| e-texts navigator |
| Wylie |
275b1 རིང་དུ་མི་གནས་པ་བཞིན་དུ། སྨྲས་པའི་ཚིག་ལ་རལ་གྲིས་སྐེ་འབྲེག་པའི་ཚེ་ཚིག་གཉིས་མི་སྨྲ་བ་བཞིན་ནོ། །བདེན་པ་ཡུན་རིང་པོར་སྨྲས་པས་དགེ་སྦྱོང་དང་བྲམ་ཟེས་ཕ་རོལ་དུ་སྒྲོལ་བར་བྱེད་དོ། །ཆང་འཐུངས་པ་ནི་ཚ་བའི
275b2 དམྱལ་བར་ལྟུང་ཞིང་སྐྱེ་བར་འགྱུར་རོ། །དེར་ལྷུང་བའི་སེམས་ཅན་ནི་ལོ་སྟོང་ཕྲག་མང་པོར་འཚེད་པར་འགྱུར་རོ། །དེ་ནས་ཕྱིར་ཕྱུང་ནས་ཆུ་བོ་རབ་མེད་ཀྱི་ངོགས་སུ་སྐྱུར་བར་བྱེད་དོ། །གང་དུའང་འགྲོ་ས་མེད་པར་ཡང་དང་ཡང་དུ
275b3 སྐྱལ་བར་བྱེད་དོ། །དེར་དམྱལ་བའི་བསྲུངས་མ་རྣམས་ཀྱིས་མཆིལ་པའི་ཉ་འདོན་པ་ལྟར། ལྕགས་བསྲེགས་ཀྱི་ས་གཞི་ལ་རྡེབས་པར་བྱེད་དོ། །འདི་ལྟར་སྒྲོགས་ཏེ། ཀྱེ་སྐྱེས་བུ་ཁྱོད་ཅི་འདོད། ཇོ་བོ་སྐོམ་མོ། །དམྱལ་བའི་བསྲུངས་མ་དེས
275b4 ལྕགས་འབར་བའི་ལྕགས་ཀྱུས་ཁ་ཕྱེ་སྟེ་ལྕགས་བཞུ་བའི་ཁུ་བ་ལྡུགས་པར་བྱེད་དོ། །དེ་ལ་དེ་ཡི་མཆུ་སྲེག་གོ། །མགྲིན་པ་ཡང་སྲེག་གོ། །བྲང་སྲེག་གོ། །རྒྱུ་མ་སྲེག་གོ། །སྙིང་ཡང་སྲེག་གོ། །བཤང་ལམ་ནས་མར་འཐོན་པར་བྱེད་དོ། །
275b5 དེ་རྣམས་ཀྱིས་སྡུག་བསྔལ་མྱོང་བར་བྱེད་ཅིང་། ངུ་ལ་འདྲེ་བར་བྱེད་དོ། །དེའི་དུས་སུ་ཡང་འཆི་བར་ནི་མི་འགྱུར་ཏེ། ཇི་སྲིད་ཀྱི་བར་དུ་སྡིག་པའི་ལས་ཀྱི་འབྲས་བུ་མྱོང་བར་བྱེད་དོ། །དེ་སྲིད་དུ་དེ་རྣམས་ཀྱིས་རྣམ་པར་སྨིན་པའི་ཚོར་བ
275b6 མྱོང་བར་བྱེད་དོ། །དེའི་ཕྱིར་བཅོམ་ལྡན་འདས་ཀྱིས་བཀའ་སྩལ་པ། ཚ་ཞིང་རྩུབ་པའི་ཆུ་བོ་ནི། །རབ་མེད་ཤིན་དུ་བགྲོད་པར་དཀའ། །ལྕགས་ཀྱི་པད་མའི་འདབ་མ་རྣམས། །འདབ་མ་རྣོ་བའི་སྟེང་དུ་འགྲེ། །ཆུ་བོ་རབ་མེད་གཞི་མེད
275b7 པར། །ཆོས་མིན་ཇི་ལྟར་སྤྱོད་པར་འགྱུར། །གང་ཞིག་ཆང་འཐུང་བ་དེ་ནི་སྡིག་པ་ཆུང་བ་མ་ཡིན་ནོ། །དེ་མིར་གྱུར་ཀྱང་རྟག་ཏུ་བརྗེད་ངས་པ་དང་། ལུག་ལྟར་ལྐུགས་པ་དང་། ཤེས་རབ་འཆལ་པ་དང་། རིག་པ་མི་ཤེས་པ་དང་། རྟག་ཏུ
275b8 གཉིད་དུ་འགྲོ་བ་དང་། བློ་གྲོས་དམན་པ་དང་། གཏི་མུག་ཆེ་བ་དང་། འཇིགས་པ་དང་། སྐྲག་པར་འགྱུར་བ་དང་། དོགས་པར་འགྱུར་བ་དང་། ཕྲ་མ་ཅན་དང་། ཚིག་མི་བརྟན་པ་དང་། སེར་སྣ་ཅན་དང་། ཕྲག་དོག་ཅན་དང་། ངེས
iiif viewer powered by OpenSeadragon
