| e-texts navigator |
| Wylie |
334a1 བསམ་ཡས་ཐམས་ཅད་དང་། །རྫོགས་པའི་བྱང་ཆུབ་སེམས་དཔའ་ཉན་ཐོས་དང་། །རྡུལ་བྲལ་དྲི་མེད་བརྟན་པའི་ཆོས་ལ་ཡང་། །ཕྱོགས་བཅུ་རྣམས་སུ་མཆོད་པ་བྱེད་པར་ཤོག་།འགྲོ་བ་དམའ་བ
334a2 ཐམས་ཅད་སྤོང་གྱུར་ཅིག་། མི་ཁོམ་བརྒྱད་པོ་དག་ལས་འདས་པར་ཤོག་།དལ་བའི་རྒྱལ་པོ་དམ་པ་ཐོབ་གྱུར་ཅིག་།རྟག་ཏུ་སངས་རྒྱས་འགྲོགས་པ་ཐོབ་པར་ཤོག་།རྟག་ཏུ་མཐོན་པོའི་རིགས་སུ་སྐྱེ་བར
334a3 ཤོག་། ནོར་དང་འབྲུའི་མཛོད་རྣམས་འབྱོར་གྱུར་ཅིག་།སྙན་དང་གྲགས་དང་གཟུགས་དང་ཁ་དོག་གིས། །བསྐལ་པ་དུ་མར་ལེགས་པར་བརྒྱན་པར་ཤོག་།བུད་མེད་ཐམས་ཅད་རྟག་ཏུ་ཕོར
334a4 གྱུར་ཏེ། །དཔའ་ཞིང་རྟུལ་ཕོད་མཁས་ཤིང་གསལ་བར་ཤོག་།དེ་ཀུན་རྟག་ཏུ་བྱང་ཆུབ་ཕྱིར་སྤྱོད་གྱུར། །ཕ་རོལ་ཕྱིན་པ་དྲུག་ལ་སྤྱོད་པར་ཤོག་།ཕྱོགས་བཅུ་དག་ན་རིན་ཆེན་ཤིང་དབང་དྲུང་། །
334a5 སངས་རྒྱས་བདེར་བཞུགས་རིན་ཆེན་བཻ་དཱུ་རྱའི། །ཁྲི་ལ་བཞུགས་པ་དག་ནི་མཐོང་གྱུར་ཅིག་།ཆོས་བསྟན་པ་ཡང་དེ་དག་ཐོས་པར་ཤོག་།བདག་གིས་སྡིག་པའི་ལས་རྣམས་བསྒྲུབས་པ་ནི། །སྲིད་པ
334a6 ཉམ་ངར་སྔོན་ཆད་གང་བསྒྲུབས་པ། །སྡིག་ལས་གང་དག་མི་འདོད་འབྲས་ཐོབ་པ། །དེ་དག་ཐམས་ཅད་མ་ལུས་ཟད་གྱུར་ཅིག་།སེམས་ཅན་གང་དག་སྲིད་པར་བཅིངས་གནས་ཀུན། །འཁོར
334a7 བའི་ཞགས་པའི་ཐག་པས་དམ་བཅིངས་པ། །ཤེས་རབ་ལག་གིས་བཅིངས་པ་བཀྲོལ་བར་ཤོག་།སྡུག་བསྔལ་རྣམས་ལས་ཐར་གྱུར་ཐུབ་གྱུར་ཅིག་།སེམས་ཅན་གང་དག་འཛམ་བུའི་གླིང་འདི་དང་། །གང་དག
334a8 འཇིག་རྟེན་ཁམས་ནི་གཞན་རྣམས་ན། །བསོད་ནམས་སྣ་ཚོགས་ཟབ་མོ་རྣམས་བྱེད་པ། །དེ་དག་ཀུན་ལ་རྗེས་སུ་ཡི་རང་ངོ་། །ལུས་དང་ངག་དང་ཡིད་གྱིས་བསྒྲུབས་པ་ཡིས། །བདག་གི་རྗེས་སུ་ཡི་རང་བསོད་ནམས་དེས། །
iiif viewer powered by OpenSeadragon
