| e-texts navigator |
| Wylie |
168b1 ཐམས་ཅད་དང་རབ་ཏུ་བྲལ་བ་དང་། དངོས་པོ་མེད་པ་དང་། དངོས་པོ་ཐམས་ཅད་དང་བྲལ་བ་དང་། གང་ཟག་པ་མེད་པ་དང་། གང་ཟག་པ་ཐམས་ཅད་དང་བྲལ་བ་དང་། ངོ་བོ་ཉིད་ཀྱིས་སྟོང་པ་ཉིད་ལ་བསླབ་པར་བྱའོ། །རིགས་ཀྱི་བུ་ཆོས
168b2 ཉིད་དང་ཆོས་ཀྱི་དབྱིངས་དང་། དེ་བཞིན་ཉིད་དང་། ཡང་དག་པའི་མཐའ་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། བདེན་པ་དང་། དེ་ཁོ་ནའི་དོན་ལ་བྱང་ཆུབ་སེམས་དཔས་བསླབ་པར་བྱའོ། །དེ་ནས་བཅོམ་ལྡན
168b3 འདས་ཀྱིས་བྱང་ཆུབ་སེམས་དཔའ་ཉི་མ་རབ་ཏུ་སྣང་བ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་བྱང་ཆུབ་སེམས་དཔའས་ཡང་ཆོས་ཐམས་ཅད་མངོན་པར་འདུ་བྱ་བ་མེད་པ་དང་། སྐྱེ་བ་མེད་པ་ལ་བསླབ་པར་བྱའོ། །རིགས་ཀྱི་བུ
168b4 ཆོས་ཐམས་ཅད་རང་བཞིན་གྱིས་རྣམ་པར་དག་པ་ལ་བསླབ་པར་བྱའོ། །གཟུགས་ལ་སོགས་པའི་ཆོས་ཐམས་ཅད་ཀྱང་རང་བཞིན་གྱིས་སྟོང་པར་ཤེས་པར་བྱའོ། །ངོ་བོ་ཉིད་ཀྱིས་དབེན་པར་ཤེས་པར་བྱའོ། །རིགས་ཀྱི་བུ་གང
168b5 དག་གིས་ཤེས་རབ་ཀྱི་ཕ་རོལ་དུ་ཕྱིན་པའི་མདོ་འཛིན་པར་བྱེད་ན་དེ་ལས་ཀྱི་སྒྲིབ་པ་བྱང་བར་འགྱུར་རོ། །དེ་བསོད་ནམས་ཀྱི་ཚོགས་སྐྱེ་བར་འགྱུར་རོ། །ཤེས་རབ་ཀྱི་ཚོགས་ཚད་མེད་པ་དང་ལྡན་པར་འགྱུར་རོ། །དྲན་པ་དང་ལྡན་པ་དང་།
168b6 ཚུལ་ཁྲིམས་དང་ལྡན་པར་འགྱུར་རོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་རྣམས་ཀྱིས་ཤེས་རབ་ཀྱི་ཕ་རོལ་དུ་ཕྱིན་པ་ལ་བསླབ་པར་བྱའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །
168b7 མང་ཐོས་དམ་པའི་ཆོས་ལ་བརྩོན། །སེམས་ཅན་ཀུན་ལ་བྱམས་པར་ལྡན། །བརྩོན་འགྲུས་གོ་ཆ་ཕུན་སུམ་ཚོགས། །བདག་དང་གཞན་གྱི་དོན་ལ་མོས། །བསམ་གཏན་ཏིང་འཛིན་བསྒོམ་ལ་བརྩོན། །བདག་དང་སེམས་ཅན
168b8 འདུ་ཤེས་མེད། །ཡང་དག་ཐེག་པའི་ལམ་དུ་ཞུགས། །སྔོན་གྱི་རྒྱལ་སྲས་དེ་ལྟར་སྤྱོད། །མཁས་པས་མ་ནོར་དེ་བཞིན་སློབ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས
iiif viewer powered by OpenSeadragon
