| e-texts navigator |
| Wylie |
208b1 ལྡན་འདས་ཀྱི་ཞབས་ལ་སྤྱི་བོས་གཏུགས་ཏེ་ཕྱག་བྱས་ནས་ཐལ་མོ་སྦྱར་ཏེ་ཚིགས་སུ་བཅད་པས་ཞུ་བ་ཞུས་པ། ཇི་ལྟར་དྲན་པ་རྣམ་དག་འགྱུར། །ཇི་ལྟར་དྲན་པ་འཕེལ་བར་འགྱུར། །ལྟ་རྨོངས་ནོར་པ་ཇི་ལྟ་བུ། །ནོར་པ་ཇི་ལྟར
208b2 འཕེལ་བར་འགྱུར། །ཞིང་དུ་སྤྲུལ་རྣམས་ཅི་སླད་དུ། །མཚན་ཉིད་དང་ནི་མུ་སྟེགས་ཀྱང་། །མཚན་མེད་རིམ་པ་ཇི་ལྟ་བུ། །ཅི་སླད་མཚན་མ་མེད་པས་བགྱི། །ཅི་སླད་རྒྱལ་བའི་སྲས་ཤེས་བགྱི། །རྣམ་གྲོལ་གང་དུ་མཆི་བར་འགྱུར། །
208b3 གང་ལ་འཆིང་ཞིང་གང་དག་དགྲོལ། །བསམ་གཏན་སྤྱོད་ཡུལ་ཇི་ལྟ་བུ། །ཇི་སླད་ཐེག་པ་གསུམ་པོ་མཆིས། །བདག་ལ་བསྟན་ཅིང་བཤད་དུ་གསོལ། །རྐྱེན་རྣམས་གང་ལས་སྐྱེ་བ་ལགས། །བྱེད་དང་བྱས་པ་ཇི་ལྟ་བུ། །
208b4 གཉི་ག་ཐ་དད་ཅི་སླད་བཤད། །ཇི་ལྟ་བུར་ན་འཕེལ་བ་ལགས། །གཟུགས་མེད་སྙོམས་པར་འཇུག་པ་དང་། །འགོག་པའི་སྙོམས་འཇུག་ཇི་ལྟ་བུ། །འདུ་ཤེས་འགོག་པ་ཇི་ལྟ་བུ། །ཏིང་ངེ་འཛིན་ལས་ཇི་ལྟར་སད། །ཅི་ཡི
208b5 སླད་དུ་བྱས་པ་འབྱུང་། །འགྲོ་བ་དང་ནི་ལུས་འཛིན་ཅི། །ཇི་ལྟར་རྣམ་རྟོག་སྣང་བར་འགྱུར། །ས་རྣམས་ཇི་ལྟར་སྐྱེ་བར་འགྱུར། །སྲིད་གསུམ་འཇིག་པ་དེ་སུ་ཞིག་།གནས་ནི་གང་ལགས་ལུས་ནི་ཅི། །སྐྱེ་གནས
208b6 གང་དུ་བགྲོད་པར་འགྱུར། །རྒྱལ་བའི་སྲས་སུ་ཇི་ལྟར་འགྱུར། །མངོན་པར་ཤེས་དང་དབང་རྣམས་དང་། །ཏིང་འཛིན་རྣམས་ནི་ཇི་ལྟར་འཐོབ། །ཏིང་འཛིན་སེམས་ནི་ཇི་ལྟ་བུ། །རྒྱལ་བས་བདག་ལ་བཤད་དུ་གསོལ།
208b7 ཅི་སླད་ཀུན་གཞི་ཞེས་བགྱི་ལགས། །ཡིད་དང་རྣམ་ཤེས་ཇི་ལྟ་བུ། །སྐྱེ་དང་འཇིག་པ་ཇི་ལྟ་བུ། །ཇི་ལྟར་མཐོང་ནས་སླར་ཡང་ལྡོག་།ཇི་ལྟ་བུར་ན་རིགས་སུ་འགྱུར། །རིགས་མ་མཆིས་དང་སེམས་ཙམ་དང་། །སྒྲོ་འདོགས
208b8 མཚན་ཉིད་ཇི་ལྟ་བུ། །བདག་མེད་དོན་དུ་ཇི་ལྟར་འགྱུར། །སེམས་ཅན་མ་མཆིས་ཇི་ལྟ་བུ། །ཀུན་རྫོབ་བཤད་པ་ཇི་ལྟ་བུ། །ཇི་ལྟར་རྟག་དང་ཆད་པ་ཡི། །ལྟ་བ་རབ་ཏུ་འབྱུང་མི་འགྱུར། །ཇི་ལྟར་སངས་རྒྱས་མུ་སྟེགས་དག་།མཚན
iiif viewer powered by OpenSeadragon
