་། རྣམ་པར་ཐར་པ་དང་། རྣམ་པར་ཤེས་པའི་མཚན་ཉིད་དང་། རྣམ
223b3 པར་འབྱེད་ཅིང་སོ་སོར་རབ་ཏུ་རྟོགས་པ་རྣམ་པར་གཞག་པ་དང་། མུ་སྟེགས་ཅན་གྱི་ལྟ་བ་དང་། གཟུགས་མེད་པའི་ལྟ་བ་ལས་ཤིན་ཏུ་འདས་པའི་མཚན་ཉིད་སྟོན་ཏོ། །བློ་གྲོས་ཆེན་པོ་གཞན་ཡང་ཆོས་ཉིད་ཀྱི་སངས
223b4 རྒྱས་ནི་དམིགས་པ་མེད་ཅིང་དམིགས་པ་དང་བྲལ་བ། བྱ་བ་དང་། དབང་པོ་དང་། ཚད་མའི་མཚན་ཉིད་ཐམས་ཅད་ལས་རྣམ་པར་ལྡོག་པ། བྱིས་པ་སོ་སོའི་སྐྱེ་བོ་དང་། ཉན་ཐོས་དང་། རང་སངས་རྒྱས
223b5 དང་། མུ་སྟེགས་ཅན་དག་གིས་མཚན་ཉིད་ལ་མངོན་པར་ཞེན་པ་དང་། མངོན་པར་ཆགས་པ་རྣམས་ཀྱི་སྤྱོད་ཡུལ་མ་ཡིན་པ། འཕགས་པ་རང་གིས་རིག་པའི་སྤྱོད་ཡུལ་གྱི་མཚན་ཉིད་ཀྱིས་རྣམ་པར་གཞག
223b6 པ་སྟོན་ཏོ། །དེ་ལྟ་བས་ན་བློ་གྲོས་ཆེན་པོ་འཕགས་པ་སོ་སོ་རང་གིས་རིག་པའི་ཁྱད་པར་གྱི་མཚན་ཉིད་རབ་ཏུ་བརྩོན་པར་བྱ་ཞིང་རང་གི་སེམས་སྣང་བའི་ལྟ་བ་ཡོངས་སུ་སྤང་བར་བྱའོ། །གཞན་ཡང་བློ་གྲོས་ཆེན་པོ
223b7 ཉན་ཐོས་ཀྱི་ཐེག་པའི་ཚུལ་རབ་ཏུ་དབྱེ་བའི་མཚན་ཉིད་ནི་རྣམ་པ་གཉིས་ཏེ། འདི་ལྟ་སྟེ། འཕགས་པ་སོ་སོ་རང་གིས་རིག་པའི་ཁྱད་པར་གྱི་མཚན་ཉིད་ཐོབ་པ་དང་། དངོས་པོར་རྣམ་པར་རྟོག་པའི
223b8 རང་བཞིན་ལ་མངོན་པར་ཞེན་པའི་མཚན་ཉིད་དོ། །དེ་ལ་འཕགས་པའི་སོ་སོ་རང་གིས་རིག་པའི་ཁྱད་པར་གྱི་མཚན་ཉིད་ཐོབ་པའི་ཉན་ཐོས་གང་ཞེ་ན། འདི་ལྟ་སྟེ། མི་རྟག་པ་དང་། སྡུག་བསྔལ
iiif viewer powered by OpenSeadragon
