| e-texts navigator |
| Wylie |
215a1 དང་། སྣང་བ་འདུས་པ་ལས་སྐྱེ་བ་མ་ཡིན་གྱི། གུད་ན་ཐ་དད་པའི་རྒྱུ་ཡོད་དོ་ཞེས་སྨྲའོ། །བློ་གྲོས་ཆེན་པོ་རྒྱུ་དེ་ནི་གཙོ་བོ་དང་། མཆོག་དང་། སྐྱེས་བུ་དང་། དབང་ཕྱུག་དང་། དུས་དང་། རྡུལ་ཕྲ་མོ་རྣམས་སོ། །གཞན་ཡང་བློ་གྲོས
215a2 ཆེན་པོ་རང་བཞིན་རྣམ་པ་བདུན་ཡོད་དེ། འདི་ལྟ་སྟེ། འདུ་བ་དངོས་པོའི་རང་བཞིན་དང་། མཚན་ཉིད་ཀྱི་རང་བཞིན་དང་། འབྱུང་བ་ཆེན་པོའི་དངོས་པོའི་རང་བཞིན་དང་། རྒྱུའི་རང་བཞིན་དང་། རྐྱེན་ཀྱི་རང་བཞིན་དང་། མངོན་པར་གྲུབ
215a3 པའི་རང་བཞིན་ནོ། །གཞན་ཡང་བློ་གྲོས་ཆེན་པོ་དོན་དམ་པ་རྣམ་པ་བདུན་ཡོད་དེ། འདི་ལྟ་སྟེ། སེམས་ཀྱི་སྤྱོད་ཡུལ་དང་། ཤེས་རབ་ཀྱི་སྤྱོད་ཡུལ་དང་། ཡེ་ཤེས་ཀྱི་སྤྱོད་ཡུལ་དང་། ལྟ་བའི་སྤྱོད་ཡུལ་དང་། ལྟ་བ་གཉིས་ལས་འདས
215a4 པའི་སྤྱོད་ཡུལ་དང་། སྲས་ཀྱི་ས་ལས་འདས་པའི་སྤྱོད་ཡུལ་དང་། དེ་བཞིན་གཤེགས་པ་ཉིད་བྱོན་པའི་སྤྱོད་ཡུལ་ཏེ། བློ་གྲོས་ཆེན་པོ་འདི་དག་འདས་པ་དང་། མ་འོངས་པ་དང་། ད་ལྟར་གྱི་དེ་བཞིན་གཤེགས་པ་དགྲ་བཅོམ་པ་ཡང་དག
215a5 པར་རྫོགས་པའི་སངས་རྒྱས་ཀྱི་དངོས་པོའི་རང་བཞིན་དོན་དམ་པའི་སྙིང་པོའོ། །དངོས་པོའི་རང་བཞིན་དོན་དམ་པའི་སྙིང་པོ་དེ་དང་ལྡན་པས་དེ་བཞིན་གཤེགས་པ་རྣམས་འཇིག་རྟེན་པ་དང་། འཇིག་རྟེན་ལས་འདས་པ་དང་། འཇིག
215a6 རྟེན་ལས་འདས་པ་མཆོག་གི་ཆོས་འཕགས་པའི་ཤེས་རབ་ཀྱི་སྤྱན་ཡོངས་སུ་རྫོགས་ནས་རང་དང་སྤྱིའི་མཚན་ཉིད་རྣམ་པར་དགོད་པ་ལ་འཇུག་ཅིང་ཇི་ལྟ་བ་བཞིན་དུ་རྣམ་པར་དགོད་པས་མུ་སྟེགས་ཅན་གྱི་སྨྲ་བ་དང་། ལྟ་བ་ངན་པ
215a7 དང་ཐུན་མོང་དུ་མི་འགྱུར་བ་ཡིན་ནོ། །བློ་གྲོས་ཆེན་པོ་ཇི་ལྟར་ན་མུ་སྟེགས་ཅན་གྱི་སྨྲ་བ་དང་། ལྟ་བ་ངན་པ་དང་། ཐུན་མོང་མ་ཡིན་ཞེ་ན། འདི་ལྟ་སྟེ། རང་གི་ཡུལ་ལ་རྣམ་པར་རྟོག་པའི་ལྟ་བར་ཁོང་དུ་མ་ཆུད་པ་དང་། རང་གི
215a8 རྣམ་པར་ཤེས་པའི་སེམས་སྣང་བ་ཙམ་དུ་མ་རྟོགས་པས། བློ་གྲོས་ཆེན་པོ་བྱིས་པ་སོ་སོའི་སྐྱེ་བོ་རྣམས་དངོས་པོ་དང་། དངོས་པོ་མེད་པའི་རང་བཞིན་དོན་དམ་པ་ལ་ལྟ་བ་གཉིས་སུ་སྨྲ་བར་གྱུར་ཏོ། །གཞན་ཡང་བློ་གྲོས་ཆེན་པོ
iiif viewer powered by OpenSeadragon
