| e-texts navigator |
| Wylie |
272b1 འགྱུར་རོ། །ངུ་འབོད་ཅེས་པའི་མིང་ནི་ངུ་འབོད་གཉིས་ཏེ། འབར་བའི་ངུ་འབོད་དང་། དུ་བའི་ངུ་འབོད་དོ། །འབར་བའི་ངུ་འབོད་ནི་ཚེ་བསྐལ་པ་གཅིག་ཏུ་གནས་སོ། །བར་བར་དུ་མེ་འབར་བས་ཡོངས་སུ་གང་བའོ། །དུ་བའི་ངུ
272b2 འབོད་ནི་དུ་བ་འཚུབ་ཅིང་དེ་གཉིས་ལ་མེ་འབར་བས་ངུ་འབོད་དུ་སེམས་ཅན་དམྱལ་བ་རྣམས་འཚེད་དོ། །བུ་ག་དགུ་ནས་མེ་འབྱུང་ཞིང་ལུས་སྲེག་གོ། །འདི་ནི་དུ་བའི་ངུ་འབོད་དོ། །དུ་བའི་ངུ་འབོད་ནི་སེམས་ཅན་དམྱལ་བ་རྣམས
272b3 སུ་འཚེད་དོ། །བུ་ག་དགུ་ནས་དུ་བ་འཚུབ་ཅིང་འབྱུང་ངོ་། །ཇི་ལྟར་ཟན་འཚེད་པ་ལྟར་ལུས་འཚེད་དོ། །སེམས་ཅན་གཉིས་ཀ་མྱ་ངན་གྱི་སྒྲ་ཆེན་པོ་སྒྲོགས་སོ། །དེ་དག་ནི་དེར་སྡུག་བསྔལ་དྲག་ཅིང་རྩུབ་པ་དང་ཚ་བ་མྱོང་བར་འགྱུར་རོ། །
272b4 མ་བྱིན་པར་ལེན་པ་ནི་དགེ་སློང་དག་སྦྲུལ་དུག་ཅན་དང་འདྲ་བར་བལྟ་བར་བྱའོ། །དམྱལ་བར་འཇུག་པ་དང་ཡི་དགས་ཀྱི་ཡུལ་དུ་འཇུག་པ་དང་། དུད་འགྲོའི་སྐྱེ་གནས་སུ་སྐྱེ་བར་འགྱུར་རོ། །གང་ཞིག་མ་བྱིན་པར་ལེན་པའི
272b5 རྣམ་པར་སྨིན་པ་ནི་ཤིན་དུ་ཆེན་པོའོ། །མིར་སྐྱེས་ཀྱང་ལོངས་སྤྱོད་རྣམས་ཉམས་པར་འགྱུར་བ་དང་། མ་བྱིན་པར་བླངས་པའི་སེམས་ཅན་གྱི་ལག་ཏུ་དངོས་པོ་ཅུང་ཟད་ཀྱང་འཆགས་པར་མི་འགྱུར་རོ། །བཟའ་བ་དང་། བཏུང་བ
272b6 དང་། གོས་དང་། སྟན་ལ་སོགས་པ་རྙེད་དཀའ་བར་འགྱུར་བ་དང་། རྒྱུན་མི་འཆད་པར་ཟུག་རྔུ་ཅན་དང་། གཞན་སྡང་བ་དང་། འཚེ་བར་འགྱུར་རོ། །གང་དང་གང་རྙེད་པ་དེ་དང་དེ་ནི་ཉམས་པར་འགྱུར་རོ། །གཞན་གྱིས
272b7 ལོངས་སྤྱོད་པར་འགྱུར་རོ། །གང་འདོད་པའི་ལོངས་སྤྱོད་ནི་རྙེད་དཀའ་བར་འགྱུར་རོ། །དངོས་པོ་ཡོད་པ་རྣམས་འཕེལ་བར་མི་འགྱུར་རོ། །བདེ་བ་དང་འབྲལ་བར་འགྱུར་རོ། །དེའི་ཕྱིར་བཅོམ་ལྡན་འདས་ཀྱིས་གསུངས
272b8 པ། འདིར་ནི་དབུལ་དང་བཀྲེན་པ་དང་། །གཟུགས་ངན་ཉེ་བར་འཚེ་བ་དང་། །རིགས་ངན་དུ་ནི་སྐྱེ་བ་ནི། །མ་བྱིན་ལེན་པའི་ཉེས་པའོ། །མ་བྱིན་པར་ལེན་པའི་རྣམ་པར་སྨིན་པའོ། །མ་བྱིན་ལེན་པ་སྤངས་པ་ཡིས། །སྐྱེས
iiif viewer powered by OpenSeadragon
