| e-texts navigator |
| Wylie |
275a1 དེ་ལུས་ཞིག་ནས་ཤི་བའི་ཕ་རོལ་དུ་ཐིག་ནག་ཏུ་སྐྱེ་བར་འགྱུར་རོ། །དེའི་ཕྱིར་བཅོམ་ལྡན་འདས་ཀྱིས་བཀའ་སྩལ་པ། ཁ་ནས་རྣག་གི་དྲི་ལྡང་ཞིང་། །དཔག་ཚད་གཅིག་ཏུ་དྲི་ངན་འགྲོ། །ཆོས་ནི་ཤེས་པར་མི་འགྱུར་བ། །རྫུན་དུ
275a2 སྨྲས་པའི་ཉེས་པའོ། །བརྫུན་དུ་སྨྲས་པའི་རྣམ་པར་སྨིན་པའོ། །བརྫུན་དུ་སྨྲ་བ་སྤངས་པ་ཡིས། །སྐྱེས་པ་འམ་ནི་བུད་མེད་ནི། །ཐོབ་པར་འགྱུར་ཏེ་ཕན་ཡོན་ནི། །སུམ་བཅུ་རྩ་གསུམ་མི་ཉུང་བའི། །མིག་དང་རྣ་བ་སྣ་དང་ནི། །
275a3 ལྕེ་དང་ལུས་དང་དེ་བཞིན་ཡིད། །དེ་ལ་རྣམ་པར་དག་པར་འགྱུར། །པད་མའི་ཟེ་འབྲུ་ལྟར་མཚུངས་སོ། །མིག་དང་སོ་ནི་མཉམ་པ་དང་། །ལུས་ནི་མི་རིང་མི་ཐུང་ལ། །ཧ་ཅང་སྦོམ་དང་ཕྲ་བ་མིན། །འདི་ལྟར་ལེགས་པར་བཤད་པའི་ཚིག་།
275a4 ཇི་ལྟར་ཨུཏ་པ་ལ་ཡི་དྲི། །རྟག་ཏུ་ཀུན་ད་ཁ་ཡི་དྲི། །གཡོག་རྣམས་ཐམས་ཅད་བསྙེན་བཀུར་འགྱུར། །མཆོད་པར་འོས་པའི་ཚིག་གིས་སོ། །ཆོས་རྣམས་ཀུན་ལ་མཁས་པ་དང་། །དོན་དང་ཚིག་འབྲུ་རྣམ་པར་མཁས། །སེམས
275a5 ཀྱི་རྟོག་ལ་ཞུམ་པ་མེད། །རྟག་ཏུ་ཁྱད་པར་འཕགས་པའི་ཚིག་།བརྫུན་དུ་སྨྲ་བ་སྤངས་པ་ཡིས། །སྐྱེས་པ་འམ་ནི་བུད་མེད་ཀྱིས། །ཕན་ཡོན་འདི་ནི་མྱོང་བར་འགྱུར། །ལྷ་དང་མི་རུ་སྐྱེས་པ་ན། དེའི་ལུས་ཞིག་ནས་ཤི་བའི་ཕ
275a6 རོལ་དུ་བདེ་འགྲོ་ལྷའི་འཇིག་རྟེན་དང་མཐོ་རིས་སུ་སྐྱེའོ། །བརྫུན་དུ་སྨྲ་བ་ཞེས་བྱ་བ་ནི། ཁ་ན་མ་ཐོ་བ་དང་བཅས་པའོ། །འདོད་པའི་དོན་རྣམས་ལ་རིགས་ཀྱི་བུས་མི་བྱ་བ་ཉིད་དོ། །བདེན་པ་དང་ལེགས་པའི་བཅུད་རྣམས་དེ་ལྟ་བུ་ནི་བླང་བར་བྱའོ། །
275a7 བརྫུན་དུ་སྨྲ་བ་ཞེས་བྱ་བ་དོན་མེད་པར་བྱེད་པའོ། །འཇིག་རྟེན་སླུ་བར་བྱེད་དོ། །སྐྱེ་བ་གཞན་དུ་མར་མནར་མེད་པའི་དམྱལ་བར་སྐྱེ་བར་འགྱུར་རོ། །དེའི་ཕྱིར་འཚོ་བའི་སླད་དུ་བརྫུན་དུ་སྨྲ་བར་མི་བྱའོ། །ཐམས་ཅད་མཁྱེན་པ་སངས་རྒྱས། བྱང
275a8 ཆུབ་སེམས་དཔའ་སྒྲིབ་པ་དང་བཅས་པའི་དུས་ན་འང་ཕྲ་མ་ནི། ཡུང་བའི་ཁ་དོག་ལྟར་ཡུན་རིང་པོར་མི་གནས་སོ། །ཕུབ་མའི་ཕུང་པོའི་སྟེང་དུ་ཕུར་པ་བཙུགས་ན་ཡུན་རིང་དུ་མི་གནས་པ་བཞིན་ནོ། །རྟའི་རྒྱབ་དུ་ཤིང་ཐོག་རིལ་བུ་བཞག་ན་ཡུན
iiif viewer powered by OpenSeadragon
