| e-texts navigator |
| Wylie |
279a1 དག་པར་སྦྱངས་སོ་སྙམ་དུ་བསླབ་པར་བྱའོ། །སེམས་མངོན་པར་དགའ་བ་བསྐྱེད་པ་དང་དབུགས་ཐུང་ངུ་རྒྱུས་པ་ན་རྒྱུས་སོ་ཞེས་བསླབ་པར་བྱའོ། །སེམས་མངོན་པར་དགའ་བ་བསྐྱེད་པ་དང་ཤིན
279a2 ཏུ་སྦྱངས་སོ་སྙམ་དུ་བསླབ་པར་བྱའོ། །སེམས་ཞི་གནས་ལ་གནས་པས་དབུགས་ཐུང་ངུ་རྒྱུས་ན་རྒྱུས་སོ་སྙམ་དུ་བསླབ་པར་བྱའོ། །སེམས་ཞི་གནས་ལ་གནས་པས་ལྷག་མཐོང་དུ་གནས་པར་བསླབ་པར་བྱའོ། །སེམས་རྣམ
279a3 པར་གྲོལ་བས་དབུགས་ཐུང་ངུ་རྒྱུས་ན་རྒྱུས་སོ་ཞེས་བསླབ་པར་བྱའོ། །སེམས་རྣམ་པར་གྲོལ་བས་ལྷག་མཐོང་ལ་གནས་པར་བསླབ་པར་བྱའོ། །མི་རྟག་པར་རྗེས་སུ་ལྟ་བས་དབུགས་ཐུང་ངུ་རྒྱུས་ན་རྒྱུས་སོ་སྙམ་དུ་བསླབ་པར་བྱའོ། །
279a4 མི་རྟག་པར་རྗེས་སུ་ལྟ་བས་ལྷག་མཐོང་ལ་གནས་པར་བསླབ་པར་བྱའོ། །འདོད་ཆགས་དང་བྲལ་བར་རྗེས་སུ་བལྟ་བས་དབུགས་ཐུང་ངུ་རྒྱུས་ན་རྒྱུས་སོ་སྙམ་དུ་བསླབ་པར་བྱའོ། །འདོད་ཆགས་དང་བྲལ་བར་རྗེས་སུ་ལྟ་བས་ལྷག་མཐོང་ལ་གནས
279a5 པར་བསླབ་པར་བྱའོ། །འགོག་པ་ལ་རྗེས་སུ་བལྟ་བས་དབུགས་ཐུང་ངུ་རྒྱུས་ན་རྒྱུས་སོ་སྙམ་དུ་བསླབ་པར་བྱའོ། །འགོག་པ་ལ་རྗེས་སུ་ལྟ་བས་ལྷག་མཐོང་ལ་གནས་པར་བསླབ་པར་བྱའོ། །སོ་སོར་སྤོང་བ་རྗེས་སུ་ལྟ་བས་དབུགས
279a6 ཐུང་ངུ་རྒྱུས་ན་རྒྱུས་སོ་སྙམ་དུ་བསླབ་པར་བྱའོ། །སོ་སོར་སྤོང་བར་རྗེས་སུ་ལྟ་བས་ལྷག་མཐོང་ལ་གནས་པར་བསླབ་པར་བྱའོ། །ཀུན་དགའ་བོ་དབུགས་རྔུབས་པ་དང་དབྱུང་བ་རྗེས་སུ་དྲན་པ་འདི་བཤད་པར་བྱའོ། །དེར
279a7 ཡང་ཀུན་དགའ་བོའི་གནས་སུ་སོང་ལ། འདུ་ཤེས་བཅུ་པོ་འདི་བཤད་པར་བྱའོ། །གནས་གཞན་ཡང་ཡོད་དེ་དགེ་སློང་རིའི་ཀུན་དགའ་བོས་འདུ་ཤེས་བཅུ་པོ་འདི་ཐོས་ན་དེའི་ནད་ཐམས་ཅད་ཞི་བར་འགྱུར་རོ། །དེ་ནས
279a8 ཡང་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལས་མཉན་ཏེ། ཚེ་དང་ལྡན་པ་རིའི་ཀུན་དགའ་བོའི་གནས་སུ་སོང་ནས། ཚེ་དང་ལྡན་པ་རིའི་ཀུན་དགའ་བོ་ལ། འདུ་ཤེས་བཅུ་སོ་སོར་བཤད་དོ། །དེ་ནས་ཚེ་དང་ལྡན་པ
iiif viewer powered by OpenSeadragon
