| e-texts navigator |
| Wylie |
166b1 རྒྱས་ཀྱི་ཆོས་རྣམས་གང་དག་ལགས་པ་དེ་དག་ཤེས་རབ་ཀྱི་ཕ་རོལ་ཏུ་ཕྱིན་པའི་ནང་དུ་ཆུད་ཅིང་འདུས་ཏེ། འུབ་ལ་ཡང་དག་པར་གཞོལ་བ་ནི་བཅོམ་ལྡན་འདས་ཀྱེ་མ་ཨ་ལ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཟབ་པ་ལགས་སོ། །བཅོམ
166b2 ལྡན་འདས་ཀྱིས་བཀའ་སྩལ་པ། རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་ཤིན་དུ་དབེན་པའི་ཕྱིར་རོ། །རབ་འབྱོར་གྱིས་གསོལ་པ། བཅོམ་ལྡན་འདས་ཀྱེ་མ་ཨ་ལ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་གཏིང་དཔག་དཀའ་བ་ལགས་སོ། །བཅོམ
166b3 ལྡན་འདས་ཀྱིས་བཀའ་སྩལ་པ། རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་ཤིན་དུ་རྣམ་པར་དག་པའི་ཕྱིར་རོ། །རབ་འབྱོར་གྱིས་གསོལ་པ། བཅོམ་ལྡན་འདས་ཀྱེ་མ་ཨ་ལ་ལ། ཨ་ལ་ལ། ཤེས་རབ་ཀྱི་ཕ་རོལ་དུ་ཕྱིན་པ་འདི་ནམ་མཁའ་དང
166b4 མཚུངས་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་ཤེས་རབ་ཀྱི་ཕ་རོལ་དུ་ཕྱིན་པ་ཤིན་དུ་རྣམ་པར་དག་པའི་ཕྱིར་ཏེ། རབ་འབྱོར་དེ་བས་ན་ཤེས་རབ་ཀྱི་ཕ་རོལ་དུ་ཕྱིན་པ་ནི་ནམ་མཁའ་ལྟ་བུ་ཡིན་ནོ། །རབ་འབྱོར
166b5 གྱིས་གསོལ་པ། བཅོམ་ལྡན་འདས་ཀྱེ་མ་ཨ་ལ་ལ། ཨ་ལ་ལ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་མི་བརྩོན་པས་རྟོགས་པར་དཀའ་བ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་དེ་བཞིན་ཏེ། དེ་དེ་བཞིན་ནོ། །
166b6 ཇི་སྐད་སྨྲས་པ་བཞིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ནི་མངོན་པར་མི་བརྩོན་པ་དང་། དགེ་བའི་རྩ་བ་ཆུང་བ་དང་། ཡིད་མི་གཞུངས་པ་དང་། དོན་དུ་མི་གཉེར་བ་དང་། ཐོས་པ་དང་མི་ལྡན་པ་དང་། ཤེས་རབ་ཆུང་བ་དང་། སྡིག་པའི
166b7 གྲོགས་པོས་ཟིན་པ་དང་། སྡིག་པའི་གྲོགས་པོ་དང་འདྲེ་བ་མང་བ་དང་། སྡིག་པའི་གྲོགས་པོས་འཛིན་དུ་བཅུག་པ་དང་། དང་བ་ཙམ་དང་ལྡན་པ་དང་། དད་པ་ཙམ་དང་ལྡན་པ་དང་། ལས་དང་པོ་པ་དང་སྐལ་བ་མེད་པའི་ཚུལ་ཅན་དང་།
166b8 ཡོངས་སུ་མི་འདྲི་བའི་རང་བཞིན་ཅན་དང་། ཤེས་རབ་འཆལ་པར་འགྱུར་བ་བྱས་པ་དང་། ལེ་ལོ་ཅན་དང་། བརྩོན་འགྲུས་ཆུང་བ་དང་། སྙིང་སྟོབས་ཆུང་བ་དང་། མོས་པ་ཆུང་བ་དང་། དགེ་བའི་ཆོས་དེ་དག་ལ་མངོན་པར་མི་བརྩོན
iiif viewer powered by OpenSeadragon
