| e-texts navigator |
| Wylie |
140a1 རྣམ་པར་ཤེས་པ་ལ་མོས་ལ་རྣམ་པར་ཤེས་པ་ལ་སེམས་དེ་བསྐྱོད། ཀུན་དུ་བསྐྱོད། རྣམ་པར་བསྐྱོད་ན་མོས་པ་ངན་པའི་བྱང་ཆུབ་སེམས་དཔར་རིག་པར་བྱའོ། །རབ་འབྱོར་བྱང་ཆུབ་སེམས་དཔའ་གཟུགས་ལ་སེམས
140a2 མཉམ་པར་འདོད་ཅིང་། སེམས་དེ་གཟུགས་ལ་མོས་པ་ན། གཟུགས་ལ་སེམས་མི་འདོགས། ཀུན་དུ་མི་འདོགས། རྣམ་པར་མི་འདོགས་ན་མོས་པ་བཟང་པོའི་བྱང་ཆུབ་སེམས་དཔར་རིག་པར་བྱའོ། །རབ་འབྱོར་བྱང་ཆུབ་སེམས
140a3 དཔའ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་སེམས་མཉམ་པར་གཞག་པར་འདོད་ཅིང་སེམས་དེ་རྣམ་པར་ཤེས་པ་ལ་མོས་པ་ན་རྣམ་པར་ཤེས་པ་ལ་སེམས་མི་འདོགས། ཀུན་དུ་མི་འདོགས། རྣམ
140a4 པར་མི་འདོགས་ན་མོས་པ་བཟང་པོའི་བྱང་ཆུབ་སེམས་དཔར་རིག་པར་བྱའོ། །རབ་འབྱོར་བྱང་ཆུབ་སེམས་དཔའ་གཟུགས་ལ་མཚན་ཉིད་མེད་པའི་ཆོས་ཡོངས་སུ་ཤེས་པར་བྱ་བ་དང་། སྡུག་བསྔལ་རབ་ཏུ་ཞི་བར་བྱ་བ་དང་། མྱ་ངན
140a5 ལས་འདས་པ་ལ་གཅིག་ཏུ་ངེས་པར་བྱ་བའི་ཕྱིར་ཞུགས་ན། ཡང་དག་པར་ཞུགས་པར་རིག་པར་བྱའོ། །བྱང་ཆུབ་སེམས་དཔའ་དེ་ལྟར་ཡང་དག་པར་ཞུགས་པ་ནི་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར
140a6 རྫོགས་པར་འཚང་རྒྱའོ། །རབ་འབྱོར་བྱང་ཆུབ་སེམས་དཔའ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་མཚན་ཉིད་མེད་པའི་ཆོས་ཡོངས་སུ་ཤེས་པར་བྱ་བ་དང་། སྡུག་བསྔལ་རབ་ཏུ་ཞི
140a7 བར་བྱ་བ་དང་། མྱ་ངན་ལས་འདས་པ་ལ་གཅིག་ཏུ་ངེས་པར་བྱ་བའི་ཕྱིར་ཞུགས་ན། ཡང་དག་པར་ཞུགས་པར་རིག་པར་བྱའོ། །བྱང་ཆུབ་སེམས་དཔའ་དེ་ལྟར་ཡང་དག་པར་ཞུགས་པ་ནི་མྱུར་དུ་བླ་ན་མེད་པ་ཡང་དག་པར
140a8 རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། །མཚན་ཉིད་མེད་པར་ཤེས་བྱ་དང་། །སྡུག་བསྔལ་ཞི་བར་བྱ་བ་དང་། ཞི་བ་གཅིག་ཏུ་ངེས་བྱར་བར། བྱང་ཆུབ་སེམས་དཔའ་སྒྲུབ་པར་བྱེད། རབ་འབྱོར་བྱང་ཆུབ་སེམས
iiif viewer powered by OpenSeadragon
