| e-texts navigator |
| Wylie |
282b1 ཡན་ལག་ཏུ་བཤད་དོ། །དེ་མང་དུ་བསྒོམས་པར་བྱས་པ་ན། མངོན་པར་ཤེས་པ་དང་། བྱང་ཆུབ་པ་དང་། མྱ་ངན་ལས་འདས་པར་གྱུར་ཏོ། །ཡང་འོད་སྲུང་ངས་ཆོས་རྣམ་པར་འབྱེད་པ་ཡང་དག་པའི་བྱང་ཆུབ་ཀྱི་ཡན་ལག་ཏུ
282b2 བཤད་དོ། །དེ་མང་དུ་བསྒོམས་པར་བྱས་པ་ན། མངོན་པར་ཤེས་པ་དང་། བྱང་ཆུབ་པ་དང་། མྱ་ངན་ལས་འདས་པར་གྱུར་ཏོ། །ཡང་འོད་སྲུང་ངས་བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་ཏུ་བཤད་དོ། །དེ་མང་དུ་བསྒོམས
282b3 པར་བྱས་པ་ན། མངོན་པར་ཤེས་པ་དང་། བྱང་ཆུབ་པ་དང་། མྱ་ངན་ལས་འདས་པར་གྱུར་ཏོ། །ཡང་འོད་སྲུང་ངས་དགའ་བ་ཡང་དག་བྱང་ཆུབ་ཀྱི་ཡན་ལག་ཏུ་བཤད་དོ། །དེ་མང་དུ་བསྒོམས་པར་བྱས་པ་ན། མངོན་པར་ཤེས་པ
282b4 དང་། བྱང་ཆུབ་པ་དང་། མྱ་ངན་ལས་འདས་པར་གྱུར་ཏོ། །ཡང་འོད་སྲུང་ངས་ཤིན་དུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ཏུ་བཤད་དོ། །དེ་མང་དུ་བསྒོམས་པར་བྱས་པ་ན། མངོན་པར་ཤེས་པ་དང་། བྱང་ཆུབ
282b5 པ་དང་། མྱ་ངན་ལས་འདས་པར་གྱུར་ཏོ། །ཡང་འོད་སྲུང་ངས་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་ཏུ་བཤད་དོ། །དེ་མང་དུ་བསྒོམས་པར་བྱས་པ་ན། མངོན་པར་ཤེས་པ་དང་། བྱང་ཆུབ་པ་དང་། མྱ་ངན་ལས་འདས་པར
282b6 གྱུར་ཏོ། །ཡང་འོད་སྲུང་ངས་བཏང་སྙོམས་ཡང་དག་བྱང་ཆུབ་ཀྱི་ཡན་ལག་ཏུ་བཤད་དོ། །དེ་མང་དུ་བསྒོམས་པར་བྱས་པ་ན། མངོན་པར་ཤེས་པ་དང་། བྱང་ཆུབ་པ་དང་། མྱ་ངན་ལས་འདས་པར་གྱུར་ཏོ། །འོད་སྲུང་འདི་ནི
282b7 བྱང་ཆུབ་ཀྱི་ཡན་ལག་བདུན་ཏེ་ངས་བཤད་དོ། །དེ་མང་དུ་བསྒོམས་པར་བྱས་པ་ན། མངོན་པར་ཤེས་པ་དང་། བྱང་ཆུབ་པ་དང་། མྱ་ངན་ལས་འདས་པར་གྱུར་ཏོ། །བཅོམ་ལྡན་འདས་དེ་བཞིན་གཤེགས་པས་གསུངས
282b8 པའི་བྱང་ཆུབ་ཀྱི་ཡན་ལག་ལ་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། ཚེ་དང་ལྡན་པ་འོད་སྲུང་ཆེན་པོ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །
iiif viewer powered by OpenSeadragon
