| e-texts navigator |
| Wylie |
329a1 དག་དེ་བཞིན་གཤེགས་པ་འོད་དཔག་མེད་ཀྱི་ཐུགས་རྗེའི་བྱིན་གྱིས་མུན་ནག་ཆེན་པོའི་འཐོམས་པ་ལས་ཐར་ནས་བདེ་བ་ཅན་གྱི་ཞིང་ཁམས་སུ་སྐྱེ་བར་གྱུར་ཅིག་། གཞན་ཡང་མར་མེ་འདི་ཀླུའི་གནས་སུ་སྣང
329a2 ཞིང་གསལ་བར་གྱུར་ཅིག་། དེས་ཀླུ་རྣམས་གཏི་མུག་དང་སེར་སྣའི་མདུད་པ་བཀྲོལ་ཏེ་གཏོང་བའི་བློ་དང་ལྡན་ཞིང་ནམ་མཁའ་ལྡིང་གིས་འཇིགས་པ་དང་། མེ་དང་། བྱེ་ཚན་ལ་སོགས་ཏེ་འཇིགས་པ་ཆེན་པོ་བརྒྱད་ལས་ཐར
329a3 ནས། སངས་རྒྱས་དང་། ཆོས་དང་། དགེ་འདུན་ལ་སྐྱབས་སུ་འགྲོ་ཞིང་སྲོག་འཚོ་བའི་ཞི་གནས་ཀྱི་ཆུའི་ཐིག་ལེ་སྙིང་ལ་གནས་ནས་ཀླུ་རྣམས་འདོད་པའི་ཡོན་ཏན་དང་ལྡན་པར་གྱུར་ཅིག་།མར་མེ་འདི་ལྟོ
329a4 འཕྱེ་ཆེན་པོའི་གནས་སུ་སྣང་ཞིང་གསལ་བར་གྱུར་ཅིག་། དེས་ལྟོ་འཕྱེ་ཆེན་པོའི་སྡུག་བསྔལ་ཞི་ནས་དགའ་བ་རྒྱ་མཚོ་རྣམ་པར་འཕྲུལ་བའི་ཤུགས་དང་ལྡན་པར་གྱུར་ཅིག་།མར་མེ་འདིས་འཛམ་བུའི་གླིང་གི
329a5 སྤྱིར་གནས་པའི་ས་བདག་དང་། ལྷ་དང་། ཀླུ་དང་། ས་བདག་གི་རྒྱལ་པོ་པི་ཏ་ལི་དང་། སའི་རྒྱལ་མོ་ཆེན་མོ་དང་། རྒྱ་མཚོ་ཆེན་པོ་དང་། མཚོ་བྲན་དང་། རྫིང་དང་། ཁྲོན་པ
329a6 ལ་གནས་པ་དང་། ཀླུང་ཆེན་པོ་དང་། ཀླུང་ཕྲ་མོ་དང་། ཆུ་མིག་དང་། ལུ་མ་ལ་གནས་པ་དང་། གངས་རི་མཐོན་པོའི་རྒྱུད་ལ་གནས་པ་དང་། རི་ནག་པོ་དང་། གཡའ་དང་། ཤ་སྤང
329a7 དང་། སྤང་རི་དང་། ནགས་ཆེན་པོ་དང་། ཤིང་གཅིག་པ་དང་། གཙུག་ལག་ཁང་དང་། མཆོད་རྟེན་དང་། གྲོང་ཁྱེར་དང་། ལྗོངས་ན་གནས་པའི་གནས་སུ་སྣང་ཞིང་གསལ་བར་གྱུར་ཅིག་།
329a8 དེ་དག་སོ་སོའི་འཁྲུལ་པའི་རྟོག་པ་ཐམས་ཅད་བྱང་ནས་དཀོན་མཆོག་གསུམ་ལ་མི་ཕྱེད་པའི་དད་པ་དང་ལྡན་ཏེ། བྱང་ཆུབ་ཀྱི་སེམས་དང་ལྡན་ནས་ཐར་པ་ཐོབ་པའི་རྒྱུར་གྱུར་ཅིག་།དེ་ལྟར་དེང་མར་མེ་འདིའི་ཡོན
iiif viewer powered by OpenSeadragon
