| e-texts navigator |
| Wylie |
128b1 འདི་སྐད་དུ་ཀྱེ་སྐྱེས་བུ་ནོར་བུ་རིན་པོ་ཆེ་འདིའི་རིན་ཐང་ཇི་ཙམ། ནོར་བུ་རིན་པོ་ཆེ་འདི་ལ་ཡོན་ཏན་ཅི་ཞིག་ཡོད་ཅེས་ཟེར་ལ། མི་དེས་ཀྱང་དེ་ལ་འདི་སྐད་དུ་ཀྱེ་སྐྱེས་བུ་རིན་པོ་ཆེ་འདིའི་ཡོན་ཏན་ཚད་མེད་ཀྱིས། ཚད་མེད་པ་ཉིད་དུ་ཤེས
128b2 པར་གྱིས་ཤིག་ཅེས་སྨྲས་ཏེ། དེ་ནས་མི་དེས་ནོར་བུ་རིན་པོ་ཆེ་དེ་བྱི་དོར་བྱ་བའི་ཕྱིར་མི་དེ་ལ་བཞག་ནས་ཀྱེ་སྐྱེས་བུ་ནོར་བུ་རིན་པོ་ཆེ་འདི་རེ་ཤིག་བྱི་དོར་གྱིས་ཤིག་དང་། དེ་ནས་ཤེས་པར་འགྱུར་རོ་ཞེས་བྱས་ལ་དེ་ནས་མི་དེས་ནོར་བུ་རིན་པོ་ཆེ་དེ་མི
128b3 དེ་ལས་བླངས་ཏེ། བྱི་དོར་བྱ་བའི་ཡོ་བྱད་རྣམས་ཀྱིས་བྱི་དོར་བྱས་པ་དང་། དེ་ལྟར་བྱི་དོར་བྱས་པས་ནོར་བུ་རིན་པོ་ཆེ་དེ་རིན་ཐང་མེད་དེ་དེས་ཇི་ལྟ་ཇི་ལྟར་ནོར་བུ་རིན་པོ་ཆེ་དེའི་བྱི་དོར་བྱས་པ་དེ་ལྟ་དེ་ལྟར་ནོར་བུ་རིན་པོ་ཆེ་དེའི་ཡོན་ཏན་མཐོང་བར
128b4 འགྱུར་བ་དེ་བཞིན་དུ་འཇམ་དཔལ་གང་གི་ཚེ་རིགས་ཀྱི་བུ་འམ། རིགས་ཀྱི་བུ་མོ་དེ་ཏིང་ངེ་འཛིན་འདི་ལ་མཉམ་པར་འཇོག་པ་དང་། འཇུག་པ་དེ་དང་དེའི་ཚེ་ཏིང་ངེ་འཛིན་འདིའི་ཡོན་ཏན་མཐོང་བར་འགྱུར་རོ། །འཇམ་དཔལ་འདི་ལྟ་སྟེ
128b5 དཔེར་ན་ཉི་མའི་དཀྱིལ་འཁོར་གྱི་འོད་ཟེར་དག་གིས་དཀྱིལ་འཁོར་གྱི་མཐའ་གང་ཡང་མ་ཁྱབ་པ་མེད་དོ། །འཇམ་དཔལ་དེ་བཞིན་དུ་བཀོད་པ་གཅིག་པའི་ཏིང་ངེ་འཛིན་འདི་ཐོབ་ཅིང་ཞུགས་ནས་རྙེད་པ་དེ་ཤེས་རབ་ཀྱི་ཕ་རོལ་དུ་ཕྱིན་པ་སྟོན་པ
128b6 མ་ཡིན་པའི་ཆོས་གང་ཡང་མི་སྟོན་ཏོ། །གང་ལ་ལས་འདི་བཞིན་དུ་ཤེས་ན་དེས་སྐྱེ་བ་མེད་པ་དང་། འགལ་བའི་ཆོས་གང་ཡང་མི་མཐོང་ངོ་། །འཇམ་དཔལ་འདི་ལྟ་སྟེ་དཔེར་ན་རྒྱ་མཚོ་ཆེན་པོའི་ཕྱོགས་བཞི་ནས་སྐྱེས་བུ་བཞི་ཆུ་འཆུ
128b7 ན་དེ་ཐམས་ཅད་འདི་ལྟ་སྟེ་ལན་ཚྭའི་རོར་རོ་གཅིག་པ་ཉིད་འཆུ་འདིང་ལེན་ཏོ། །འཇམ་དཔལ་དེ་བཞིན་དུ་ཆོས་གང་ཅི་བསྟན་པ་དེ་དག་ཐམས་ཅད་ནི་འདི་ལྟ་སྟེ་སྐྱེ་བ་མེད་པའི་རོ་དང་། དངོས་པོ་མེད་པའི་རོ་དང་། འདོད་ཆགས་དང་བྲལ
128b8 བའི་རོ་དང་། རྣམ་པར་གྲོལ་བའི་རོ་དང་། འགོག་པའི་རོར་རོ་གཅིག་པའོ། །འཇམ་དཔལ་དེ་ལྟ་བས་ན་རིགས་ཀྱི་བུ་འམ། རིགས་ཀྱི་བུ་མོ་ཏིང་ངེ་འཛིན་འདི་དང་ལྡན་པ་དེ་ཆོས་གང་དང་གང་སྟོན་ཀྱང་དེ་དག་ཐམས་ཅད་འདི་ལྟ་སྟེ། སྐྱེ
iiif viewer powered by OpenSeadragon
