| e-texts navigator |
| Wylie |
211a1 ཕྲན་དག་ནི་དུ་ཞིག་ལ། །ཡུངས་ཀར་འབྲུ་ནི་གཅིག་ཏུ་འགྱུར། །ཡུངས་ཀར་འབྲུ་ནི་དུ་ཞིག་གིས། །འོལ་མ་སེ་ནི་གཅིག་ཏུ་འགྱུར། །འོལ་མ་སེ་ནི་དུ་ཞིག་ལ། །མ་ཤ་འབྲུ་ནི་གཅིག་ཏུ་འགྱུར། །མ་ཤ་དུ་ལ་ནམ་ནི་གཅིག་།ནམ་དུ་ལ
211a2 ནི་སྲང་དུ་འགྱུར། །སྲང་གཅིག་ལ་ཡང་ཞོ་དུ་ཡོད། །རྩིས་ཀྱི་རྩིས་མགོ་འདི་ལྟ་བུར། །རི་རབ་སྲང་ནི་དུ་ཡོད་ཅེས། །འདི་ལ་སོགས་པའི་དྲི་བའི་རིགས། །ཅི་ཡི་ཕྱིར་ན་དངོས་གཞན་འདྲི། །ཉན་ཐོས་དང་ནི་རང་རྒྱལ་དང་། །སངས་རྒྱས་རྣམས་དང་རྒྱལ
211a3 སྲས་ཀྱི། །སྐུ་ལ་རྡུལ་ཕྲན་དུ་ཡོད་ཅེས། །དེ་སྐད་ཅིའི་ཕྱིར་འདྲི་མི་བྱེད། །མེ་ལྕེ་ལ་ནི་རྡུལ་ཕྲན་དུ། །རླུང་ལ་ཡང་ནི་རྡུལ་ཕྲན་དུ། །དབང་པོ་གཅིག་ཅིང་རྡུལ་ཕྲན་དུ། །སྨིན་མ་སྤུ་ཡི་བུ་ག་དུ། །ནོར་སྲུང་དབང་ཕྱུག་རྒྱལ་པོ་དང་། །
211a4 འཁོར་ལོས་སྒྱུར་བའི་རྒྱལ་པོ་ཡང་། །རྒྱལ་སྲིད་དག་ནི་ཇི་ལྟར་བསྲུང་། །དེ་དག་ཇི་ལྟར་ཐར་པ་འགྱུར། །ཚིགས་བཅད་རྐྱང་པ་ཇི་ལྟར་སྨྲ། །ཁྱོད་ཀྱིས་ཇི་ལྟར་ཞུས་པ་བཞིན། །སེམས་ཅན་འཁྲིག་པ་སྣ་ཚོགས་དང་། །ཟས
211a5 སྐོམ་རྣམ་པ་མང་པོ་དང་། །ཇི་ལྟར་སྐྱེས་བུ་ན་ཆུང་ཚལ། །རྡོ་རྗེ་ལྟ་བུར་སྲ་བའི་རི། །ཇི་ལྟར་སྒྱུ་མ་རྨི་ལམ་འདྲ། །རི་དགས་སྐོམ་གྱིས་གདུངས་པ་ལྟར། །ཇི་ལྟར་རི་བོ་དྲང་སྲོང་ལྷ། །དྲི་ཟས་རབ་ཏུ་བརྒྱན་པ་དང་། །གྲོལ་བ་གང་དུ
211a6 འགྲོ་བར་འགྱུར། །བཅིངས་པ་སུ་ཞིག་གང་གིས་འགྲོལ། །བསམ་གཏན་པ་ཡི་ཡུལ་ནི་གང་། །སྤྲུལ་པ་དང་ནི་མུ་སྟེགས་ཀྱང་། །ཅི་ཕྱིར་མེད་པའི་རྒྱུ་ལས་བྱེད། །ཅིའི་ཕྱིར་ཡོད་པའི་རྒྱུ་ལས་བྱེད། །ཡོད་མེད་རྒྱུ་ལས་བྱེད་པ
211a7 དང་། །དེ་བཞིན་ཡོད་མེད་མིན་པའི་རྒྱུ། །སྣང་བ་ལས་ནི་ཇི་ལྟར་ལྡོག་།རྟོག་གེ་ཇི་ལྟར་ཡོངས་སུ་འདག་།རྟོག་གེ་ཇི་ལྟར་འཇུག་པར་འགྱུར། །བྱེད་པ་ཅི་ཡིས་འཇུག་པར་འགྱུར། །ཇི་ལྟར་འདུ་ཤེས་གཅད་པར་བྱ། །
211a8 ཇི་ལྟར་ཏིང་ངེ་འཛིན་ལས་ལྡང་། །སྲིད་གསུམ་བཅོམ་པ་དེ་སུ་ཞིག་།གནས་གང་དེ་ཡི་ལུས་ཀྱང་ཅི། །ཅི་ཕྱིར་སེམས་ཅན་མེད་བཞིན་དུ། །བདག་ཡོད་པར་ནི་བརྗོད་པར་བྱེད། །ཀུན་རྫོབ་བསྟན་པ་ཇི་ལྟ་བུ། །རྒྱ་ཆེར
iiif viewer powered by OpenSeadragon
