| e-texts navigator |
| Wylie |
280b1 མཚན་མཐོང་ངོ་། །བཙུན་པ་ཅིའི་རྒྱུ་ཅིའི་རྐྱེན་ལགས། ད་ནི་རི་བོ་མཆོག་རབ་མི་མཐོང་བར་གྱུར། བཅོམ་ལྡན་འདས་ཀྱིས་བཀའ་སྩལ་པ། ཡུལ་འཁོར་སྐྱོང་འདི་ནི་ཀླུའི་རྒྱལ་པོ་དགའ་བོ་ཉེར་དགའ་ཞེས་བྱ་བ་ཁྱེད་རྣམས
280b2 ལ་ཁྲོས་པར་གྱུར་ཏེ། རི་བོ་མཆོག་རབ་ལན་བདུན་དུ་ལུས་ཀྱིས་དཀྲིས་ནས་སྟེང་དུ་གདེངས་ཀས་བསྒྲིབས་སོ། །མུན་པ་མུན་ནག་ཏུ་བྱས་ནས་གནས་སོ། །གསོལ་པ། བཙུན་པ་བདག་གིས་གདུལ་བར་བགྱི་འམ། བཅོམ
280b3 ལྡན་འདས་ཀྱིས་གནང་བ་མ་བྱིན་ནོ། །དེ་ནས་ཚེ་དང་ལྡན་པ་བཟང་ལྡན་དང་། ཚེ་དང་ལྡན་པ་སྒྲ་གཅན་འཛིན་ཏེ། གོ་རིམས་བཞིན་དུ་དགེ་སློང་ཐམས་ཅད་ཀྱིས་ཞུས་སོ། །བཅོམ་ལྡན་འདས་ཀྱིས་རྗེས་སུ་གནང་བ་མ་བྱིན
280b4 ནོ། །ཐམས་ཅད་ཀྱི་རྗེས་སུ་གནས་བརྟན་ཆེན་པོ་མཽད་གལ་གྱི་བུས་བཙུན་པ་བདག་གིས་གདུལ་བར་བགྱི་འམ་ཞེས་ཞུས་པ་དང་། མཽད་གལ་གྱི་བུ་ཐུལ་ཅིག་ཅེས་བཅོམ་ལྡན་འདས་ཀྱིས་གནང་བ་བྱིན་ནོ། །གནས
280b5 བརྟན་རང་གི་ལུས་བོར་ལ་ཀླུའི་རྒྱལ་པོའི་ལུས་ཆེན་པོར་སྤྲུལ་ཏེ། དགའ་བོ་ཉེར་དགའི་ལུས་ཀྱི་སྟེང་དུ་ལན་བཅུ་བཞི་ལུས་ཀྱིས་དཀྲི་བ་དང་། དེའི་གདེངས་ཀའི་སྟེང་དུ་རང་གི་གདེངས་ཀ་བྱའོ། །རི་བོ་མཆོག་རབ་དང་བཅས
280b6 པ་ཐམས་ཅད་ནོན་ཅིག་ཅེས་བཀའ་སྩལ་པ་དང་། གནས་བརྟན་མཽད་གལ་གྱི་བུས་དེ་བཞིན་དུ་བྱས་སོ། །དེ་ནས་ཀླུའི་རྒྱལ་པོ་དགའ་བོ་ཉེར་དགས་ཁ་བརླངས་ཀྱི་དུ་བ་བཏང་ངོ་། །གནས་བརྟན་གྱིས་ཀྱང་ཁྱེད
280b7 ཀྱི་ལུས་ལ་ཁ་བརླངས་ཀྱི་དུ་བ་ཡོད་ལ་ངེད་ལ་མེད་པ་ཡིན་ནམ་ཞེས་ཁ་བརླངས་བཏང་ངོ་། །ཀླུའི་རྒྱལ་པོ་དགའ་བོ་ཉེར་དགའི་དུ་བས་གནས་བརྟན་ལ་གནོད་པར་མ་གྱུར་ཏོ། །གནས་བརྟན་གྱི་ཁ་བརླངས་ཀྱི་དུ་བས
280b8 ཀླུའི་རྒྱལ་པོ་ལ་གནོད་པར་གྱུར་ཏོ། །ཀླུའི་རྒྱལ་པོ་རབ་ཏུ་འབར་རོ། །གནས་བརྟན་གྱིས་ཁྱེད་ཀྱི་ལུས་ལ་འབར་བ་ཡོད་པ་བཞིན་ངེད་ལ་མེད་དམ་ཞེས་འབར་བར་བྱས་སོ། །ཀླུའི་རྒྱལ་པོའི་མེ་འོད་ཀྱིས་གནས་བརྟན་ལ་གནོད་པར
iiif viewer powered by OpenSeadragon
