| e-texts navigator |
| Wylie |
274b1 འབར་བའི་ལྕགས་ཀྱུ་ཁ་རུ་བཅུག་ནས་མཆིལ་པའི་ཉ་ལ་བྱ་བ་བཞིན་དུ། ལྕེའི་རྩེ་མོ་ཕྱི་རོལ་དུ་ཕྱུང་སྟེ། ཐག་པས་བཅིངས་ནས་ཕྱི་རོལ་དུ་འདོན་ཏོ། །དེ་ལྟར་ཕྱི་རོལ་དུ་བཏོན་པ་ལ། ལྕེའི་རྩེ་མོ་ལ་མཚོན་ཆས་བརྒྱབ་ནས་བརྒྱབ་པའི
274b2 གནས་སུ་མཆུ་རང་ལ་སྐྱེས་པའི་སྲིན་བུ་ཆེན་པོས་ཟའོ། །དེ་ལྟར་ཟོས་པས་ཅུང་ཟད་ཀྱང་སྨྲ་བར་མི་ནུས་སོ། །དེ་ལྟར་དེ་ནི་དེ་ལ་ལོ་སྟོང་ཕྲག་དུ་མར་འཚེད་པར་འགྱུར་རོ། །བཙོས་ནས་ཡང་དམྱལ་བ་ཆེན་པོར་ལྷུང་བར་འགྱུར་རོ། །དེའི
274b3 ཕྱིར་བཅོམ་ལྡན་འདས་ཀྱིས་བཀའ་སྩལ་པ། གང་ཞིག་བུད་མེད་སྐྱེས་པ་འདོད། །སྐྱེ་བ་སྐྱེ་བར་ཡང་དང་ཡང་། །ལྷ་དང་ལྷ་མོ་ཇི་བཞིན་དུ། །རང་གི་ཁྱོ་ནི་སྤང་མི་བྱ། །བརྫུན་དུ་སྨྲས་པས་སླར་ཡང་ཐིག་ནག་ཏུ་སྐྱེ་བར་འགྱུར་རོ། །དེར་ཡང
274b4 དམྱལ་བའི་སྲུང་མ་རྣམས་ཀྱིས་སྒྲ་ཆེན་པོའི་ཚིག་སྒྲོགས་ཤིང་། མཚོན་ཆ་འབར་བ་སྣ་ཚོགས་པ་བླངས་ནས་ལྕགས་བསྲེགས་ཀྱི་ས་གཞི་ལ་དམྱལ་བའི་སེམས་ཅན་གཅིག་གིས་གཅིག་འགྲུད་པ་དང་། འབར་བའི་ཐིག་ནག་པོས
274b5 འདེབས་པ་དང་། འབར་བའི་མཚོན་ཆ་བཟུང་ནས་ཡང་དག་པར་བསྒྱུར་བ་དང་། ཞིབ་མས་འཚག་པ་བཞིན་དུ་སྟེའུ་དང་དགྲ་སྟས་འཇོག་པ་དང་། དེ་རྣམས་ཀྱིས་སྒྲ་ཆེན་པོ་སྒྲོགས་ཏེ་ངུ་ཞིང་གནས་སོ། །རང་གི་ཁྲག་འཐུང་ཞིང་ནང་དུ
274b6 དེར་གནས་པ་དེ་ཐིག་ནག་སྟེ་བརྫུན་དུ་སྨྲས་པས་སྐྱེའོ། །དེར་སྡུག་བསྔལ་དྲག་པ་དང་། རྩུབ་པ་དང་། ཚ་བའི་ཚོར་བ་མྱོང་བར་འགྱུར་རོ། །དགེ་སློང་དག་བརྫུན་དུ་སྨྲ་བ་ནི་སྦྲུལ་དུག་ཅན་དང་འདྲ་བར་ཡིད་ལ་བྱའོ། །དེས་སྡུག་བསྔལ
274b7 མང་པོ་བྱེད་དོ། །དམྱལ་བར་འཇུག་པ་དང་། ཡི་དགས་ཀྱི་ཡུལ་དུ་འཇུག་པ་དང་། དུད་འགྲོའི་སྐྱེ་གནས་སུ་སྐྱེ་བར་འགྱུར་རོ། །གང་ཞིག་བརྫུན་དུ་སྨྲ་བ་ནི་རྣམ་པར་སྨིན་པ་ཆེན་པོའོ། །དེ་མིར་སྐྱེས་ཀྱང་སྙིང་རྗེ་མེད་པ་དང་། སྐད
274b8 བྱ་རོག་གི་དང་འདྲ་བ་དང་། ལྕེ་མི་བདེ་བ་དང་། སོ་ལ་སྲིན་འབྱུང་བ་དང་། ཁ་དྲི་མི་ཞིམ་པ་དང་། སོ་མི་སྙོམས་པ་དང་། ཚིག་རྩུབ་པ་དང་། གྲེ་བ་འཛེར་བ་དང་། མཆུ་མི་བདེ་བ་དང་། ཕྲག་དོག་དང་བཅས་པ་དང་། རྟག་ཏུ་སྲེད་པ་དང་ལྡན་པ་དང་།
iiif viewer powered by OpenSeadragon
