| e-texts navigator |
| Wylie |
278a1 ཤེས་རྣམས་དུ་ཞེ་ན། དགེ་སློང་ཀུན་དགའ་བོ་འདི་ནི་འདོད་པ་ལས་སྐྱེས་པ་སྟེ། མི་གནས་པར་དོར་བར་བྱའོ། །རྣམ་པར་གཞིག་པ་དང་། གོམས་པར་མི་བྱེད་པ་དང་། མི་བསྒོམ་པར་འགྲོ་བ་དང་། རྣམ་པར
278a2 འཚེ་བའི་རྣམ་རྟོག་ལས་སྐྱེས་པ་དང་། མི་གནས་པ་སྟེ་དོར་བར་བྱའོ། །རྣམ་པར་གཞིག་པ་དང་། གོམས་པར་མི་བྱེད་པ་དང་། མི་བསྒོམ་པར་འགྲོ་བ་སྟེ་སྐྱེས་ཤིང་སྐྱེས་པའི་སྡིག་པ་མི་དགེ་བའི་ཆོས་མི་གནས་པ་སྟེ
278a3 དོར་བར་བྱའོ། །རྣམ་པར་གཞིག་པ་དང་། གོམས་པར་མི་བྱེད་པ་དང་། མི་བསྒོམ་པར་འགྲོ་བ་སྟེ། ཀུན་དགའ་བོ་འདི་ནི་སྤོང་བའི་འདུ་ཤེས་སོ། །ཀུན་དགའ་བོ་འདོད་ཆགས་དང་བྲལ་བའི་འདུ་ཤེས་དུ་ཞེ་ན། དགེ་སློང
278a4 ཀུན་དགའ་བོ་འདི་ནི་དགོན་པ་འམ། ཤིང་དྲུང་ངམ། ཁང་སྟོང་དུ་སོང་སྟེ་སོ་སོར་བརྟག་པར་བྱའོ། །འདི་ནི་ཞི་བ་དང་། གྱ་ནོམ་པ་གང་འདི་ནི་འདུས་བྱས་ཐམས་ཅད་གནས་པ་དང་། སྐྱེ་བ་དང་། བསྒྱུར་བ་དང་། སྲེད་པ་ཟད
278a5 པ་དང་། འགོག་པ་དང་། མྱ་ངན་ལས་འདས་པའོ། །ཀུན་དགའ་བོ་འདི་ནི་འགོག་པའི་འདུ་ཤེས་སོ། །ཀུན་དགའ་བོ་འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་དུ་ཞེ་ན། དགེ་སློང་ཀུན་དགའ་བོ་འདི་ནི
278a6 གང་ཞིག་འཇིག་རྟེན་པ་ཐབས་དང་ཉེ་བར་སྐྱེ་བ་དང་། རྟོག་པ་དང་། གནས་པ་དང་། བག་ལ་ཉལ་བ་བོར་ཏེ་དགའ་བ་མི་བསྐྱེད་པར་རོ། །ཀུན་དགའ་བོ་འདི་ནི་འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས
278a7 སུ་བསྟན་པར་བྱའོ། །ཀུན་དགའ་བོ་འདུ་བྱེད་ཐམས་ཅད་མི་རྟག་པའི་འདུ་ཤེས་དུ་ཞེ་ན། དགེ་སློང་ཀུན་དགའ་བོ་འདི་ནི་འདུ་བྱེད་ཐམས་ཅད་ལ་ཞེན་པ་མེད་པ་དང་། སྤོང་བ་དང་། སྐྱུག་བྲོ་བ་སྟེ། ཀུན་དགའ་བོ་འདི་ནི
278a8 འདུ་བྱེད་ཐམས་ཅད་མི་རྟག་པའི་འདུ་ཤེས་སུ་བསྟན་པར་བྱའོ། །ཀུན་དགའ་བོ་དབུགས་རྔུབ་པ་དང་དབྱུང་བ་རྗེས་སུ་དྲན་པ་དུ་ཞེ་ན། དགེ་སློང་ཀུན་དགའ་བོ། དགོན་པ་འམ། ཤིང་དྲུང་ངམ། ཁང་སྟོང་དུ་སོང་སྟེ་འདུག་ལ
iiif viewer powered by OpenSeadragon
