| e-texts navigator |
| Wylie |
273a1 པ་འམ་ནི་བུད་མེད་ནི། །ཐོབ་པར་འགྱུར་ཏེ་ཕན་ཡོན་ནི། །ཡོན་ཏན་ཉི་ཤུ་མི་དམན་པར། །རྟག་ཏུ་འབྲུ་ནི་མང་བ་དང་། །མཐའ་ཡས་ལོངས་སྤྱོད་ཕུན་སུམ་ཚོགས། །སྔར་མེད་པ་ནི་རབ་ཏུ་འཕེལ། །འདོད་པ
273a2 རྣམས་ནི་བརྟན་པ་དང་། །གཟུགས་སྒྲ་རོ་དང་དྲི་དང་ནི། །རེག་བྱ་རྣམས་ནི་ཡིད་དུ་འོང་། །དོན་དུ་གཉེར་བ་ཐམས་ཅད་ལ། །བསམ་པ་ཐམས་ཅད་མྱུར་དུ་འགྲུབ། །དེ་ལ་རྒྱལ་པོ་ཆོམ་རྐུན་དང་། །མི་མཛའ་བ་ཡིས་མི་འཕྲོགས
273a3 དང་། །མེ་འམ་ཡང་ན་ཆུ་དང་ནི། །དེ་རྣམས་ཀྱིས་ནི་འཚེ་མི་འགྱུར། །འདི་འདྲ་བ་ཡི་ལོངས་སྤྱོད་ལྡན། །གང་ཞིག་སྟེར་དང་ཟ་བ་ལ། །མེད་ཅེས་པ་ནི་འབྱུང་མི་འགྱུར། །རྟག་ཏུ་བདེ་བར་གནས་པ་དང་། །མ་བྱིན་ལེན་པ
273a4 སྤངས་པ་ཡིས། །སྐྱེས་པ་འམ་ནི་བུད་མེད་ལ། །ཐོབ་པར་འགྱུར་ཏེ་ཕན་ཡོན་ནོ། །ལྷ་རྣམས་དང་ནི་མི་རྣམས་སུའོ། །དེ་ལུས་ཞིག་ཅིང་ཤི་ནས་བདེ་འགྲོ་མཐོ་རིས་དང་ལྷའི་འཇིག་རྟེན་དུ་ཉེ་བར་སྐྱེའོ། །འདོད་པ
273a5 རྣམས་ལ་ལོག་པར་གཡེམ་པས་ནི་འཚོ་བའི་འཇིག་རྟེན་འདིར་འདོད་པར་བྱེད་པ་ནི། དེའི་ལུས་ཞིག་ནས་ཤི་བའི་ཕ་རོལ་དུ་ངུ་འབོད་ཆེན་པོར་སྐྱེ་ཞིང་ལྟུང་བར་འགྱུར་རོ། །དེ་ནས་ཕྱི་རུ་ཆུ་བོ་རབ་མེད་ཀྱི་ངོགས་གཉིས
273a6 སུ། ཤལ་མ་ལིའི་ནགས་དཔག་ཚད་བརྒྱད་བཅུ་གྱེན་དུ་མཉམ་ཞིང་མཐོ་བ། ཚེར་མ་སོར་བཅུ་དྲུག་པ་ཡལ་ག་རྣམས་ཐུར་ལ་འཕྱང་བ། ལུས་པོ་རྒྱང་གྲགས་བཅུ་གཉིས་དང་ལྡན་ཞིང་ལུས་ལ་མེ་གྱེན་དུ་འབར་བ།
273a7 དཔག་ཚད་དྲུག་བཅུར་གྱེན་དུ་འགྲོ་ཞིང་དེ་ལ་རྟག་ཏུ་སྣ་ཚོགས་པའི་མཚོན་གྱིས་ཕན་ཚུན་དུ་གསོད་ཅིང་། དེ་ནི་ཤལ་མ་ལིའི་ཤིང་གི་ནགས་ལ་ཤོན་ནོ། །ལོ་སྟོང་ཕྲག་མང་པོར་ཤིང་གི་ཚེར་མ་ལ་འཛེག་གོ། །གཞན
273a8 ཡང་དམྱལ་བའི་སྲུང་མ་རྣམས་ཀྱིས་མཚོན་བླངས་ནས་བརྒྱབ་པས་ངུ་ཞིང་མགོ་ཐུར་ལ་བསྟན་ནས་ལྷུང་ངོ་། །ལྷུང་བའི་དུས་སུ་ལྕགས་བསྲེགས་ཀྱི་ས་གཞིར་གསལ་ཤིང་བཙུགས་པ་རྣམས་ལ་ལྷུང་ངོ་། །
iiif viewer powered by OpenSeadragon
