| e-texts navigator |
| Wylie |
282a1 སངས་རྒྱས་ལ་སོགས་པའི་དགེ་སློང་ལྔ་བརྒྱ་པོ་རྣམས་ལ་བཀུར་སྟི་དང་། སྟི་སྟང་ཞག་བདུན་དུ་བགྱིད་པར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ་དང་། དགེ་སློང་དེ་རྣམས་བཅོམ་ལྡན་འདས་ཀྱིས
282a2 གསུངས་པ་ལ་མངོན་པར་བསྟོད་དོ། །ཀླུའི་རྒྱལ་པོ་དགའ་བོ་ཉེར་དགའ་འདུལ་བའི་མདོ་རྫོགས་སྷོ།། །། །། རྒྱ་གར་སྐད་དུ། མ་ཧཱ་ཀཱ་ཤྱ་པ་སཱུ་ཏྲ། བོད་སྐད་དུ། འོད་སྲུང་ཆེན་པོའི་མདོ། འཕགས
282a3 པ་དཀོན་མཆོག་གསུམ་ལ་གུས་པས་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། རྒྱལ་པོའི་ཁབ་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །དེའི་ཚེ་དེའི་དུས་ན། ཚེ་དང་ལྡན་པ་འོད་སྲུང
282a4 ཆེན་པོ་པི་ཕྱ་ལིའི་ཕུག་ན་བཞུགས་ཏེ། ནད་དམ་པོས་གཟིར་ཅིང་སྡུག་བསྔལ་བར་གྱུར་ཏོ། །དེ་ནས་བཅོམ་ལྡན་འདས་སྲོད་ལའི་དུས་སུ་སོ་སོར་ཐམས་ཅད་རྟོག་ཅིང་བཞུགས་སོ། །ཚེ་དང་ལྡན་པ་འོད་སྲུང་ཆེན་པོ་ག་ལ་བ་དེར་གཤེགས
282a5 ཤིང་ཉེ་བར་གཤེགས་ཏེ་གདན་བཤམས་པ་ལ་བཞུགས་ཏེ་བཞུགས་ནས་ཡང་བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་བཀའ་སྩལ་ཏོ། །འོད་སྲུང་ཁྱོད་ཇི་ལྟར་བཟའ་བ་འདོད་དམ། ཇི་ལྟར་སྡུག
282a6 བསྔལ་མྱོང་། ཇི་ལྟར་ཞི་བར་འགྱུར། ཞི་བར་བྱེད་པའི་ཐབས་ཀྱིས་མི་ཞི་བ་མ་ཡིན་ནོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་གསོལ་པ། བཙུན་པ་བདག་ནི་བཟའ་བ་དང་བཏུང་བ་ལ་མི་སྲེད་པར་གྱུར།
282a7 བདག་ནད་དམ་པོས་གཟིར་བར་གྱུར་ཏེ། ཞི་བ་འམ་མི་ཞི་བར་འགྱུར། ཞི་བར་བྱེད་པའི་ཐབས་མཛད་དུ་གསོལ། བྱང་ཆུབ་ཀྱི་ཡན་ལག་བདུན་པོ་འདི་ངས་ལེགས་པར་བཤད་པར་བྱའོ། །དེ་མང་དུ་བསྒོམས
282a8 པར་བྱས་པ་ན། མངོན་པར་ཤེས་པ་དང་། བྱང་ཆུབ་པ་དང་། མྱ་ངན་ལས་འདས་པར་གྱུར་ཏོ། །བདུན་པོ་གང་ཞེ་ན། དྲན་པ་ཡང་དག་བྱང་ཆུབ་ཀྱི་ཡན་ལག་འདི། འོད་སྲུང་ངས་ཡང་དག་པའི་བྱང་ཆུབ་ཀྱི
iiif viewer powered by OpenSeadragon
