| e-texts navigator |
| Wylie |
281a1 མ་གྱུར་ཏོ། །གནས་བརྟན་གྱི་མེ་འོད་ཀྱིས་ཀླུའི་རྒྱལ་པོ་ལ་གནོད་པར་གྱུར་ཏོ། །ཀླུའི་རྒྱལ་པོས་བསམས་པ་འདི་ནི་བདག་གི་ལུས་རི་བོ་མཆོག་རབ་དང་བཅས་པ་ངེས་པར་མནན་ནས་དུ་བ་དང་མེ་འབར་བར་བྱེད་དོ་སྙམ་ནས། ཁྱེད་གང
281a2 ཡིན་ཞེས་དྲིས་སོ། །བདག་མཽད་གལ་ཞེས་བྱའོ། །བཙུན་པ་རང་གི་གཟུགས་ཀྱིས་གནས་པར་གྱིས་ཤིག་།གནས་བརྟན་གྱིས་ཀླུའི་ལུས་དོར་ནས། དེའི་རྣ་བ་གཡས་པའི་བུ་ག་ནས་ཞུགས་ཏེ། རྣ་བ་གཡོན་པའི་བུ་ག་ནས་འཐོན་ནོ། །ཡང
281a3 རྣ་བ་གཡོན་པའི་བུ་ག་ནས་ཞུགས་ནས། རྣ་བ་གཡས་པའི་བུ་ག་ནས་འཐོན་ནོ། །དེ་བཞིན་དུ་སྣ་གཡས་པའི་བུ་ག་ནས་ཞུགས་ནས། སྣ་གཡོན་པའི་བུ་ག་ནས་འཐོན་ཏེ། ཡང་སྣ་གཡོན་པའི་བུ་ག་ནས་ཞུགས་ནས། སྣ་གཡས
281a4 པའི་བུ་ག་ནས་འཐོན་ནོ། །དེ་ནས་ཀླུའི་རྒྱལ་པོའི་ཁ་གདངས་སོ། །གནས་བརྟན་ཁར་ཞུགས་ནས། གསུས་པའི་ནང་དུ་མདུན་རྒྱབ་དུ་ཡང་དང་ཡང་དུ་རྒྱུས་སོ། །བཅོམ་ལྡན་འདས་ཀྱིས་མཽད་གལ་རྫུ་འཕྲུལ་ཆེར་ཡིད་ལ་གྱིས་ཤིག
281a5 ཀླུ་རྫུ་འཕྲུལ་ཆེན་པོ་དང་ལྡན་པ་ཡིན་ནོ་ཞེས་བཀའ་སྩལ་ཏོ། །གནས་བརྟན་གྱིས་བཙུན་པ། བདག་གིས་རྫུ་འཕྲུལ་གྱི་རྐང་པ་བཞི་བསྒོམས་པ་དང་། མང་དུ་བྱས་པ་དང་། བརྩོན་པར་བྱས་པ་དང་། གཞིར་བྱས་པ་དང་། རྗེས་སུ་བསྒྲུབས
281a6 པ་དང་། འདྲིས་པར་བྱས་པས་ལེགས་པར་བརྩམས་སོ། །བཙུན་པ། དགའ་བོ་ཉེར་དགའ་ལྟ་ཞོག་།དགའ་བོ་ཉེར་དགའ་དང་མཚུངས་པར་བརྒྱའི་ཚོགས་དང་། །སྟོང་གི་ཚོགས་དང་། འབུམ་གྱི་ཚོགས་ཀྱང་བདག་གིས་གདུལ་བར་ནུས་སོ། །
281a7 ཞེས་གསོལ་ཏོ། །ཀླུའི་རྒྱལ་པོས་བསམས་པ་ནང་ན་རྒྱུ་བ་བདག་གིས་མ་མཐོང་ངོ་། །ཕྱིར་འབྱུང་བའི་ཚེ་མཆེ་བ་གཉིས་ཀྱི་བར་དུ་བཟའ་བོ་སྙམ་ནས། བཙུན་པ་ཕྱིར་ཤོག་།ངའི་ལྟོ་བའི་ནང་དུ་ཡང་དང་ཡང་དུ་རྒྱུ་བ་དང་སྡོད་པས་ཅི་བྱ
281a8 ཞེས་པས། གནས་བརྟན་ཕྱིར་བྱོན་ནས་གནས་སོ། །ཀླུའི་རྒྱལ་པོས་མཐོང་ནས། འདི་ཡིན་ནམ་ཞེས་སྨྲས་ཏེ། སྣའི་རླུང་ཕྱིར་བཏང་ངོ་། །གནས་བརྟན་བསམ་གཏན་བཞི་པོ་མཉམ་པར་ཐོབ་པས། བ་སྤུའི་བུ་ག་གཅིག་ཏུ་ཡང
iiif viewer powered by OpenSeadragon
