| e-texts navigator |
| Wylie |
218b1 དབང་གིས་བྱུང་། །རླབས་ཆེན་རྒྱ་མཚོ་རབ་བསྐྱོད་པས། །རྒྱུན་ནི་རྣམ་པར་ཆད་པ་མེད། །ཀུན་གཞི་རྒྱ་མཚོ་རྟག་གནས་པ། །ཡུལ་གྱི་རླུང་གིས་རབ་བསྐྱོད་ནས། །སྣ་ཚོགས་རྣམ་ཤེས་དབའ་རླབས་རྣམས། །གར་ཅིང་རབ་ཏུ
218b2 འཇུག་པར་འགྱུར། །སྔོན་པོ་དམར་པོ་སྣ་ཚོགས་གཟུགས། །དུང་དང་འོ་མ་ཁ་ར་དང་། །བསྐ་བ་མེ་ཏོག་འབྲས་བུ་དང་། །ཉི་ཟླ་དང་ནི་འོད་ཟེར་དང་། །གཅིག་པ་མ་ཡིན་ཐ་དད་མིན། །རྒྱ་མཚོ་རླབས་རྣམས་རབ་ཏུ་བསྐྱེད། །དེ་བཞིན
218b3 རྣམ་ཤེས་བདུན་པོ་ཡང་། །སེམས་དང་ལྷན་ཅིག་རབ་ཏུ་སྐྱེ། །ཇི་ལྟར་རྒྱ་མཚོ་ཡོངས་གྱུར་ནས། །དབའ་རླབས་སྣ་ཚོགས་འཇུག་པ་ལྟར། །རྣམ་ཤེས་བདུན་པོ་དེ་བཞིན་ཏེ། །སེམས་དང་ལྷན་ཅིག་རབ་ཏུ་སྐྱེ། །ཀུན་གཞི་རྣམ
218b4 ཤེས་གནས་ལས་ནི། །རྣམ་ཤེས་སྣ་ཚོགས་རབ་འཇུག་སྟེ། །འདི་ལྟར་ཡིད་དང་རྣམ་ཤེས་དེས། །མཚན་ཉིད་དོན་ལ་རབ་ཏུ་སེམས། །མི་འཇིགས་མཚན་ཉིད་བརྒྱད་ཡོད་དེ། །མཚན་མ་མེད་པའང་མཚན་མ་མེད། །རྒྱ་མཚོ་དང
218b5 ནི་དབའ་རླབས་རྣམས། །ཇི་ལྟར་བྱེ་བྲག་མེད་པ་བཞིན། །རྣམ་ཤེས་སེམས་དང་དེ་བཞིན་དུ། །ཐ་དད་པ་ཡང་མི་དམིགས་སོ། །སེམས་ནི་ལ་སོགས་བྱེད་ཅེས་བྱ། །ཡིད་ཀྱི་རྒྱ་ཆེར་སོགས་པ་སྟེ། །རྣམ་ཤེས་དག་ནི་རྣམ་པར
218b6 རིགས། །སྣང་བའི་ཡུལ་ལྟོས་སྔར་བཤད་དོ། །དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་ཚིགས་སུ་བཅད་པས་ཞུ་བ་ཞུས་པ། སྔོན་པོ་དམར་པོའི་གཟུགས་རྣམས་ནི། །སེམས་ཅན་རྣམ་ཤེས་སྐྱེད་པར་བགྱིད། །
218b7 རླབས་དང་མཚུངས་པའི་སྣ་ཚོགས་ཆོས། །ཅི་སླད་བདག་ལ་བཤད་དུ་གསོལ། །དེ་ནས་བཅོམ་ལྡན་འདས་ཀྱིས་ཚིགས་སུ་བཅད་དེ་བཀའ་སྩལ་པ། སྔོན་པོ་དམར་པོ་སྣ་ཚོགས་གཟུགས། །དབའ་རླབས་དག་ནི་ཡོད་མ་ཡིན། །
218b8 བ་ལས་སོགས་སེམས་སུ་བཤད་པ་ཡང་། །སྐྱེ་བོ་རྟོགས་པར་བྱ་ཕྱིར་རོ། །ལས་དེ་ཡང་ནི་ཡོད་མ་ཡིན། །རང་གི་སེམས་ནི་གཟུང་དང་བྲལ། །གཟུང་བ་མེད་པས་འཛིན་པའང་མེད། །དབའ་རླབས་དེ་དང་རབ་ཏུ་མཚུངས། །
iiif viewer powered by OpenSeadragon
