| e-texts navigator |
| Wylie |
209a1 ཉིད་རྣམས་ཀྱིས་འགལ་མི་འགྱུར། །ཇི་ལྟར་མ་འོངས་དུས་དག་ན། །སྡེ་པ་ཐ་དད་འབྱུང་བར་འགྱུར། །ཇི་ལྟར་སྟོང་ཉིད་རྒྱུ་ཅི་ཡིས། །ཇི་ལྟར་སྐད་ཅིག་འཇིག་པར་འགྱུར། །མངལ་གྱི་སྙིང་པོར་ཇི་ལྟར་སྐྱེ། །ཇི་ལྟར
209a2 འཇིག་རྟེན་གྱིས་མི་གཡོས། །ཇི་ལྟར་སྒྱུ་མ་རྨི་ལམ་འདྲ། །དེ་བཞིན་དྲི་ཟའི་གྲོང་ཁྱེར་དང་། །འཇིག་རྟེན་སྨིག་རྒྱུ་ལྟ་བུ་དང་། །ཆུ་ཟླ་དང་ནི་འོད་དག་དང་། །བྱང་ཆུབ་ཡན་ལག་ཅི་སླད་གསུངས། །དེ་བཞིན་བྱང་ཆུབ་ཕྱོགས་རྣམས་ཀྱང་།
209a3 ཡུལ་རྣམས་ཅི་སླད་འཁྲུག་པར་འགྱུར། །ཅི་སླད་སྲིད་པར་ལྟ་བར་བགྱིད། །ཇི་ལྟར་སྐྱེ་འགག་མ་མཆིས་ཤིང་། །འཇིག་རྟེན་ནམ་མཁའ་མེ་ཏོག་འདྲ། །འཇིག་རྟེན་ཇི་ལྟར་ཐུགས་སུ་ཆུད། །ཅི་སླད་ཡི་གེ་བྲལ་བར་གསུང་། །
209a4 རྣམ་རྟོག་སྤངས་པ་དེ་སུ་ལགས། །ཇི་ལྟར་ནམ་མཁའ་འདྲ་བ་ལགས། །དེ་ཁོ་ན་ལ་དུ་ཞིག་མཆིས། །ཕ་རོལ་ཕྱིན་སེམས་རྣམ་པ་དུ། །རྒྱུ་གང་གིས་ནི་ས་རྣམས་སྒྲོལ། །ལེན་མ་མཆིས་པར་སུ་ཞིག་མཆི། །བདག་མེད་རྣམ
209a5 གཉིས་གང་ཞིག་ལགས། །ཤེས་བྱ་ཇི་ལྟར་རྣམ་པར་འདག་།ཡེ་ཤེས་དག་ནི་རྣམ་པ་དུ། །ཚུལ་ཁྲིམས་སེམས་ཅན་ཉིད་ནི་དུ། །ནོར་བུ་མུ་ཏིག་ལ་སོགས་པའི། །རིགས་རྣམས་སུ་ཡིས་རབ་ཏུ་བསྐྱེད། །སེམས་ཅན་རྣམ་པ་སྣ་ཚོགས
209a6 དང་། །བརྗོད་པ་དག་ནི་སུ་ཡིས་བསྐྱེད། །རིག་པའི་གནས་དང་བཟོ་ཡི་རྣམས། །སུ་ཡིས་ཇི་ལྟར་རབ་ཏུ་བསྟན། །ཚིགས་སུ་བཅད་པ་རྣམ་པ་དུ། །ཚིགས་བཅད་རིང་ཐུང་ཇི་ལྟ་བུ། །རིགས་པ་རྣམ་པ་དུ་ཞིག་མཆིས། །ཅི་ཡི་སླད་དུ་སྨྲ་ཞེས
209a7 བགྱི། །སྐོམ་དང་ཟས་རྣམས་ཇི་ལྟར་འབྱུང་། །ཇི་ལྟར་སྲེད་པའི་འདོད་པ་འབྱུང་། །ཅི་སླད་རྒྱལ་པོ་ཞེས་བགྱི་ལགས། །འཁོར་ལོས་སྒྱུར་དང་རྒྱལ་ཕྲན་ཅི། །ཡུལ་ནི་ཇི་ལྟར་བསྲུང་བར་བགྱི། །ལྷ་ཡི་རིས་ལ་རྣམ་པ་དུ། །ཅི་ཡི་སླད་དུ་ས་ཞེས་བགྱི།
209a8 གཟའ་སྐར་ཉི་ཟླ་ཇི་ལྟ་བུ། །ཐར་པ་དང་ནི་རྣལ་འབྱོར་པ། །དེ་དག་རྣམ་པ་དུ་ཞིག་མཆིས། །སློབ་མ་རྣམ་པ་དུ་ཞིག་མཆིས། །སློབ་དཔོན་དུ་ཡང་ཇི་ལྟར་འགྱུར། །སངས་རྒྱས་རྣམ་པ་དུ་ཞིག་ལགས། །སྐྱེས་པའི་རབས་ལ་རྣམ་པ་དུ།
iiif viewer powered by OpenSeadragon
