| e-texts navigator |
| Wylie |
210a1 བཞིན་ཉིད་ཀྱི་སངས་རྒྱས་ཅི། །ཡེ་ཤེས་སངས་རྒྱས་ཇི་ལྟ་བུ། །ཅི་སླད་འདོད་པའི་ཁམས་རྣམས་སུ། །མངོན་པར་རྫོགས་པར་འཚང་མི་རྒྱ། །ཅི་ཡི་སླད་དུ་འོག་མིན་པ། །ཆགས་བྲལ་ཁྲོད་དུ་བྱང་ཆུབ་བརྙེས། །བདེ་གཤེགས་མྱ
210a2 ངན་འདས་ནས་ནི། །ཡང་དག་བསྟན་པ་སུ་ཞིག་འཛིན། །ལྷ་ཡི་སྟོན་པ་ཇི་སྲིད་བཞུགས། །ཡང་དག་ཆོས་ནི་ཇི་སྲིད་གནས། །གྲུབ་མཐའ་དང་ནི་ལྟ་བ་ཡང་། །དེ་དག་ལ་ནི་རྣམ་པ་དུ། །འདུལ་བ་དང་ནི་དགེ་སློང་རིས། །ཅི་སླད་རྒྱུ་དང་རྐྱེན་ནི
210a3 གང་། །རྒྱལ་བའི་སྲས་ནི་དེ་དག་དང་། །རང་རྒྱལ་དང་ནི་ཉན་ཐོས་དག་།རྒྱུ་གང་གིས་ན་འགྱུར་བརྒྱར་འགྱུར། །རྒྱུ་གང་གིས་ནི་སྣང་མེད་བརྒྱ། །འཇིག་རྟེན་མངོན་ཤེས་ཇི་ལྟ་བུ། །འཇིག་རྟེན་འདས་ཀྱིའང་ཇི་ལྟ་བུ། །སེམས་ནི
210a4 ས་རྣམས་བདུན་པོར་ཡང་། །ཅི་ལྟར་ཅི་སླད་བདག་ལ་གསུངས། །དགེ་འདུན་ལ་ནི་རྣམ་པ་དུ། །ཇི་ལྟར་དགེ་འདུན་དབེན་དུ་འགྱུར། །སེམས་ཅན་གསོ་བའི་བསྟན་བཅོས་རྣམས། །དེ་དག་རྒྱུ་རྐྱེན་གང་གིས་ལགས། །ཅི་སླད་ཐུབ་པ་ཆེན
210a5 པོ་ཡིས། །འོད་སྲུང་འཁོར་བ་འཇིག་དང་ནི། །གསེར་ཐུབ་ཀྱང་ནི་ང་ཡིན་ཞེས། །དེ་སྐད་དུ་ནི་བཀའ་ཡང་སྩལ། །ཅི་སླད་རྟག་དང་ཆད་པ་དང་། །དེ་བཞིན་བདག་དང་བདག་མེད་གསུངས། །ཅི་སླད་དུ་ནི་ཐམས་ཅད་དུ། །ཡང་དག་དོན་ནི་གསུང་མི
210a6 མཛད། །སེམས་ཅན་དག་གི་སླད་དུ་ཡང་། །སེམས་ཙམ་དུ་ནི་དབྱེ་བ་མཛད། །ཅི་སླད་སྐྱེས་བུ་ན་ཆུང་ཚལ། ། རུ་ར་དང་སྐྱུ་རུ་ར། །ཁེ་ལ་ས་དང་ཁོར་ཡུག་རི། །རྡོ་རྗེ་ལ་སོགས་རི་བོ་རྣམས། །རིན་ཆེན་སྣ་ཚོགས་རབ
210a7 བརྒྱན་ཅིང་། །དྲང་སྲོང་དྲི་ཟས་ཀུན་གང་བ། །ཇི་ལྟར་ཅི་སླད་བདག་ལ་གསུངས། །བླ་མེད་འཇིག་རྟེན་མཁྱེན་པ་ཡིས། །ཐེག་ཆེན་སྒྲོལ་བའི་སྒོ་རྣམས་དང་། །སངས་རྒྱས་ཀུན་གྱི་སྙིང་པོ་མཆོག་།དེ་ཡི་ཚིགས་བཅད་གསན་པ་དང་།
210a8 ལེགས་སོ་དྲིས་པ་རབ་ཏུ་ལེགས། །བློ་གྲོས་ཆེན་པོ་ལེགས་པར་ཉོན། །ངས་ནི་དེང་འདིར་རིམ་བཞིན་དུ། །ཁྱོད་ཀྱིས་གང་དྲིས་བཤད་པར་བྱ། །སྐྱེ་དང་སྐྱེ་བ་མེད་པ་དང་། །མྱ་ངན་འདས་སྟོང་སྐད་ཅིག་མ། །རང་བཞིན་མེད་ལ་འཇུག་པར
iiif viewer powered by OpenSeadragon
