| e-texts navigator |
| Wylie |
222a1 བོང་གི་རྭ་དང་བ་ལང་གི་རྭ་དང་། ནམ་མཁའ་དང་། དབྱིབས་དང་། གཟུགས་ཐ་དད་པར་ལྟ་བའི་རྣམ་པར་རྟོག་པ་ཡོངས་སུ་སྤངས་ནས། ཁྱོད་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས
222a2 ཀྱིས་རང་གི་སེམས་སྣང་བའི་རྣམ་པར་རྟོག་པ་ཡིད་ལ་སེམས་ཤིང་སངས་རྒྱས་ཀྱི་ཞིང་ཐམས་ཅད་དུ་འཇུག་པ་དང་། རྒྱལ་བའི་སྲས་རྣམས་ལ་རང་གི་སེམས་སྣང་བ་ལ་རབ་ཏུ་རྟོག་པའི་སྦྱོར་བ་བསྟན་པར་བྱའོ། །དེ་ནས་བཅོམ
222a3 ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །གཟུགས་སོགས་སེམས་ནི་མེད་པ་དང་། །གཟུགས་སོགས་སེམས་ནི་རབ་འཕེལ་དང་། །ལུས་དང་ལོངས་སྤྱོད་རྣམ
222a4 གཞག་པ། །ཀུན་གཞི་སེམས་ཅན་སྣང་ཡིན་ཏེ། །སེམས་དང་ཡིད་དང་རྣམ་པར་ཤེས། །རང་བཞིན་དང་ནི་ཆོས་ལྔ་དང་། །བདག་མེད་ཡོངས་སུ་དག་གཉིས་ནི། །རྣམ་པར་འདྲེན་པས་རབ་ཏུ་གསུངས། །རིང་ཐུང་ཡོད་མེད་ལ་སོགས
222a5 པ། །ཕན་ཚུན་ལྟོས་ནས་རབ་ཏུ་སྐྱེ། །མེད་པའི་ཕྱིར་ནི་ཡོད་པ་གྲུབ། །ཡོད་པའི་ཕྱིར་ནི་མེད་པའི་གྲུབ། །དངོས་པོ་རྡུལ་དུ་རྣམ་ཕྱེ་སྟེ། །གཟུགས་ཀྱི་རྣམ་རྟོག་མི་བསྐྱེད་དོ། །སེམས་ཙམ་རྣམ་པར་གཞག་པའི་གནས། །ལྟ་བ་ངན
222a6 པས་མོས་མི་འགྱུར། །འཇིག་རྟེན་མགོན་པོས་གསུངས་པ་ཡི། །རང་གི་སྤྱོད་ཡུལ་གང་ཡིན་པ། །རྟོག་པ་ཅན་གྱི་ཡུལ་མ་ཡིན། །དེ་བཞིན་ཉན་ཐོས་ཀྱི་ཡང་མིན། །དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་རང་གི
222a7 སེམས་སྣང་བའི་རྒྱུད་རྣམ་པར་དག་པར་བྱ་བའི་ཕྱིར་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རང་གི་སེམས་སྣང་བའི་རྒྱུད་ཇི་ལྟར་རྣམ་པར་དག་པར་བགྱི། ཅིག་ཅར་རམ་འོན་ཏེ་རིམ་གྱིས་ལགས།
222a8 བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་རིམ་གྱིས་རྣམ་པར་འདག་གི། ཅིག་ཅར་ནི་མ་ཡིན་ཏེ། དཔེར་ན་ཤིང་ཨ་མྲའི་འབྲས་བུ་ནི་རིམ་གྱིས་སྨིན་པར་འགྱུར་གྱི་ཅིག་ཅར་མ་ཡིན་ནོ། །དེ་བཞིན་དུ་དེ་བཞིན་གཤེགས
iiif viewer powered by OpenSeadragon
