| e-texts navigator |
| Wylie |
210b1 འགྱུར། སངས་རྒྱས་ཕ་རོལ་ཕྱིན་རྣམས་དང་། །རྒྱལ་སྲས་དང་ནི་ཉན་ཐོས་དང་། །རང་རྒྱལ་མུ་སྟེགས་ཅན་རྣམས་དང་། །གཟུགས་མེད་པ་ཡི་སྤྱོད་རྣམས་དང་། །དེ་བཞིན་དངོས་པོ་སྣ་ཚོགས་རྣམས། །རི་རབ་མཚོ་བྲན་རི་རྣམས་དང་། །གླིང་དང་ཞིང་དང
210b2 ས་རྣམས་དང་། །གཟའ་སྐར་ཉི་མ་ཟླ་བ་དང་། །མུ་སྟེགས་ལྷ་དང་ལྷ་མ་ཡིན། །རྣམ་ཐར་དབང་དང་མངོན་ཤེས་དང་། །སྟོབས་དང་བསམ་གཏན་ཏིང་ངེ་འཛིན། །འགོག་དང་རྫུ་འཕྲུལ་རྐང་པ་དང་། །བྱང་ཆུབ་ཡན་ལག་ལམ་གྱི་ཕྱོགས། །བསམ་གཏན
210b3 རྣམས་དང་ཚད་མེད་དང་། །ཕུང་པོ་ལུས་རྣམས་འགྲོ་འོང་དང་། །སྙོམས་པར་འཇུག་དང་འགོག་པ་དང་། །ཏིང་འཛིན་ལྡང་སེམས་བཤད་པ་དང་། །སེམས་དང་ཡིད་དང་རྣམ་ཤེས་དང་། །བདག་མེད་པ་དང་ཆོས་ལྔ་དང་། །རང་བཞིན་རྟོག
210b4 དང་བརྟག་པ་དང་། །སྣང་དང་ལྟ་བ་གཉིས་པོ་དང་། །ཐེག་པ་དང་ནི་རིགས་རྣམས་དང་། །གསེར་དངུལ་ནོར་བུ་ལ་སོགས་དང་། །འདོད་ཆེན་པ་དང་འབྱུང་ཆེན་དང་། །དཀྲུགས་མ་དག་དང་སངས་རྒྱས་གཅིག་།ཤེས་དང་ཤེས་བྱ
210b5 འཇུག་ཐོབ་དང་། །སེམས་ཅན་སྲིད་དང་མི་སྲིད་དང་། །གླང་པོ་རྟ་དང་རི་དགས་རྣམས། །ཅི་ཡི་ཕྱིར་ན་གཟུང་དུ་རུང་། །དཔེ་དང་རྒྱུ་དང་གྲུབ་མཐའ་དང་། །བྱེད་པ་དང་ནི་བྱས་པ་རྣམས། །ནགས་ཚལ་ནོར་པ་མངོན་ཤེས་དང་། །
210b6 སེམས་ཅན་དེ་ནི་སྣང་བ་མེད། །ས་རྣམས་རིམ་གྱིས་འཕོ་བ་མེད། །འགྱུར་བ་བརྒྱ་པོ་སྣང་མེད་བརྒྱ། །གསོ་བའི་བསྟན་བཅོས་བཟོ་རྣམས་དང་། །སྒྱུ་རྩལ་དང་ནི་རིག་པའི་གནས། །རི་བོ་རི་རབ་ས་དག་དང་། །རྒྱ་མཚོ་ཉི་མ་ཟླ
210b7 བའི་ཚད། །སེམས་ཅན་རབ་འབྲིང་ཐ་མ་ཡི། །ལུས་ལ་རྡུལ་ནི་དུ་ཞིག་ཡོད། །ཞིང་དང་ཞིང་ལ་རྡུལ་དུ་ཞིག་།གཞུ་དང་གཞུ་ལ་ཇི་སྙེད་ཡོད། །ཁྲུ་དང་གོམ་པ་རྒྱང་གྲགས་དང་། །དཔག་ཚད་ཕྱེད་དང་དཔག་ཚད་ལ། །རི་བོང་ཉི་ཟེར་སྲོ་མ་དང་།
210b8 ལུག་གི་དང་ནི་ནས་ཀྱང་དུ། །བྲེ་གང་ལ་ནི་ནས་འབྲུ་དུ། །བྲེ་ཕྱེད་ལ་ཡང་ནས་འབྲུ་དུ། །བྲེ་བོ་གང་དང་བཅུ་དག་ལ། །གྲངས་འབུམ་དང་ནི་བྱེ་བ་དང་། །དེ་བཞིན་དུ་ནི་ཤུ་རྡོག་ལ། །དེ་དག་གྲངས་ནི་དུ་ཞིག་ཡོད། །རྡུལ་ཕྲན་དག་ནི་དུ་ཞིག་ཡོད། །རྡུལ
iiif viewer powered by OpenSeadragon
