| e-texts navigator |
| Wylie |
271b1 འདོད་ཅིང་འདོད་ལ་ཡི་རང་བས། །ལྷ་ཡི་གནས་སུ་དགའ་བར་འགྱུར། །དེའི་ཕྱིར་བསླབ་པ་རྣམ་པ་ལྔ་པོ་བསྲུང་བར་བྱའོ། །འདི་ལྟ་སྟེ། སྲོག་གཅོད་པ་སྤོང་བ་དང་། མ་བྱིན་པར་ལེན་པ་སྤོང་བ་དང་། འདོད་པས་ལོག་པར
271b2 གཡེམ་པ་སྤོང་བ་དང་། བརྫུན་དུ་སྨྲ་བ་སྤོང་བ་དང་། མྱོས་པར་འགྱུར་བའི་ཆང་གི་བཏུང་བ་སྤོང་བའོ། །བསླབ་པ་ལྔ་པོ་འདི་ནི་བསྲུང་བར་བྱའོ། །དེ་ནས་ཡང་དགེ་སློང་རྣམས་ཀྱིས་ཚུལ་ཁྲིམས་ལྔའི་ཕན་ཡོན་ཞུས
271b3 པ། གཞན་ཡང་བཙུན་པ་བཅོམ་ལྡན་འདས་སྲོག་གཅོད་པ་སྤངས་པའི་རྣམ་པར་སྨིན་པ་ཇི་ལྟར་ཤེས་པར་བགྱི། མ་བྱིན་པར་ལེན་པ་སྤངས་པའི་རྣམ་པར་སྨིན་པ་ཇི་ལྟར་ཤེས་པར་བགྱི། འདོད་པས་ལོག་པར
271b4 གཡེམ་པ་སྤངས་པའི་རྣམ་པར་སྨིན་པ་ཇི་ལྟར་ཤེས་པར་བགྱི། བརྫུན་དུ་སྨྲ་བ་སྤངས་པའི་རྣམ་པར་སྨིན་པ་ཇི་ལྟར་ཤེས་པར་བགྱི། མྱོས་པར་འགྱུར་བའི་ཆང་གི་བཏུང་བ་སྤངས་པའི་རྣམ་པར་སྨིན་པ་ཇི་ལྟར་ཤེས་པར
271b5 བགྱི། དེ་ནས་བཅོམ་ལྡན་འདས་ཀྱིས་དེ་རྣམས་ཀྱིས་དྲིས་པ་དེ་བསྟན་ཅིང་རྟོགས་པར་བྱ་བའི་ཕྱིར་བཀའ་སྩལ་པ། དགེ་སློང་དག་སྲོག་གཅོད་པ་ནི་སྦྲུལ་དུག་ཅན་དང་འདྲ་བར་བལྟ་བར་བྱའོ། །སྡིག་པ་དུ་མ་དང་ལྡན་པ་དང་།
271b6 ཡི་དགས་ཀྱི་སྐྱེ་གནས་སུ་སྐྱེ་བ་དང་། དུད་འགྲོའི་སྐྱེ་གནས་སུ་སྐྱེ་བ་དང་། དམྱལ་བའི་སྐྱེ་གནས་སུ་སྐྱེ་བར་འགྱུར་ཏེ། དེའི་ལུས་ཞིག་ནས་ཤི་བའི་ཕ་རོལ་དུ་དམྱལ་བ་ཡང་སོས་སུ་སྐྱེའོ། །དེ་ནི་དམྱལ་བ་ཡང་སོས
271b7 དམྱལ་བའི་བསྲུངས་མས་ཡང་དག་པར་སྲེག་པ་དང་མཚོན་སྣ་ཚོགས་པ་བཟུང་ནས་དུམ་བུར་གཅོད་ཅིང་ལུས་ལ་བུག་པ་འབུགས་པར་བྱེད་དོ། །རྣམ་པ་ལྔ་ཡིས་བཅིང་ངོ་ཞེས་པས་ལས་བྱེད་ཅིང་བྱེད་ལ། དམྱལ་བའི་སེམས
271b8 ཅན་དེ་ཡང་དང་ཡང་དུ་ཤི་ནས་ཡང་དང་ཡང་དུ་འཚོ་བས་ན་ཡང་སོས་སུ་སྐྱེའོ། །དེ་རྣམས་དེ་ལ་ཡང་སོས་ཀྱི་སྡུག་བསྔལ་དྲག་པོ་རྩུབ་པ་ཚ་བ་འཇོམས་ཤིང་འཇོམས་ལ་གང་ཞིག་ལ་ཐམས་ཅད་ལྕི་ཞིང་སྲོག་བཅད་པའི་རྣམ་པར
iiif viewer powered by OpenSeadragon
