| e-texts navigator |
| Wylie |
277a1 འགོག་པའི་འདུ་ཤེས་དང་། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་དང་། འདུ་བྱེད་ཐམས་ཅད་ལ་མི་རྟག་པའི་འདུ་ཤེས་དང་། འབྱུང་བ་དང་རྔུབ་པ་རྗེས་སུ་དྲན་པའི་འདུ་ཤེས་སོ། །
277a2 མི་རྟག་པའི་འདུ་ཤེས་དུ་ཞེ་ན། འདི་ནི་ཚེ་དང་ལྡན་པ་ཀུན་དགའ་བོ། དགོན་པ་འམ། ཤིང་དྲུང་ངམ། ཁང་པ་སྟོང་པར་སོང་ལ་འདི་ནི་སོ་སོར་རིག་པར་བྱའོ། །གཟུགས་མི་རྟག་པ་དང་། ཚོར་བ་མི་རྟག་པ་དང་། འདུ
277a3 ཤེས་མི་རྟག་པ་དང་། འདུ་བྱེད་མི་རྟག་པ་དང་། རྣམ་པར་ཤེས་པ་མི་རྟག་པ་སྟེ་འདི་རྣམས་ལ་ཉེ་བར་ལེན་པའི་ཕུང་པོ་ལྔ་པོ་མི་རྟག་པར་བལྟ་བར་བྱའོ། །དེ་ལ་མི་རྟག་པའི་འདུ་ཤེས་སྟོན་ཅིག་།ཀུན་དགའ་བོ་བདག
277a4 མེད་པའི་འདུ་ཤེས་དུ་ཞེ་ན། འདི་ནི་དགེ་སློང་ཀུན་དགའ་བོ། དགོན་པ་འམ། ཤིང་དྲུང་ངམ། ཁང་པ་སྟོང་པར་སོང་ལ་འདི་ནི་སོ་སོར་རིག་པར་བྱའོ། །མིག་བདག་མེད་པ་དང་། གཟུགས་བདག་མེད་པ་དང་། རྣ་བ་བདག
277a5 མེད་པ་དང་། སྒྲ་བདག་མེད་པ་དང་སྣ་བདག་མེད་པ་དང་། དྲི་བདག་མེད་པ་དང་། ལྕེ་བདག་མེད་པ་དང་། རོ་བདག་མེད་པ་དང་། ལུས་བདག་མེད་པ་དང་། རེག་བྱ་བདག་མེད་པ་དང་། ཡིད་བདག་མེད་པ་དང་། ཆོས་བདག་མེད་པ་སྟེ།
277a6 འདི་རྣམས་ནི་ནང་གི་དྲུག་དང་ཕྱིའི་སྐྱེ་མཆེད་དྲུག་བདག་མེད་པའོ། །བདག་མེད་པ་ལ་ལྟ་ཞིང་བསམ་པར་བྱའོ། །ཀུན་དགའ་བོ་བདག་མེད་པ་འདི་རྣམས་སྟོན་ཅིག་།ཀུན་དགའ་བོ་མི་གཙང་བའི་འདུ་ཤེས་ནི་དགེ་སློང
277a7 ཀུན་དགའ་བོ་འདི་ནི་ལུས་འདི་ཉིད་ལ་སྤྱི་གཙུག་ནས་འོག་གི་རྐང་མཐིལ་གྱི་བར་གྱི། པགས་པའི་ཕྱི་ཤུན་གྱི་བར་གང་བར་རྣམ་པ་སྣ་ཚོགས་པའི་མི་གཙང་བ་སོ་སོར་བརྟག་པར་བྱའོ། །ལུས་འདི་ལ་སྐྲ་དང་། བ་སྤུ་དང་།
277a8 སེན་མོ་དང་། སོ་དང་། ལྤགས་པའི་ཕྱི་ཤུན་དང་། ཤ་དང་། ཆུ་བ་དང་། རུས་པ་དང་། རྐང་མར་དང་། མཁལ་མ་དང་། སྙིང་དང་། མཚེར་པ་དང་། གློ་བ་དང་། སུལ་མང་དང་། ཕོ་བ་དང་། རྒྱུ་མ་དང་། རྒྱུ་མའི་གཉེ
iiif viewer powered by OpenSeadragon
