| e-texts navigator |
| Wylie |
148a1 འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཡང་དག་པར་བླངས་པ་དང་བརྡ་ཅན་གྱི་སྡོམ་པའི་ཚུལ་ཁྲིམས་དང་། བསམ་གཏན་གྱི་སྡོམ་པའི་ཚུལ་ཁྲིམས་དང་། ཟག་པ་མེད་པའི་སྡོམ་པའི་ཚུལ་ཁྲིམས་དང་། ཚུལ་ཁྲིམས
148a2 དང་། ཚུལ་ཁྲིམས་ཆེན་པོ་དང་། ཚུལ་ཁྲིམས་རྣམ་པ་ལྔ་བསྒོམ་པར་བྱའོ། །རབ་འབྱོར་བྱང་ཆུབ་སེམས་དཔའ་བཟོད་པའི་ཕ་རོལ་དུ་ཕྱིན་པ་ལ་བརྩོན་པས་གཟུགས་ལ་སེམས་ཅན་གནོད་པ་བྱེད་པ་ལ་ཇི་མི་སྙམ་པའི་བཟོད་པ་དང་། སྡུག་བསྔལ
148a3 དང་དུ་ལེན་པའི་བཟོད་པ་དང་། ཆོས་ལ་ངེས་པར་སེམས་པའི་བཟོད་པ་དང་། བཟོད་པ་དང་། བཟོད་པ་ཆེན་པོ་དང་། བཟོད་པ་རྣམ་པ་ལྔ་བསྒོམ་པར་བྱའོ། །རབ་འབྱོར་བྱང་ཆུབ་སེམས་དཔའ་བཟོད་པའི་ཕ་རོལ་དུ་ཕྱིན་པ་ལ་བརྩོན་པས་ཚོར་བ་དང་།
148a4 འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་སེམས་ཅན་གནོད་པ་བྱེད་པ་ལ་ཇི་མི་སྙམ་པའི་བཟོད་པ་དང་། སྡུག་བསྔལ་དང་དུ་ལེན་པའི་བཟོད་པ་དང་། ཆོས་ལ་ངེས་པར་སེམས་པའི་བཟོད་པ་དང་། བཟོད་པ་དང་། བཟོད་པ
148a5 ཆེན་པོ་དང་། བཟོད་པ་རྣམ་པ་ལྔ་བསྒོམ་པར་བྱའོ། །རབ་འབྱོར་བྱང་ཆུབ་སེམས་དཔའ་བརྩོན་འགྲུས་ཀྱི་ཕ་རོལ་དུ་ཕྱིན་པ་ལ་བརྩོན་པས་གཟུགས་ལ་ལུང་ནོད་པ་དང་། ཁ་ཏོན་བྱ་བ་སེམས་པའི་བརྩོན་འགྲུས་དང་། ཉེས་པ་ཐམས་ཅད་ཡོངས
148a6 སུ་སྤང་བའི་བརྩོན་འགྲུས་དང་། ཡོན་ཏན་ཐམས་ཅད་ཡོངས་སུ་བསྡུ་བའི་བརྩོན་འགྲུས་དང་། བརྩོན་འགྲུས་དང་། བརྩོན་འགྲུས་ཆེན་པོ་དང་། བརྩོན་འགྲུས་རྣམ་པ་ལྔ་བསྒོམ་པར་བྱའོ། །རབ་འབྱོར་བྱང་ཆུབ་སེམས་དཔའ་བརྩོན
148a7 འགྲུས་ཀྱི་ཕ་རོལ་དུ་ཕྱིན་པ་ལ་བརྩོན་པས་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ལུང་ནོད་པ་དང་། ཁ་ཏོན་བྱ་བ་སེམས་པའི་བརྩོན་འགྲུས་དང་། ཉེས་པ་ཐམས་ཅད་ཡོངས་སུ་སྤང་བའི་བརྩོན་འགྲུས་དང་།
148a8 ཡོན་ཏན་ཐམས་ཅད་ཡོངས་སུ་བསྡུ་བའི་བརྩོན་འགྲུས་དང་། བརྩོན་འགྲུས་དང་། བརྩོན་འགྲུས་ཆེན་པོ་དང་། བརྩོན་འགྲུས་རྣམ་པ་ལྔ་བསྒོམ་པར་བྱའོ། །རབ་འབྱོར་བྱང་ཆུབ་སེམས་དཔའ་བསམ་གཏན་གྱི་ཕ་རོལ་དུ་ཕྱིན་པ་ལ་བརྩོན་པས་གཟུགས
iiif viewer powered by OpenSeadragon
