| e-texts navigator |
| Wylie |
209b1 བདུད་དང་སློབ་པའི་བྱེ་བྲག་རྣམས། །དེ་དག་ལ་ནི་རྣམ་པ་དུ། །རང་བཞིན་དང་ནི་སེམས་རྣམས་ཀྱང་། །དེ་དག་ལ་ནི་དུ་ཞིག་མཆིས། །བཏགས་པ་ཙམ་ཡང་ཇི་ལྟ་བུ། །རྒྱལ་བས་བདག་ལ་བཤད་དུ་གསོལ། །ནམ་མཁའ་སྤྲིན་རླུང་ཇི་ལྟ་བུ། །
209b2 དྲན་དང་ཡིད་གཞུངས་གསལ་བ་ཅི། །ནགས་ཚལ་ཤིང་ནི་ཇི་ལྟ་བུ། །འཁྲི་ཤིང་དག་ནི་ཅི་ལས་གྱུར། །གླང་པོ་རྟ་དང་རི་དགས་རྣམས། །ཇི་ལྟར་གཟུང་དུ་རུང་བར་འགྱུར། །ངན་པའི་མི་རྣམས་ཇི་ལྟ་བུ། །རྒྱུ་གང་གིས་ནི་ངན་པར
209b3 འགྱུར། །ཚིག་དྲུག་གིས་ནི་ཇི་ལྟར་བསྡུས། །འདོད་ཆེན་པར་ཡང་ཇི་ལྟར་འགྱུར། །སྐྱེས་པ་བུད་མེད་མ་ནིང་རྣམས། །དེ་དག་ཐམས་ཅད་ཅི་སླད་འབྱུང་། །རྣལ་འབྱོར་ལས་ནི་ཇི་ལྟར་ལྡོག་།རྣལ་འབྱོར་ཇི་ལྟར་སྐྱེ
209b4 བར་འགྱུར། །རྣལ་འབྱོར་པས་ནི་ཆོས་གང་གིས། །ཅི་འདྲའི་གང་ཟག་རྣམ་པར་འཇོག་།སེམས་ཅན་འགྲོ་བར་སྐྱེ་བ་རྣམས། །མཚན་ཉིད་མཚན་མའི་རྣམ་པ་ཅི། །ཕྱུག་པོར་གྱུར་པ་ཇི་ལྟ་བུ། །རྒྱུ་གང་གིས་ནི་ཕྱུག་པོར་འགྱུར།
209b5 ཤཱཀྱའི་རིགས་ནི་ཇི་ལྟ་བུ། །ཅི་ཡི་རྒྱུ་ཡིས་ཤཱཀྱ་བྱུང་། །བུ་རམ་ཤིང་པ་ཇི་ལྟར་བྱུང་། །བླ་མེད་གཙོ་བོས་བཤད་དུ་གསོལ། །ཡུན་རིང་དཀའ་ཐུབ་དྲང་སྲོང་གང་། །དེས་ནི་ཇི་ལྟར་རྗེས་སུ་སྟོན། །དེ་བཞིན་གཤེགས་པ
209b6 ཞིང་རྣམས་སུ། །མཚན་དང་དེ་བཞིན་གཟུགས་སྣ་ཚོགས། །རྒྱལ་བའི་སྲས་ཀྱིས་བསྐོར་བ་ཡང་། །ཅི་ཡི་སླད་དུ་ཀུན་ན་གདའ། །ཅི་སླད་ཤ་རྣམས་གསོལ་མི་མཛད། །ཅི་སླད་ཤ་ནི་རབ་ཏུ་བཀག་།ཤ་ཟའི་རིགས་སུ་སྐྱེས
209b7 པ་རྣམས། །རྒྱུ་གང་གིས་ནི་ཤ་འཚལ་ལགས། །ཉི་ཟླའི་དབྱིབས་ཤིང་ཇི་ལྟ་བུ། །རི་རབ་པདྨ་འདྲ་བ་དང་། །སེང་གེ་མཚན་མཆོག་ཞིང་དག་དང་། །འཇིག་རྟེན་གཟུར་གནས་སྤྱིའུ་ཚུགས་དང་། །དབང་པོའི་དྲ་བ་འདྲ་བ་དང་། །ཁ་ཅིག་རིན
209b8 ཆེན་ཀུན་གྱི་ཞིང་། །དགུ་པོ་རྒྱུད་མངས་རྔ་འདྲ་དང་། །མེ་ཏོག་སྣ་ཚོགས་དབྱིབས་འདྲ་དང་། །ཁ་ཅིག་ཉི་ཟླའི་འོད་དང་བྲལ། །འདྲི་ལ་སོགས་པ་ཚད་མ་མཆིས། །སྤྲུལ་པའི་སངས་རྒྱས་ཇི་ལྟ་བུ། །རྣམ་སྨིན་ལས་བྱུང་སངས་རྒྱས་དང་། །དེ
iiif viewer powered by OpenSeadragon
