| e-texts navigator |
| Wylie |
213b1 ཚིག་དང་། གཡོ་བ་མ་ཡིན་པའི་ཚིག་དང་། དབང་པོའི་ཚིག་དང་། དབང་པོ་མ་ཡིན་པའི་ཚིག་དང་། འདུས་བྱས་ཀྱི་ཚིག་དང་། འདུས་བྱས་མ་ཡིན་པའི་ཚིག་དང་། འདུས་མ་བྱས་ཀྱི་ཚིག་དང་། འདུས་མ་བྱས་མ་ཡིན་པའི་ཚིག
213b2 དང་། རྒྱུ་དང་འབྲས་བུའི་ཚིག་དང་། རྒྱུ་དང་འབྲས་བུ་མ་ཡིན་པའི་ཚིག་དང་། འོག་མིན་གྱི་ཚིག་དང་། འོག་མིན་མ་ཡིན་པའི་ཚིག་དང་། དུས་ཚིགས་ཀྱི་ཚིག་དང་། དུས་ཚིགས་མ་ཡིན་པའི་ཚིག་དང་། ཤིང་དང་ཤིང་གེལ་པ་དང
213b3 འཁྲི་ཤིང་གི་ཚིག་དང་། ཤིང་དང་ཤིང་གེལ་པ་དང་འཁྲི་ཤིང་མ་ཡིན་པའི་ཚིག་དང་། སྣ་ཚོགས་ཀྱི་ཚིག་དང་། སྣ་ཚོགས་མ་ཡིན་པའི་ཚིག་དང་། བསྟན་པས་གཟུང་བའི་ཚིག་དང་། བསྟན་པས་གཟུང་བ་མ་ཡིན་པའི་ཚིག་དང་།
213b4 འདུལ་བའི་ཚིག་དང་། འདུལ་བ་མ་ཡིན་པའི་ཚིག་དང་། དགེ་སློང་གི་ཚིག་དང་། དགེ་སློང་མ་ཡིན་པའི་ཚིག་དང་། གནས་ཀྱི་ཚིག་དང་། གནས་མ་ཡིན་པའི་ཚིག་དང་། ཡི་གེའི་ཚིག་དང་། ཡི་གེ་མ་ཡིན་པའི་ཚིག་སྟེ། བློ
213b5 གྲོས་ཆེན་པོ་ཚིག་བརྒྱ་རྩ་བརྒྱད་པོ་འདི་དག་ནི་སྔོན་གྱི་སངས་རྒྱས་རྣམས་ཀྱིས་བརྗོད་པ་ཡིན་ཏེ། ཁྱོད་དང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་བསླབས་པར་བྱའོ། །དེ་ནས་བྱང་ཆུབ་སེམས་དཔའ་སེམས
213b6 དཔའ་ཆེན་པོ་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རྣམ་པར་ཤེས་པ་རྣམས་ཀྱི་སྐྱེ་བ་དང་། གནས་པ་དང་། འགག་པ་རྣམ་པ་དུ་མཆིས། བཅོམ་ལྡན་འདས་ཀྱིས་བཀའ་སྩལ
213b7 པ། བློ་གྲོས་ཆེན་པོ་རྣམ་པར་ཤེས་པ་རྣམས་ཀྱི་སྐྱེ་བ་དང་། གནས་པ་དང་། འགག་པ་ལ་རྣམ་པ་གཉིས་གཉིས་ཡོད་དེ། རྟོག་གེ་པ་རྣམས་ཀྱིས་ཤེས་པར་བྱ་བ་མ་ཡིན་ནོ། །རྣམ་པར་ཤེས་པ་རྣམས་ཀྱི་སྐྱེ་བ་ཡང་རྣམ་པ་གཉིས་ཏེ།
213b8 འདི་ལྟ་སྟེ། རྒྱུན་སྐྱེ་བ་དང་། མཚན་ཉིད་སྐྱེ་བའོ། །གནས་པ་ཡང་རྣམ་པ་གཉིས་ཏེ། འདི་ལྟ་སྟེ། རྒྱུན་གནས་པ་དང་། མཚན་ཉིད་གནས་པའོ། །འགག་པ་ཡང་རྣམ་པ་གཉིས་ཏེ། འདི་ལྟ་སྟེ། རྒྱུན་འགག་པ་དང་། མཚན་ཉིད
iiif viewer powered by OpenSeadragon
