| e-texts navigator |
| Wylie |
271a1 བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གང་གི་ཚེ་བཙུན་པ་བཅོམ་ལྡན་འདས། མ་ན་ཀུ་ལའི་ཁྱིམ་བདག་མོ་བདག་ཁྱེའུའི་དུས་སུ་བུ་མོ་གཞོན་ནུ་མ་བླངས་ཏེ། མ་ན་ཀུ་ལའི་ཁྱིམ་བདག་མོ་ལས་ལོག་པར
271a2 གཡེམ་པའི་སེམས་མ་སྐྱེས་སོ། །ལུས་ཀྱི་སྐྱོན་གང་ཡང་མ་བྱུང་བ་ལས་བཙུན་པ་བཅོམ་ལྡན་འདས་མཐོང་བའི་ཆོས་འདི་ལ་ཕན་ཚུན་དུ་མཐོང་ངོ་། །སྐྱེ་བ་གཞན་དུ་ཕན་ཚུན་དུ་མཐོང་བར་བདག་འདོད་དོ། །མ་ན་ཀུ
271a3 ལའི་ཁྱིམ་བདག་མོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གང་གི་ཚེ་བཙུན་པ་བཅོམ་ལྡན་འདས་ཕ་ན་ཀུ་ལའི་ཁྱིམ་བདག་གཞོན་ནུའི་དུས་སུ་བདག་གཞོན་ནུ་མ་བླངས་སོ། །ཕ་ན་ཀུ་ལའི་ཁྱིམ་བདག
271a4 ལས་འདོད་པས་ལོག་པར་གཡེམ་པའི་སེམས་མ་སྐྱེས་སོ། །ལུས་ཀྱི་སྐྱོན་མ་བྱུང་བ་གང་ལས་བཙུན་པ་བཅོམ་ལྡན་འདས་མཐོང་བའི་ཆོས་འདི་ལ་ཕན་ཚུན་དུ་མཐོང་ངོ་། །སྐྱེ་བ་གཞན་དུ་ཕན་ཚུན་དུ་མཐོང་བར་འདོད
271a5 དོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་དང་ཁྱིམ་བདག་མོ་གཉིས་པོ་ལ་འདོད་པ་ཡོད་པར་གྱུར་པས་མཐོང་བའི་ཆོས་འདི་ལ་ཕན་ཚུན་དུ་མཐོང་བར་གྱུར་ཏོ། །སྐྱེ་བ་གཞན་དུ་མཐོང་བར
271a6 འགྱུར་རོ། །གཉིས་པོ་དག་དད་པ་མཉམ་པ་དང་། ཚུལ་ཁྲིམས་མཉམ་པ་དང་། གཏོང་བ་མཉམ་པ་དང་། ཤེས་རབ་མཉམ་པ་རྣམས་ཀྱིས་མཐོང་བའི་ཆོས་འདི་ལ་ཕན་ཚུན་དུ་མཐོང་བར་གྱུར་ཏོ། །སྐྱེ་བ་གཞན
271a7 དུ་མཐོང་བར་འགྱུར་རོ། །ཡང་ཚིགས་སུ་བཅད་པ་འདི་བཀའ་སྩལ་ཏེ། གཉིས་ཀ་དད་དང་ཆོས་ཚིག་དང་། །མཉམ་དང་ཆོས་ཀྱིས་འཚོ་བ་དང་། །ཕན་ཚུན་དུ་ནི་དགའ་བའི་ཚིག་།དེ་ལྟར་སྐྱེས་པ་བུད་མེད་གཅིག་།ནོར
271a8 མང་དང་ནི་ལྡན་པ་དང་། །གནས་ནི་བཟང་པོར་སྐྱེ་བར་འགྱུར། །དགྲ་ནི་དེ་ལ་དགའ་བ་དང་། །གཉིས་ཀ་མཉམ་པའི་ཚུལ་ཁྲིམས་ཀྱིས། །འདི་ལྟར་ཆོས་ནི་སྤྱད་པ་དང་། །གཉིས་ཀ་ཚུལ་ཁྲིམས་ལྡན་པ་དང་། །
iiif viewer powered by OpenSeadragon
