| e-texts navigator |
| Wylie |
222b1 གཤེགས་པས་སེམས་ཅན་རྣམས་ཀྱིས་རང་གི་སེམས་སྣང་བའི་རྒྱུད་ཡོངས་སུ་སྦྱོང་བ་ཡང་རིམ་གྱིས་རྣམ་པར་འདག་གི་ཅིག་ཅར་མ་ཡིན་ནོ། །དཔེར་ན་རྫ་མཁན་སྣོད་རྣམས་བྱེད་པ་ནི་རིམ་གྱིས་བྱེད་དེ། ཅིག་ཅར་མ་ཡིན་ནོ། །
222b2 དེ་བཞིན་དུ་དེ་བཞིན་གཤེགས་པས་སེམས་ཅན་རྣམས་ཀྱིས་རང་གི་སེམས་སྣང་བའི་རྒྱུད་ཡོངས་སུ་སྦྱོང་བ་ཡང་རིམ་གྱིས་རྣམ་པར་འདག་གི་ཅིག་ཅར་མ་ཡིན་ནོ། །དཔེར་ན་ས་ཆེན་པོ་ལས་རྫས་རྣམས་རིམ་གྱིས་སྐྱེའི་ཅིག་ཅར་སྐྱེ་བ་མ
222b3 ཡིན་ནོ། །དེ་བཞིན་དུ་དེ་བཞིན་གཤེགས་པས་སེམས་ཅན་རྣམས་ཀྱི་རང་གི་སེམས་སྣང་བའི་རྒྱུད་ཡོངས་སུ་སྦྱོང་བ་ཡང་རིམ་གྱིས་རྣམ་པར་འདག་གི་ཅིག་ཅར་མ་ཡིན་ནོ། །དཔེར་ན་མི་ལ་ལ་རོལ་མོ་དང་། ཡི་གེ་དང་། རི་མོ་དང་། བཟོ་སྣ
222b4 ཚོགས་སློབ་པ་རིམ་གྱིས་མངོན་པར་འགྲུབ་པར་འགྱུར་གྱིས་ཅིག་ཅར་མ་ཡིན་ནོ། །དེ་བཞིན་དུ་དེ་བཞིན་གཤེགས་པས་སེམས་ཅན་རྣམས་ཀྱིས་རང་གི་སེམས་སྣང་བའི་རྒྱུད་ཡོངས་སུ་སྦྱོང་བ་ཡང་རིམ་གྱིས་རྣམ་པར་འདག་གི་ཅིག
222b5 ཅར་མ་ཡིན་ནོ། །དཔེར་ན་མེ་ལོང་རབ་ཏུ་ཕྱིས་པ་ནི་མཚན་མ་མེད་པར་གཟུགས་བརྙན་ཐམས་ཅད་ཅིག་ཅར་སྣང་བར་བྱེད་དོ། །དེ་བཞིན་གཤེགས་པས་སེམས་ཅན་ཐམས་ཅད་ཀྱིས་རང་གི་སེམས་སྣང་བའི་རྒྱུད་ཡོངས་སུ་སྣང་བ
222b6 ཡང་དེ་བཞིན་ཏེ། མཚན་མ་མེད་ཅིང་སྣང་བ་མེད་པ་རྣམ་པར་དག་པའི་སྤྱོད་ཡུལ་ཅིག་ཅར་སྟོན་ཏོ། །དཔེར་ན་ཉི་མ་དང་ཟླ་བའི་དཀྱིལ་འཁོར་ནི་འོད་ཟེར་གྱིས་གཟུགས་སུ་སྣང་བ་ཐམས་ཅད་ཅིག་ཅག་མངོན་པར་བྱེད་དོ།
222b7 དེ་བཞིན་གཤེགས་པ་ཡང་རང་གི་སེམས་སྣང་བ་དང་། གནས་ངན་ལེན་གྱིས་བག་ཆགས་དང་བྲལ་བའི་སེམས་ཅན་རྣམས་ལ་དེ་བཞིན་དུ་བསམ་གྱིས་མི་ཁྱབ་པའི་ཡེ་ཤེས་རྒྱལ་བ་རྣམས་ཀྱི་སྤྱོད་ཡུལ་ཅིག་ཅར་སྟོན
222b8 ཏོ། །དཔེར་ན་ཀུན་གཞི་རྣམ་པར་ཤེས་པ་ནི་རང་གི་སེམས་སྣང་བའི་ལུས་དང་། གནས་དང་། ལོངས་སྤྱོད་རྣམ་པར་གཞག་པའི་ལུས་ཅིག་ཅར། རྣམ་པར་རིག་ཅིང་ཤེས་སོ། །རྟེན་གྱི་སངས་རྒྱས་དེ་དག་ཀྱང་དེ་བཞིན
iiif viewer powered by OpenSeadragon
